مبنشتغلش ليه؟

[DR.BIBO]

كتير اوى من الشباب بيتخرج من الجامعة ويقعد من غير شغل بالسنين ولو سالته مبتشتغلش ليه ؟
الاجابة غالبا: الواسطة والمحسوبيةوالبلد اللى مبتمشيش الا بالكوسه اويقولك انا زهقت من اللف على الشغل مفيش حاجة فى تخصصى ولو لقى بيبقى المرتب ماتين ثلاثمائة جنيه مرتب ميفتحش بيت
ماشى انا معاك فى كل اللى اتقال وان البلد مفهاش امكانيات بس بص على نفس الشاب ده لو سافر بره بيشتغل اى حاجة وكل حاجة حتى غسيل الصحون وحراسة العقارات وحتى مزارع الخنازير وده كله طبعا بعيد عن تخصصه وتقوله ياعم متشتغل الكلام ده فى بلدك وسط اهلك وناسك متعرفش يقولك لا الناس تتريق عليا وبرستيجى وحاجات من هذا القبيل وفى كتير من رجال الاعمال بيطلبو عمال فى المصانع بمرتبات عاليه لكنهم مبيلاقوش ناس عايزة تشتغل !

وفى موضوع الواسطة والمحسوبية قابلت ناس من اللى بيعملوا الانترفيو وقالوا بصراحة هو فى واسطة محدش ينكر بس لو اتقدم واحد معاه واسطة وواحد اخر مواصفاتة الشخصية ومؤهلاته تمكنه من انه يطور الشغل فيما بعد ويكون شخصيه ترفع الشركة لمكانه اعلى اكيد وطبيعى انهم يفضلوه على الشخص صاحب الواسطة اللى معندوش الامكانيات ديه
فياترى العيب فينا ولا فى التخصصات اللى بعيده عن سوق العمل وحتى لوكان كده فليه كتير من الشباب مبيحاولوش يطورو نفسهم بما يتناسب مع سوق العمل طبعا الكلام ده مش لكل الشباب لان فى شباب كتير كويس وبيتعب هنا وبيجتهد ويحفر فى الصخر لحد مايوصل
صحيح الموضوع صعب لكن فى ناس كتير وصلت لاهدافها فى الاخر يبقى انت تقدر توصل ولا ايه؟

[مهداه]

ربنا يقدم اللى فيه الخير
وان شاء الله نعمل اللى علينا
ونقول يا رب

[live_and_learn2002]

انا هقولك العيب فى مين العيب فى الجمهور هو الى مش بيشجع كويس وكل الى حوليك بيحاول يحبطك بسبب وبدون سبب

[Dr/HULK]

انا هقول حاجة بس

سمعت مرة من واحد كان فى ايطاليا

كان بيشتغل عامل بناء

بيقول انه فى الشغل بتاعه ليه يونيفورم لازم يكون لابسه ساعة الشغل

وبعد الشغل يلبس هدومه واللى اكيد بتكون نضيفة

وكمان بيقول انه لما بيدخل اى مكان سواء كان مكان فقير او غنى بيلاقى احترام من الناس

محدش بيستهتر بيه او زى عندنا تلاقى بعض الناس يخافوا يقربوا منه عشان هدومه مش نضيفة(هدوم الشغل)

بيقول هنا فى مصر لما اشتغل فيها الناس (مش كلهم)

كانوا بيتعاملوا معاه كأن عنده جرب؟؟؟؟؟؟؟

عشان كده عندنا فى مصر تلاقى الناس كلها بنخاف تشتغل فى المهن فى حين انه لو خرج بره بيشتغل فى اى حاجة حتى لو عامل نظافة

اما بقى بالنسبة لحكاية الواسط!!!!!ة

فانا بقى سمعت من واحد بيعمل انتر فيو

وقال ان اللى معاه واسطة فى بلدنا دى يبقى اشتغل فى المكان بنسبة 95%

حتى لو ميعرفش حاجة خالص عن المهنة اللى هيشتغلها

والسبب بسيط خالص

وهو ان معظمنا لما يتخرج وييجى يشتغل بيلاقى كل اللى درسه ملوش لازمة

وبيتعلم فعلا من الصفر لما بيشتغل حاجات تانية خالص غير اللى درسها

اما بقى 5% اللى بيقبلوهم من غير واسطة

فهما اصحاب الخبرة واللى اشتغلوا 2او 3 سنين

يعنى من الاخر لو 2 متخرجين

واحد واخد كل الكورسات اللى ممكن تتخيلها

والتانى معاه واسطة

واتقدموا لنفس الوظيفة

فتقريبا بنسبة 99.99999999% اللى معاه واسطة هو اللى اشتغل

بس حاجة مش صعبة

[احمد شبند]

هقول تلت جمل بس

محدش ينكر ان فى واسطة

الى عاوز يشتغل هيشتغل ولو الدنيا كله ضده

من يخلق الاعذار (وان وجدت ) فهو يخدع نفسه

[loyalty]

هو إنتي لسه بتسألي تيرا تيرا ههههههههههه على رأي الأستاذ هااااني شاكر

وربنا قال إسعى يا عبد وانا أسعى معاك بس إحنا بنكسل

[NonY]

وربنا قال إسعى يا عبد وانا أسعى معاك بس إحنا بنكسل

ربنا قال كدة ؟؟!!

[loyalty]

ربنا قال كدة ؟؟!!

انا قصدي فيما معناه يا نوني

[*محبة رسول الله*]

هتصدقونى لو قلتكلم انى نفسى أشتغل

نفسى أتحمل مسؤلية نفسى بس المانع هو انى بنت

دايما اقولهم فى البيت لو كنت ولد كنت اشتغلت وانا بدرس

بيعجبنى جدا الشخص المكافح اللى بيتحمل المسؤلية من بدرى

مش الفرفور بقى اللى بقى شبه البنات ده
واللى كل البنات بتعجب بيه

سبحان الله!

مع ان اللى بيتحمل المسؤلية ده
بيبقى راجل بجد
وبيقدر يعدى الصعاب بعد كده

مش التانى اللى كل ما تحصله مشكله يجرى يكلم ابوه

[same7]

عندى تعليق بسيط
هوه ليه من اول جيل اواخر الثمانينات
هوه اللى بيرفض يشتغل كده؟
جيلنا احنا هوه اللى بيرفض بس
اللى قبل كده بيشتغلوا عادى
قصدى طبعا انه بيرفض الشغل ده فى مصر


سؤال مش لاقيله اجابه؟