هل أصبحنا نسانيس!!!

[عبدالله عبدالرحمن]

بسم الله الرحمن الرحيم
زملائى الأعزاء أعضاء المندتدى الكرام
السلام عليكم ورحمة الله وبركاته

هذا الموضوع له علاقة مباشرة بالمنتدى الرياضى
وبموضوع أخر اسمه رسالة الى كل المصريين
بدأت فيه عدة مناقشات
ولأن الساحة الرياضية ليست محلها قررت عرض الموضوع
عليكم فى مكانه الصحيح

اولا وقبل كل شىء شكر خاص لصديقى وزميلى rasputin على اثارته للموضوع

وعلى تزويده لهذا الفيديو الخاص بالدكتور مصطفى محمود
والذى له علاقة مباشر بموضوعنا اليوم
توقف عن قراءة الموضوع واذهب لمشاهدة الفيديو
تقريبا دقيقة
ولكنه يحمل رسالة خطيرة
هى فعلا رسالة لكل المصريين
ولكن على عكس رسالة المنتدى الرياضى
فهذه الرسالة كانت جرس انذار منذ ما يقرب 20 عاما
ولكن ماذا فعلنا

الفيديو
تشاهدونه
هنا

حسنا
بعد ان قمتم بالمشاهدة وربما التفكير قليلا
ستتسائلون لماذا أكتب فى هذا الأن
لماذا!
هل هذا تشاؤم او احباط
لا
ليس كذلك
لكن الظواهر التى رأيتها اليوم فى مجتمعنا او حتى منتدانا
أكدت لى فعلا ان هناك خلل ما
خلل نفسى فى بنية المواطن المصرى
عشوائية -تشتيت-يأس
صفات ظهرت لى فى الأونة الأخيرة
ولكن بشكل مستفز ومتبجح
ربما لم أكن انا نفسى فى الصورة
او لم أحلل الوضع بالشكل الصحيح
ولكن بعد تفكير
وجدت اننا عقول مغيبة
وبشكل مقصود
عقول تابعة تحركها الخيوط كدمية فى مسرح
ليس عندنا هدف مستمر ونعيش كل يوم بيومه مثل مسلسلات الست كوم
من أسبوع جلسنا نندب المسجد الأقصى ونشجب
وفى ثوانى تحركت الأصابع الخفية لتلعب بعقولنا
بكبش فداء تحدث عن النقاب بشكل غير ملائم
مجرد جذب للأنظار وابعاد النظر عن قضية أخرى
وبعد ان هدات الأمور خرج علينا كبش الفداء ليعلن ان النقاب ممنوع بين النساء
ما هذا الأستهزاء
من يفعل هذا يثق بأن الرأى العام لن يقوم بأى رد يلائم الموقف السخيف
والمفتعل
ولكن كبش الفداء كان يعلم ان الأيادى الخفية يتتحرك من جديد لتحميه
وبدأت توجه المجتمع كله نحو مبارة المنتخب المصرى
نسى المجتمع كل شىء عن القدس وعن قضية النقاب
بل نسوا مشاكل الطعام والتعليم والصحة
والتفوا حول التلفاز يرفعون ايديهمن بالدعاء فى لحظة ربما لم يقم بها
من أجل اولاده او حتى المسلمين
حتى تعليقات معلق المبارة والذى تحدث عن المبارة
كأنها فتح كبير..
ان نجوم المنتخب المصرى حققوا المستحيل
ماذا يحدث ايها المصريين
كيف تحول لاعبى الكورة
والمغنيين
وأمثالهم الى نجوم
لماذا تلقىلا عليهم الأموال وتصب
بينما لاينال عشر هذه المبالغ
اى من المدارس او الجامعات
لماذا يضطر الطبيب لعمل مظاهرة لرفع مرتبه
بينما يحصل اللاعب على الاف الجنيهات لأجل ساعة ونصف من
اللعب
هل هذه العدالة الأجتماعية التى تتشدق بها الدولة
وتزين بها دستورها
هل يستحق الأمر من الشعب المصرى ان يهتم بمجرد مباراة كل هذا الأهتمام
هل يستحق الأمر ان قنلو لم يتبقى سوى الصثعود لكأس العالم
هل يستحق
اليس من المخزى ان ارى فى كليتنا اعضاء يعلمون دستور رياضة كرة القدم
ويتحدثون فيها لساعات
أكثر مما درس فى كليته كلها
اليس من المهين ان نرى موضوع على منتدانا يجمع كلمات لمغنى للأسف يقال عنه نجم
بينما لا نجد اى مشاركات تتعلق بشكل مباشر بنا وبدراستنا او بمهنتنا
الا من عضو او اثنين لا حرمنا الله مشاركاتهم الثرية

لماذا نقول على فلان المغنى نجم ونهتم بمعرفة ما يحب ويرضى
لماذا لاترى فى نفسك انت النجم
لماذا لا تنظر الى نفسك كشىء نادر وان المجتمع كله ينتظرك لتساهم فى مسيرته
الا تعلم انك بدخولك كلية
اى كلية فانك تؤدى فرضا من فروض الأسلام
وهو فرض الكفاية الذى يكفى باقى المسلمين دراسة هذا العلم
وانك تأثم عندما تخرج من كليتك بأقل من المعلومات المطلوبة
او بتقصيرك فى دراستك

لماذا نصر ان نصبح مغيبين عن الواقع وان نتجاهل سوء الوضع الحالى
ارى اناس مهمومين بمباراة المنتخب اكثر من همه بدراسته
وما لاب من اكتسابه للحياة
وتسائلت
هل هؤلاء الأشخاص لا يعرفون مدى سوء الوضع
ويجهلون الى اي قاع وصلوا
ام انهم يتجاهلون ويتناسون الأمر
وتخلوا عن مسئولياتهم نحو مجتمعهم

كثيرا ما فكرت
كثيرا كيف نصلح
كيف نعدل من أنفسنا
وكلما قلت سنبدا من كذا
اجد ان الطريق مسدود بمشكلة اكبر وفى اتجاه اخر
حلقة مغلقة من المشاكل ومتصلة
بشكل لا يأتى معه سوى الشعور بالقهر
كلما حدثت أحدهم يقول لى
هو انا اللى هاصلح العالم
ولما لا
نعم يمكنك
كل شخص فينا له قدرات وامكانيات
غير محدودة
السنا مسلمين
لماذا لا ننظر كيف بدأ الأسلام
كيف غير بقاع الأرض ووجه البسيطة
لماذا روح اليأس والتكاسل
وعندئذ سنفهم انه ليس المطلوب مظاهرات
اواعتراضات
ولكن المطلوب ان نغير من أنفسنا
وننظر الى بعيد
فلننسى الكرة والأفلام والأغانى
ونفكر قليلا فى علمنا
فى دراستنا
فلنهتم قليلا بالوطن ..
فكر
اهتم
تفائل
واعلم ان الله سيكون معك
طالما انك تعمل لصالح المسلمين
ارجوكم يا جماعة
لا تنتظر
ولاتقول لما اتخرج
فأنت لا تعلم ان كنت ستر ى هذا اليوم قبل
ان يكشف لك ماكنت فيه فبصرك يومئذ حديد

اهتم بأن تكون صيدلى ناجح ونجم
كم تتمنى ان ترى منتخب مصر فى كأس العالم
احزن واغضب عندما ترى بلادك متأخرة
وكن غيورا
وضع النية وجددها
بأن تغير من نفسك
ومن مجتمعك بما يتوفر لك من قوة ودون ان تسبب الضرر لغيرك

كل ما قلته لكم ليس محاضرة او تفضلا منى عنكم
لا والله
وانما الكلام لى ايضا
وانا اليوم اقل منكم

وهذه اخر كلماتى
الشعوب تحمل أقدار أوطانها
فهل للشعب التابع مغيب العقل قدر
وهل لوطنه مصير

بعض الأقتباسات

الواحد من زمااااااااااان ماكتبش حاجه علي المنتدي.....بس مضطر ....الموضوع استفزني اوي
اناا مش هاتكلم كتير
ياريت يا شباب كلنا نشوف الفيديو الصغير ده-هوا صغير في الوقت بس ....لكنه كبير اوي في المحتوي-
اسف لم اجد رابط تاني لهذا الفيديو الا علي facebook
يارب كل الناس تشوفه ونعقل بقي وبلاش اهتمام بحاجات تافهه عبيطه ملهاش لازمه..

شكرا يا عبدالله وانا رفعت الفيديو على ال
youtube

Thanks Rasputin

Very important Video

And this difference now became real, no need for more 20 years

افارق واضح بين شعوب رائدة ..
وشعوب مغيبة لا مصير لها
شكرا دكتور محمد رضا


أسئلتى لكم
هل اصبحنا نسانيس
هل نحن شعب مغيب
لماذا تعتبر مغنيا او لاعب كرة نجم
لماذا تهتم بمبارة كرة قدم كل هذا الأهتمام
بالنسبة لك ماهى الأمور الجديرة بالتفكير
وماهى الأمور التافة
ماهى اولوياتك فى الحياة

شكرا واسف على الأطالة

[Chimera]

كالعادة كلام مأساوي مش شخص للأسف شايف الحياة مظلمة
فبييجي يطلع نظرته التشائمية علينا ..!!!

اسأله سؤال .. و هل فيه مجتمع ف الدنيا لا يهتم بالترفيه
هل يعرف مقدرا المصروفات و الاعلانات و المشاهدات إللي ف السينما الامريكية مثلاً ؟؟!!!
او ف الهند ؟؟!!!

هل يعرف صناعة كرة القدم ف انجلترا و اوروبا عامة بتدخل امول إزاي للأتحادات المعنية ؟؟!!

هي يعرف ان كرة القدم بتساهم ب اكتر من 5% من النمو الاقتصادي ف البرازيل كل سنة بنحو 17 مليار دولار ؟؟!!

هل تفكير الناس و اهتمامهم الشديد بالحاجات دي .. يمنع انهم بيفكروا برضو ف الحاجات التانيه زي العمل و التعمير و التنمية ..!!! كلام غريب الصراحة

ايه المانع يعني اني اتفرج على ماتش كورة و اشجع و اقطع نفسي .. و بعدين اروح حفلة لعمرو دياب .. و بعدين اقعد ع المكتب اذاكر

بتسأل عن اجر الطبيب و اجر لاعب الكرة او الفنان ؟؟!!! هل الطبيب يمتلك موهبة زي إللي يمتلكها واحد زي كريشتيانو رونالدو أو شاكيرا مثلاً عشان يتساوى معاهم ف الاجر ؟؟!!!

و ف الاخر سؤال لصاحب الموضوع ..

هل هو حاسس إنه اصبح نسناس ؟؟!!!!


.,,

[sunshine]

بجد د/ عبد الله مش عارفه أقولك ايه؟ كل كلمه قلتها صح ميه ف الميه وساعات كتير اوى بقعد افكر ف الكلام اللى كتبته دلوقتى..أنا بحييك على كلامك بجد

هل تفكير الناس و اهتمامهم الشديد بالحاجات دي .. يمنع انهم بيفكروا برضو ف الحاجات التانيه زي العمل و التعمير و التنمية ..!!! كلام غريب الصراحة

مين قال ان ده يمنع ده بس لما الموضوع يزيد عن حده اعتقد الموضوع محتاج وقفه زى دى

ايه المانع يعني اني اتفرج على ماتش كورة و اشجع و اقطع نفسي .. و بعدين اروح حفلة لعمرو دياب .. و بعدين اقعد ع المكتب اذاكر

والله لو بعد ما قطعت نفسك ف ماتش الكوره وبعدين رحت حفلة عمرو دياب وبعدين رجعت تذاكرولسه فيك طاقه انك تذاكربنفس الجديه وتعمل اللى عليك بضمير يبقى حقيقى برافو عليك ياريت كلنا نبقى كده

بتسأل عن اجر الطبيب و اجر لاعب الكرة او الفنان ؟؟!!! هل الطبيب يمتلك موهبة زي إللي يمتلكها واحد زي كريشتيانو رونالدو أو شاكيرا مثلاً عشان يتساوى معاهم ف الاجر ؟؟!!!

لو بجد بجد ده رأي حضرتك يبقى no comment

[Chimera]

مين قال ان ده يمنع ده بس لما الموضوع يزيد عن حده اعتقد الموضوع محتاج وقفه زى دى

مفيش زيادة ولا حاجه يا دكتورة .. انتي عارفه مدى الهوس بكرة القدم او الفن ف كل العالم عامل إزاي
هوس بمعنى الكلمة
ديربي البوكاجونيورز و اللريفير بلات ف الارجنتين مثلاً ده لازم يموت فيه بتاع 20 - 30 واحد كل مرة
انا شايف اننا معتدلين جداً

والله لو بعد ما قطعت نفسك ف ماتش الكوره وبعدين رحت حفلة عمرو دياب وبعدين رجعت تذاكرولسه فيك طاقه انك تذاكربنفس الجديه وتعمل اللى عليك بضمير يبقى حقيقى برافو عليك ياريت كلنا نبقى كده

ده تعبير مجازي ان المتعة و الترفيه مش يمنعوا ان الواحد يشوف شغله ..

لو بجد بجد ده رأي حضرتك يبقى no comment

آه رأيي و مقتنع بيه جداً .. ان الموهبة ليها تمن و تمن غالي جداً
فيه ملايين من الناس ف العالم يقدروا يكونوا اطباء .. انما فيه كام واحد يملك موهبة مميزة ف الكورة او الفن او في القتال ؟؟!!!

.,,

.,,

[DR.BIBO]

انامعاك يادكتور ان اجنا محتاجين نتغير وان العلم بقى درجة تانية او تالتة فى حياتنا بس ده مش معناه ان الترفية بمطش او مسلسل مشكلة المشكلة ان احنا مبقاش فى هدف كبير فى حياتنا ومبقناش عارفين احنا عايزين ايه عشان كده انا كنت عملت الموضوع ده http://www.pharma-board.com/board/sh...ad.php?t=11912
اما فى موضوع راتب الدكتور والاعب والفنان فلو دكتور واحد شاطر متمكن بعلمه وخلقه يساوى فى موهبته اجررونالدو أو شاكيرا مثلاً

[Khaled Ali]

مع خالص احترامي ...

المفروض لما الاقي تقصير ما في المجتمع في جانبن معين من جوانب الحياة ... اسلط الضوء عليه و اتكلم عنه و اعرض للناس نماذج مختلفة من البشر قدروا ينجحوا ف المجال ده ... أما إن أنا عشان اطور من مجال ما انتقص من مجال تاني.. يبقى اللي هيحصل اني هخسر المجالين

مع خالص احترامي للمرة الثانية ... الفيديو ده و الكلام اللي فيه قديم جدا .. و طريقة تفكير اللي بيلقي في الكلام قديمة جدا ... يعني الفيديو ده ممكن يصلح للعرض في السبعينات مثلا ... و ما يقوله في الفيديو لم يتحقق و ليست نبوءة و لا اي شئ من هذا .. بالعكس كل ما يحدث الآن يثبت ان الكلام المثار في هذا الفيديو نوع من ضيق الأفق و التقليل من شان مجالات على حساب مجالات أخرى ...

يعني الكرة اللي هو بيسخر منها و بيعتبرها مضيعة للوقت ... احنا كناس عاديين متابعين للكرة استفدنا منها كتير جدا .... و لفينا العالم شمال و يمين و احنا قاعدين في بيوتنا .. و اتعرفنا على حضارات و شعوب مختلفة بطباعها ... و بلاد مكناش نعرف هي فين عرفنا مكانها ....

يعني طب أنا هقول حاجة تدل على ان المعرفة و الاستفادة يجب أن نعطها المقام الأول قبل أن نقيم أي مجال ...

في ناس وصلو لمرحلة متقدمة من العلم و ميعرفوش اسماء دول معينة و لا يسمعوا عنها ... على حين ان ممكن واحد لم ينل قسطا كبيرا من العلم يعرف هذه الأشياء من خلال الكرة أو الفن او ما إلى ذلك .... و هو ده اللي يبينلك قيمة المعرفة ... أن مفيش حد يقدر يبقى عارف كل حاجة ..


في نقطة تانية .. زي ما الزميل Chimera قال على فكرة الكرة في مصر الوضع فيها اهدى بكثير من اللي بيحصل في بلاد ثانية ... و اكيد الناس كلها بتتفرج على الدوري الايطالي مثلا و بتشوف بيحصل ايه ... و الناس بتبهدل في بعضها عشان المراهنات ... وبرضه بلاد امريكا اللاتينية هناك الموضوع أصعب من هنا بمراحل ...

أما المنطق اللي بيتكلم بيه الاستاذ اللي ف الفيديو ده معتش ييجي منه الوقتي ... أن كل ما يشوف هوس بحاجة يفسرها أنها مؤامرة معمولة عشان الناس تبقى مغيبة ...

طب ماأبسط حاجة ما ممكن واحد يقول أن مطفى محمود ده برنامجه نفسه نوع من التغييب للناس ... و انه في فترة عرضه ع التليفزيون كان أحد وسائل سياسة العصا و الجزرة عشان يبعدوا الناس مثلا عن السياسة !!!!

خلاصة الكلام :

التقدم باحترام كل المجالات و تنمية كل ما هو جميل ... سواء كان علم أو موهبــة .. يعني الفن و الكرة ... لايقلوا ف القيمة عن الأبحاث و العلم و ما إلى ذلك ...

أما فكرة إن الواحد يهد حاجات عشان يبني عليها حاجات تانية متنفعش في وقتنا ده بلاد العالم كله دلوقتي عايزة يبقى لها مكان ف كل حاجة.. و تثبت نفسها ف كل المجالات ...

و الاختلاف في الرأي لا يفسد للود قضية ... احترم وجهة نظرك و وجهة نظر د.مصطفى ولكني أختلف معه فيما ذكره

و آسف على الاطالة

[yojeena]

انا معاك يا عبدالرحمن في كلامك فعلا نص الشعب المصري دماغه فااااااااضييييه
منهم ناس شايفه و عامله مش عارفه و يقولك بلاش وجع دماغ .....وناس تانيه مش عايزه تعرف
بس لازم تعرف ان في كتير منهم مغلوب علي امره ....من بطاله... لمصاريف العيال ...... و اللي محتاج يتعالج...واللي عنده ابن انحرف....... واللي مش لاقي ياكل خالص
يعني الشعب المصري بقي محاصر من كل النواحي ادخل اي بيت هتلاقي فيه مشاكل اد كدا ....كل واحد شابف ان مشكلته مالهاش حل فبالتالي بتشغل كل وقته
فبيهرب من المر....... لحاجه تانيه يحسس نفسه انه بيفهم فيها و يبعد نفسه عن ضغوط الحياه

وناس تانيه بتحب تعرف و عنها طموح وواعيين للي بيحصل حواليهم ....
لكن
مليون حاجه تجيبله اكتئاب و ياس من الاصلاح ....يعني مثلا اتفرج شويه علي واحد من الناس و الطبعه الاولي والعاشره مساء وحلي بالجزيره و اختمها بقراءه جرنان محترم كدا ......مش هيجيلك اكتئاب بس والله
والفكره ف كدا الاحساس بالعجز شايف كل حاجه حواليك بتتهد.......نفسي اعمل واشارك واصلح ومش قادر تعمل حاجه ....عليك الف قيد و قيد وقمع لحريتك دا حتي الكلام بقي محرم عليك ولو نطقت ما حدش هيعرف عنك حاجه
بجد وضع ماساوي
والنص الباقي من الشعب .منهم اللي قدر يقاوم موجه الياس و يتحدي الواقع ويعمل حاجه بس,,,,,,
ما يلا قيش اللي ياخد بايده ........في دماغه مشاريع وافكار بس مرصوصه علي رفوف المكاتب,,,,,,وهنبقي نكلمك بعدين

وشويه قدروا يتغلبوا علي العواقب وظروفهم ساعدتهم من واسطه و لا مال ولا مركز ودول قليلين

عشان نتغير لازم يبقي الرغبه في التغيير قويه نابعه من اعماااااااااااق النفس .......ليها هدف محطوط قدامها بتسعي اليه
مش مهم الاصوات المتشائمه واللي بتتنبا بالفشل .......ولا الاراء السلبيه........التغيير عاوز شخصيه تتوفر فيها القوه و القدره علي القياده عشان ما تغرقش في الدوامه

بس برضه بعترض معاك في التقليل من قبمه الرياضه و الترفيه بشكل عام
هوا فعلا انا متغاظه مثلا من ان لعيبه الكوره بيدفع عليها مبالغ خياليه وفي رياضات تانيه موجوده ومش موجوده
يعني كل الناس حافظين صم الاسم السداسي للعيب الكوره وما يعرفش اصلا اذا كان في رياضات تانيه من سباحه و كاراتيه وكنغوفو ورفع اثقال وركوب خيل
مع ان في ناس اكتر موهبه في مجالتهم عن بتوع الكوره بس مهمشيييييييين
بدل ما ندفع اد كدا في حاجه واحده وما فيش منها نتيجه ندور حوالينا جايز نلافي الاحسن موجود بس ما كناش شايفينه

اسفه علي الاطاله و تقبلوا مروري,,,,,,,,

[RASPUTIN]

اول حاجه شكرا ليك يا عبدالله علي اعاده الموضوع للضوء تاني....
تاني حاجه.....انا مبسوط جدا ان في ناس الحمدلله لسه بتفكر ..
ثالث حاجه كل الناس اتكلمت علي اللي بيحصل بره ....
و استشهد بمثال الدكتور Chimera بتاع الاتحادات والدوريات الاجنبيه....

لما تبقي دوله حضرتك علي نصف المستوي العلمي او حتي الاقتصادي ابقي قول نهتم بالامور الثانويه..زي الترفيهه..والكره..
وحضرتك قلتها بلسانك .....البرازيل.....5% بس....
مش شايف ان ده رقم قليل اوي .....مسالتش نفسك 95% الباقيه دول بيخشوا منين...؟؟

اخر حاجه بس....الدكتور خالد اللي شايف ان الناس متحولتش لنسانيس....
ياريت تعيد نظرتك للامور....
انزل الجامعه بص علي 80% من الشباب....واظن المساحه الفاضيه اللي قدام كليتنا خير مثال علي ذلك....بالرغم اننا وللاسف في كليه صيدله
شوف عاملين في نفسهم ايه.....حاول تشوف اكير اهتمامتهم.....
هتلاقي انها عباره عن شويه حاجات تافهه ملهاش لازمه..
مثلا..تسريحه شعره...لبسه......الشريط الجديد بتاع المطرب الفلاني....اللي هوا نفسه اكبر دليل علي ان بعض مننا بقي نسناس بالفعل...
وبعدين الراجل يا جماعه مقللش من قيمه اي مجال او حاول يهدمه...
هوا الراجل بيحاول يوصل للناس بس ان مينفعش يكون كل المسيطر علي فكري حاجات تافهه ملهاش لازمه...
الراجل مغلطش اطلاقا...
ومين اللي قال ان الترفيهه وحش ولا غلط.....بس مينفعش تكون حياتنا كلها ترفيهه...زي ما الدكتور قال..."افتح كتاب واتعلم"
نقطه اخيره...لو حضرتك يا دكتور شايف ان دور شاكيرا في المجتمع اهم من دور الدكتور والعالم.....يبقي بجد بجد بجد.....لازم تعد مع نفسك كده وتفكر بس في الكلام ده....اكيد هتكتشف ان في حاجه غلط..
عارف اني طولت اوي....بس معلش الموضوع لازم يتناقش لانه موضوع مهم..

[Mohamed Reda]

Animal= eat, drink, desire, fun

If human life depends on these things only
human=animal

Humanbody can do anything as long as you train it; train legs to be good football player, your brain to be engineer, or your muscles to carry huge weights
human can do extraordinary things due to the BRAIN

But exposing your body and shaking hips is not talent my dear friend

DE ELET ADAB
and any girls can do that and earn lots of money, But

YOU have the brain which makes you decide what you want to develop

[Dr/HULK]

ايه ياعم عبدالله حكاية النسانيس دى

بص فى الاول حكاية الكورة دى وانشغال الناس بيها

انا مش شايف فيها اى عيب خالص

يعنى مثلا الواحد يتفرج على ماتش كورة وينبسط شوية

او يفرح لفريقه دى حاجة صحية افضل 100 مرة من انه يقعد يتابع الاخبار

اللى كل خبر فيها بمرض نفسى

انا معاك ان الناس بقت تهتم بالكورة اكتر بكتير من اساسياتهم

وانا من الناس دى اللى ودا مأثر كتير معايا فى الدراسة

بس بحسبة بسيطة جدا

فى ايه يشجعنى عشان اهتم بالمجالات المهمة

يعنى مثلا التعليم ايه اللى يشجع الطالب انه بتعلم

اذا كان اول ماهيتخرج هيرمى العلم ده وراه ومش هيرجعله تانى

ولا ايه الشيق فى انك تعمل بحث وتقعد تتعب فيه 10 سنين وفى الاخر يتركن على الرف عشان مفيش موارد مالية تنفذه ليك

ولا ايه الجميل لما بعض الطلبة تتخرج وتبقى دكاترة وتتاجر بعلمها زى مابيحصل من دكاترة طب فى الكورسات

فى حاجات كتييييييييير جدا تخلى الواحد يبقى التعليم بالنسبة ليه هو شهادة فى بلد شهادات وبس


اما بقى بالنسبة للكلمة اللى انت كل شوية مصدعنا بيها

كيف تحول لاعبى الكورة
والمغنيين
وأمثالهم الى نجوم
لماذا تلقىلا عليهم الأموال وتصب
بينما لاينال عشر هذه المبالغ
اى من المدارس او الجامعات
لماذا يضطر الطبيب لعمل مظاهرة لرفع مرتبه
بينما يحصل اللاعب على الاف الجنيهات لأجل ساعة ونصف من
اللعب

التعليم عندنا ياعبدالله بينفق عليه هو والصحة اكتر من 3/4 موارد البلد التعبانة دى

واللى ممكن تعدى 100 مليار كل سنة

بس ايه النتيجة

تعليم مفيش اسوأ منه فى العالم وتدهور صحى عالى فى بلد بقى معظم حالات الوفيات فيه

لاما مريض كبد لاما مريض سرطان

يابنى دا مرضى الكبد عندنا اكتر من من انتاج امريكا للقمح

وفى الاخر جاى تقول على بيتابع كورة مغيب العقل

والله احسن لى فى البلد دى ابقى مغيب العقل

والا كنت دخلت السجن من زمان