ساحة حوار اتحاد طلاب الكلية

[El_Daly]

بس على فكره ده ملوش دعوه بالاتحاد

ع فكرة الاتحاد هو صوت الطلبة يعنى لو احنا عايزين نزود مواد اكلينكال مثلا زى ما حصل فى جامعة تانية المفروض الاتحاد بيمثل صوتنا وبيتكلم باسمنا يعنى لما تكون رغبة جماعية لازم يوصلها ويبحث وراها وطبعا لو رغبة فردية صاحب الرغبة مفروض يدور عليه وشكرا يا د/ جوهرى ع ردك اللى مكنش مفروض تقوله

[عامر إبراهيم]

1= هو النص جنيه كتير عليك ؟ متدفعه وخلاص

نص مين يا راجل ده بقى جنيه

[El_Daly]

نص مين يا راجل ده بقى جنيه

يا عم الجنيه هيفرق ابقى خد بيه وصل ههههههههه

[Mohamed Al Gohary]

ياجماعه المركز ده حاجه اسمها وحدة ذات طابع خاص بمعني انها مش من الكليه حتى الموظفين اللى فيه كلهم من حاسبات وكلهم مهندسين .. هو من الجامعه ومن الوزراه ..

[سوزران]

بالنسبة لدواليب الادوات نظامها ايه ونحجز منين

[Mohamed Al Gohary]

ان شاء الله على يوم الاربع او الخميس هيكون النظام معروف وعلى اول الاسبوع الجاي هنبدا الحجز باذن الله ..

[mostafa_elnagar]

بسم الله الرحمن الرحيم اولا السلام عليكم ورحمة الله وبركاته والله انا مش عارف ابدأ منين بس اكيييييييييييد كل الناس مستائه من الموضوع اللى انا ها اعرضه ده هو فعلا موضوع جاااااد جدا ويا رب كل الناس تتكلم وتتناقش فيه دلوقتى انا كان عندى درج فى ادراج اتحاد الطلاب انا وبسام وكان فيه ادواتنا وادوات اثنين اصحابنا كمان كان عندنا 4 حوامل و 4 رول ده غير الفلاسكات و البيكرات وكل حاجه واجى اول يوم فى الدراسه الاقى الدرج مكسور ومش فيه غير كيس بالله عليكم لو كنتم مكانا كنتوا عملتوا ايه المصيبه ان اتحاد الطلاب وهما بيدوا لنا الدرج قالوا " ده درج ها بكون معاك 5 سنين اوعوا تفرطوا فيه اوعوا تدوه لاى حد اوعوا .................اوعوا................" اكيد عارفين الباقى . والله انا ممكن اعمل اى حاجه بس انا فى كليه محترمه وده جزء من احترامى لنفسى واحترامى لزملائى لان الدنيا مش هتقف عند شويه ازاز اتكسروا ولا اتسرقوا بس انا مش عجبانى الحركه والله انا كنت هاروح اتحاد الطلاب واعمل مشكله وده كان هايكون من ابسط حقوقى . والله انا عاوز رأى كل واحد فيكم ويا ريت كلنا نشارك زى موضوع الجدول وموضوع علم النفس السنه اللى فاتت. انا اسف انى طولت عليكوا بس ده موضوع مضايقنى جدا . والسلام ختام

[Mohamed Al Gohary]

اهلا دكتور مصطفى ..
الموضوع مش بايدينا .. صدقني اللى بيكسروا الدواليب دول ناس منهكم فى الكليه .. اظن مش هتطلب من الاتحاد انه يقعد جمب الدواليب يحرسها ..

هتقول لي طيب والحل ايه ؟؟ هقولك دواليب الكليه الجديده موجوده وهى جوه الكليه ومتسلمه فى عهد .. واى تصرف ضدها هيكون فيه اجراءات صارمه من الكليه ..
هتقولي طب ودولاب السنه اللى فاتت .. كل الدواليب اللى خارج الكليه هتترفع .. لان خلاص احنا الوقتي بنفذ مشروع كبير .. وايجار الدولاب 10 جنيه معتقدش انه مشكله ابدا ..

ممكن تيجي وتسال وتفهم .. مش تيجي تعمل مشكله

[dr.monalizaa]

عاجبني جدا مشروع الدواليب الجديده دي والحمد لله تم الحجز بنجااااح

فيه عندي سؤال بقى بس برة المواضيع دي كلها

انا فعلا نفسي انضم لاتحاد الطلبة بس مش عارفة ازاي ولا منين وهل الوقت ما يزال يسمح ولا لاء ؟

ولو كان يسمح ايه هيا الشروط ؟

وبردو النشاط المسرحي وكل دة نشترك فيه ازاي ؟

احنا عندنا مواهب عاوزين نخرجها يا جمااااعة ياريت حد يرد عليا ويقولي ولكم جزيل الشكر

[treka 22]

انا عايزة اعرف فكرة التكيف السنة دى مش بيشتغل ليه؟
اانا الاول كنت فاكرة انه علشان انفلونزا الخنازير واحنا عايزين تجديد للهواء
طب لو هو كدا طب مهو بيشتغل فى محاضرة معينة يبقى ايه الحكمة؟