عندما تكون بوجي و عفرتو .. فيجب ان تخسر .. رجالاً كوستاريكيون
مساء الخير عليكم جميعاً
يوم جميل 6 اكتوبر .. لازم نوجه التحيه لأرواح الشهداء العطره و كل من شارك ف هذه الملحمة التاريخية .. بغض النظر عن التليفزيون الظريف و الافلام التي عفا عليها الزمن كـ الرصاصة لاتزال في جيبي و خلافه .. و بغض النظر ايضاً عن المذيعة قليلة الزوق التي تضع ترتر ف انفها و تقاطع بكل سخافة رجل في عمر جدها الذي ربما لو علم انه يحارب ليوفر الحياة لتلك المذيعة لتراجع عن الحرب .. تقاطعه لتذيع علينا إعلانات من عينة روتايتو الشيبسي البائس .. او شيبسيكو الذي يدعونا لتضليع انفسنا ..!!!
ما علينا ..
نيجي لمنتخب الشباب .. إللي بالرغم من إنها كورة فإن المنتخب ده بيعكس حاجات كتير بتحصل ف مصر
العشوائية و الفردية و الواسطة احياناً و الغوغائية دائماً .. و أرجع تاني للي عاصروا الحرب و اتكلموا النهارده كان القاسم المشترك ف كلامهم .. هو حسن التنظيم و التخطيط .. هو إللي قادنا للنصر
و هو دايماً إللي هيقودنا للنصر .. حتى لو حصل اي نصر زائف بالبركة .. إلا ان العدل لازم ياخد مجراه
انا اختصيت بوجي و عفرتو فقط عشان اسمائهم .. انما كل لعيبة المنتخب العيال .. معنيين بالكلام .. لعيبة لم اشاهد لها اي جملة جماعية .. مش عارف الحقيقة العيال دول اتعلموا كورة فين بيلعبوا على طريقة البلاي استيشن كل واحد بيلعب مع نفسه و لنفسه بدون ادنى قدر من الجماعيه إللي هي اساس لعبة كرة القدم عمر الكورة ابداً ما كانت مهارات فنية فردية إذا لم تطوع لخدمة الجماعة تعتبر بلا جدوى فردية بلا حدود و الصراحة انا لا اضع لوم نهائي على المدير الفني التشيكي ميروسلاف سكوب لن اللعيبة بتبان و عقلية اللعيب بتبان .. إذاي يفكر ف الإسم ع الفانلة من قدام و ينسى الاسم المكتوب ورا اداء عشوائي و عدم جدوى هجومية و التمرير ف حالة الاضطرار فقط إيه العك ده ؟؟!!!
في مقابل فريق كوستاريكا اقل ما يوصف انهم رجالة .. رجالة بعقلية مذهلة بالرغم من صغر السن الواضح جدا على وشوشهم ماخافوش من منظر الاستاد و ال 100 الف متفرج و لعبوا بجماعيه عاليه جدا لدرجة انك مكنتش تقدر تحدد اسم لعيب معين مميز الكل منصهر ف الفريق عشان يخرجوا اداء راقي مفيش فيهم بوجي ولا عفرتو ولا عرفات و لا العربي ابطال دوري بيبسي ..!!!
أضيف كمان لأسباب الهزيمة الإعلام إللي ضخم الفوز على إيطاليا بشكل مهول .. بالرغم من ان اي حد شاف الماتش يعرف ان الفوز جه بالبركة .. و ان منتخب ايطاليا منقوص من كل عناصره المحترفة ف الاندية الكبيرة ابرزهم المهاجم الايطالي الشاب الرائع فيديريكو ماكيدا لاعب نادي مانشيستر يونايتيد .. الإعلام إللي اصاب اللعيبة بالغرور و صور لهم انفسهم انهم ابطال العالم ..!!!
ع العموم إللي حصل تجسيد للفشل ف اي حاجه ماشيه بالبركه و العشوائية .. إللي هي سمة 90% من الحاجات إللي بتحصل ف مصر
و مبروك للرجالة .. ولا عزاء للأطفال
.,,
رد مع اقتباس
المشاركة الأصلية كتبت بواسطة Dr/HULK
بس الحمدلله 