بداية حجز الدواليب الجديدة

[Mohamed Al Gohary]

اخوك الصغير او ابنك او ابن اختك او بنت اخوك هيخشوا الكليه يا احمد .. وهيستفيدوا بكل حاجه

[why_me]

ي جماعه محدش يقلق انا سالت ف الشؤن و قالو ان الدواليب على اد الطلبه يعنى مفيهاش اللى يسبق كله ليه ان شء الله

[black]

يعني انا لما سألت بعض زمايلنا اللي حجزوا النهاردة قالوا فيه حاجات معقدة كده زي صورة البطاقة طب انا معنديش بطاقة اعمل ايه؟؟؟ يا ريت بعد اذنكم حد يوضحلي بس ايه المطلوب من الاول وجزاه الله خيرا
يعني هنجيب منين الاستمارة وكده معلش

على فكرة يا دكتورة هما بيحتاجوا رقم البطاقة بس وكمان زميلتى اللى معايا فى الدولاب مكنش معاها بطاقة وقالت لهم كدة فأخد رقم الاى دى بتاع الكارنية متقلقيش

[monosh]

يعنى لو عدد 2 طالب هيشتركوا فى دولاب واحد ...لازم إثبات شخصية للإتنين صورة الكارنيه مثلا.

ونقدمها لأستاذ محمد مصيلحى مع الطوابع...وكده خلاص نكون أخدنا الدولاب..

[Mohamed Al Gohary]

بعد كده بيروح الورق بتاعكم للى بيسلم لكم الدواليب .. لان فيه واحد مسئول عن تسليم الدواليب لكل دفعه .. مثلا الاستاذ رضا الشئون الهندسيه لرابعه ..

وكلهم بيبداوا تسليم من الساعه 2

[قناع الذهب]

طيب اخر سؤال
انا دولابى القديم الحمد لله وماشاء الله يعنى لسه ماتكسرش
اعمل حسابى انة هيتكسر واروح انا واصحابى نحجز دولاب جديد
ولا اللى اتكسر اتكسر واتطمن على الدولاب بتاعى ؟؟؟؟

[Chimera]

تمام ..
اي حد ف تالته يا شباب عاوز يشاركني ف دولاب يبعتلي ع الخاص عشان نبقى نروح مع بعض نحجز

+

بالنسبة للدولايب القديمة دي هتروح فين .. انا لسه شاري دولاب السنة إللي فاتت التيرم التاني من الدولايب الجديدة و لسه طبعاً ماتخدش
اظن يعني حاجه من 2 .. ليسيبوا الدولاب .. لأسترد قيمة الدولاب إللي دفعتها ..!!!

.,,

[Sarah Mohsen]

بسم الله الرحمن الرحيم

بسم الله الرحمن الرحيم ..

يداية لابد من تقديم الشكر للدكتور محمود بكر والدكتور حسن الكاشف والدكتور سري لمجهوداتهم الكبيره والملحوظه لتطوير الكليه .. جزاهم الله خير الجزاء ..
طبعا اكيد لازم نقدم الشكر
بس هل يا تري الخمسين جنيه اللي دفعناهم السنة اللي فاتت في اعدادي وكانوا للدولاب الخمس سنين
خلاص راحوا بقي ولا ايه

احنا روحنا سألنا في رعاية الشباب وقالوا ملناش دعوة
اومالمين اللي ليه دعوة
وحد يقول دول اربعين جنيه بلاش بخل

نقوله اه بخل 166 مصاريف 120 ادوات 40 بالطو بدل اللي اتخرم
110 كتب نبات والله اعلم بقيه الكتب بكام
اهو حتي الاربعين جنيه دول كنا نجيب بيهم بالطو

قواعد توزيع واستخدام دواليب حفظ الأدوات المهمليه المموله من مشروع CIQAP

1- عدد الطلاب فى العين الواحد (3) لطلاب الفرق ( إعدادي - أولى - ثانية - إكلينيكال )


عين
هو مين اطلق الاسم ده
عين دي تحسسك انه تربه

2- عدد الطلاب فى العين الواحد (2) لطلاب الفرق ( الثالثة - الرابعة )

3- يتم تسكين الطلاب فى العين الواحده بناء على رغباتهم .

4- يتم توزيع الدواليب أمام المدرجات وتخصص كالتالي :

الإعدادية : الدور الخامس A1-A45
الأولي : الدور الرابع B1-B45
امام المدرجات و الدور الرابع
مدرج اولي في الدور الاول يبقي الدواليب ادام المدرج ازاي ؟
هل دي غلطة في الكتابة ؟؟؟
ولا عشان كده كده سكاشنا فوق؟؟
الثانية : الدور الثالث C1-C45
الثالثة : الدور الثاني D1-D62
الرابعة : الدور الاول E1-E62
صيدلية إكلينيكال : أمام مدرج الصيدله الإكلينيكيه CP1-CP10

5-يقوم الطالب بشراء عدد (2) طابع خدمات تعليمية فئة 5 جنيهات ( إجمالي عشر جنيهات ) من خزينة الكلية ولصقهما على طلب استخدام الدواليب والذي يقدم إلى قسم رعاية الشباب .
6- يقوم الطالب بإخلاء العيون والدواليب في نهاية العام الدراسي وقبل ظهور النتيجه وذلك لضمان :
صيانة ومتابعتة الدواليب فى الأجازة الصيفية .
إعادة التوزيع والتخصيص للفرق بالعام التالي .
منع احتكار الطالب للعين الخاصة به.

7- في حالة تأخير تسليم العين تقوم إدارة الكلية بفض الأقفال دون أدنى مسئوليه .

8- يقوم الطالب بشراء قفل مع زملائه لاستخدامه خلال العام الدراسي .

9- يلتزم الطلاب المشاركين فى العين بتسليمها سليمة نظيفة وإلا تحملوا مصاريف الصيانة ( التى تقدر حينها ) وحرمانهم من الاستخدام فى العامخ التالي وتعليق إخلاء الطرف الخاص بطلاب الفرقة الإعدادية لبعد سداد مصاريف الصيانة .

10- لا يحق للطالب وضع غير الأدوات الغير معمليه بالعين المخصصه له وإلا حرم من الخدمه والمسائله إذا تكرر ذلك .

شكرا لحضرتك ومعلشي استحملني اصلي بجد متنرفزة جدا

[Chimera]

نقوله اه بخل 166 مصاريف 120 ادوات 40 بالطو بدل اللي اتخرم
110 كتب نبات والله اعلم بقيه الكتب بكام
اهو حتي الاربعين جنيه دول كنا نجيب بيهم بالطو

مش فاهم و الله شيء مستفز ..
ده احنا ندخل مودرن اكاديمي أرخص

انا و الله مفسوخلي دولابين ف الكلية بأدواتهم .. و التالت ف الطريق اهو ..!!!

.,,

[~AnaLgEs!A~]

لو سمحتم للجماعة اللى حجزوا الدواليب

هوا لازم الثلاثة اللى عاوزين الدولاب مع بعض يروحوا مع بعض للشئون ( المجموعة كلها يعنى ) و لا واحدة بس تكفى و يكون معاها صورة الكارنية او البطاقة بتوع الآخرين