هل الصيادله فعلا بقالين ؟

[Larine_Resala]

انا من رايي ان اللي يفول ع الصيدلي بقال يبقى سوري ف الكلمة واحد مابيفهمش

ونصيحة ليك يادكتور طالما انك دخلت صيدلة عن حب واقتناع يبقى باذن الله هتبقى صيدلي ناجح بس بشرط انك ماتخليش كلام زي دا يهز ثقتك بنفسك

ولو حد قالك الكلام دا تاني اعتبر نفسك كأنك مسمعتهوش

واتمنى لك التوفيق

[muna7assan]

معلش يا محمد

انت لسه هاتسمع حاجات من دى كتييييير

ولسه كمان لما تنزل صيدليه مثلا وتقف فيها

هاتلاقى حاجات تحرق الدم والله

بس انت مادام مقتنع وحابب الى انت بتعمله خلاص ولا يهمك

وبعدين احنا فى مجال والاطباء فى مجال تانى خالص لا وجه للمقارنه بينهم

والناس دول احسن طريقه فى التعامل معاهم انك ماتدخلش معاهم فى نقاش زى دا

لأ انت اصبر عليه كده لما يجيلك الصيدليه ياخد منك حاجه

حتى لو شريط انتينال

وكلمه باللى انت اتعلمته حتى لو كانت حاجه بسيطه عندنا

وشويه انجليزى على شويه drug drug interaction وهيعرف قيمتك بعد كده

[lavandula]

مش عاوزه اقول اه ومش عارفه اقول لا لان احنا اللى عملنا فى نفسنا كده مش حد تانى.بس ماتحبطش نفسك .ليه تاخد الكلام على اعصابك بكره ان شاء الله لما نتخرج هنثبتلهم اننا مش بقالين حتى ولو وقفنا فى صيدليه.احنا المفروض بنصنع وبنبيع اهم واخطر حاجه. ابسطهالو واحد عيان باى مرض وليكن مريض سكر جبلك دوا .وقالك ينفع اخد ده وانا عندى السكر .مين اللى هيعرف يجاوب عليه غير حضرتك!!ولايهمك من الكلام اهم حاجه نبا ادها.ونقدر نفيد حد.

[Dr/HULK]

باللى بندرسه فى الكلية دى

يبقى البقال بيفهم اكتر مننا

دا احنا هنتخرج بكده لامعلومات

ولا قدرة على التجارة

بتاع الدبلوم فى اللى احنا بنتريق عليه لما يقف فى الصيدلية

بيعرف يبيع ويكسب زبون(ماهى بقالة بقى)

انما احنا لا بنعرف نبيع ولا حتى نشترى!!!!!!

[Dr/MeMo]

بصراحة انا فى الاول انا الى كنت بقول كده.لانى بحس ان دى اخرتها.من كتر ما الواحد شاف

[LOVELY BIRD]

هي اتقالت بس انا عندي الرد هقولة لكم:
لما يكون اللي بيقول كده اقل مننا في الكلية,قوله ما دخلتهاش ليه ويا سلام لو كان في كلية خاصة قول له انت شاريها بفلوسك انما احنا دخلينه بمجموع فوق 96% واي حد عايز يدخل الكلية دي خاصة بيدفع في السنة 30 الف جنيه ماهو لو كان بقال كان دفع 3 الاف فقط ودخل تجارة انم تكلفة الصيدلاني الخاص فوق 150 الف جنيه
لو كان اعلى منك ـيعني دكتور مثلا ـ,قوله اهو انت جايب 99% ودخلت كلية اعلى مني ومتقدرش تفتح صيدلية وتشتغل بياع زيي ولو عملتها هنسيب الكلية ونقعد في البيت
ياريت يا جماعه الرد يعجبكم على فكرة انا جايبة 98.8 ودخلت صيدلة مش طب لاني مقتنعة بيها

[بيتر الحكيم]

يا جماعة خليكو واثقين فى نفسكم وفى دبلون العلوم الصيدلية اللى انتم حتاخدوة هية ماشى

ههههههههههههههههههههههههههه يا شباب بجد الصيدلى الواعى الفاهم بيفرق بينة و بين اى حد واقف فى الصيدلية كتير وعلى فكرة علمنا دة مسئولية فى ايدينا و اللى يقول بقال قولوا لة يا عم بقال بقال لكن برخصة من وزارة الصحة كنت اتشطر انت و هاتها الاول

[Messi]

فعلا احنا المفروض ما ناخدش بكلام الجهله.......لأنه كما نعلم لا يهم السحاب نبح الكلاب.......فاتركوهم ينبحون .. اتركوهم ينبحون فهم جهله........وانا لم اسمع من طبيب او من مثقف ان هذه المهنه كالبقاله...............فهو لا يصدر الا من من يمتلأ قلبه بالحقد والغيظ و الضغينه... فهو يعتقد بتلك الكلمات انه سيغيظ من امامه .....فلا تتظاهروا بالغيظ امامه كما لا تتظاهروا بالخوف من نبح الكلام المسعوره...

[احمدلطفى]

يا شباب بجد الصيدلى الواعى الفاهم بيفرق بينة و بين اى حد واقف فى الصيدلية كتير وعلى فكرة علمنا دة مسئولية فى ايدينا و اللى يقول بقال قولوا لة يا عم بقال بقال لكن برخصة من وزارة الصحة كنت اتشطر انت و هاتها الاول

مضبوط يادكتور والكلام دا شفته بعيني

[د/محمد سليمان]

والله يادكاتره انى فى راى ان الصيدله اللى هما احنا اللى عملنا كدا فى نفسنا علشان تركنا اىحد يمتهن مهنتنا حد بتاع دبلوم تجاره فلازم الناس تقول علينا كده