هتعملو ايه فى الموضوع ده ؟

[Wagdy*Resala]

اهاا انا اسف على اللبس يا وجدى
بس انا كنت اقصد المشاركه اللى فوقك و كلامك سليم طبعا

و لايهمك يا محمد مفيش ادنى مشكلة

[قناع الذهب]

انا شخصيا ان شاء الله مش هاكل اى حاجة من برة البيت
وهحاول مسلمش على حد بس البنات بقة عندهم عادة سخيفة لازم السلام يكون مربع هههههه
بس ونحاول نجيب كمامات ونلبسها بس يبقى كلنا سوا علشان محدش يتريق على حد
وعلى فكرة الفيرس بينمو جدااااا على الاسطح المعدنيه
واللى بيزودة اكل برة والمياة الغازيه علشان بتزود حموضة الدم فنحاول نقللها علشان كدة كدة اصلا بتبقى مش نضيفة وان شاء الله ربنا هيحمينا "ان الله لا يغير ما بقوم حتى يغيروا ما بانفسهم "
فلو غيرنا نفسنا واتعاملنا مع المشكلة صح يبقى اكيد اكيد ربنا مش هيضر المسلمين
شكرا يا د\محمد على الموضوع

[Wagdy*Resala]

وعلى فكرة الفيرس بينمو جدااااا على الاسطح المعدنيه
واللى بيزودة اكل برة والمياة الغازيه علشان بتزود حموضة الدم فنحاول نقللها شكرا يا د\محمد على الموضوع

عشان كدة فى أطباء ينصحوا بأن الواحد كل ما يروح حتة زحمة انه يشرب بيكربونات الصوديوم فى كوباية مية عشان تزود قلوية الدم فيجعل تأثير الفيروس قليل جدا

[DR DOOLA]

شكر كبير ليك يا وجدى انت و سمسمه على المعلومات الجامده دى

[Mostafa 3laa]

اللى يخاف م العفريت يطلعله

وصلت ؟؟

[Dr/HULK]

ايام ماكان عندى برد

كان لما حد ييجى يسلم عليا او اروح اسلم على حد

اقوله عندى برد

الاقيه يقولى ياعم ولا يهمك

ويقوم خابط البوستين المشهورين عندنا

بس دلوقتى لقيت طريقة تانية

لما تكون مجموعة

اسلم على واحد وامسك ايد التانى عشان اسلم عليه

فبيبقى وقفتى مش وضع يسمح انى احضن او ابوس اللى قدامى

فمش هيبقى فيها احراج

[Dr_r.m.m]

تصدق حضرتك دى برده فكرة اصلى البوس والاحضان دى عندنا فى البات حاجة صعبة اوى يعنى مثلا انا مشوفتش اصحابى اللى من المنصورة من زمان طبيعى جدا اول اما اشوفهم ويشوفون احضان بقى وبوبس اعمل انا بقى ايه فى الحالة اللى زى دى ربنا يعدى الوباء ده على خير يارب

[مهداه]

ايام ماكان عندى برد

كان لما حد ييجى يسلم عليا او اروح اسلم على حد

اقوله عندى برد

الاقيه يقولى ياعم ولا يهمك

ويقوم خابط البوستين المشهورين عندنا

بس دلوقتى لقيت طريقة تانية

لما تكون مجموعة

اسلم على واحد وامسك ايد التانى عشان اسلم عليه

فبيبقى وقفتى مش وضع يسمح انى احضن او ابوس اللى قدامى

فمش هيبقى فيها احراج

طب نفرض بقى انك قابلت واحد بس هتسلم على اليد اليمين وتمسك الشمال ولا ايه
يا جماعه متقلقوش الكل هيكون عارف كده وان شاء الله هنفكر بعض

[DR DOOLA]

يا جماعه متقلقوش الكل هيكون عارف كده وان شاء الله هنفكر بعض

بس يا ريت محدش يصغر مخه و يزعل

[د\بوسى ربيع]

ها يا جماعه ياللى بتحضرو المحاضرات و المدرج ممكن يكون زحمه ؟
هتعملو ايه
هل هتلبسو كمامات ؟ باذن الله بس الواحد هيبقى شكلهم قمور اوى
و لا هتبقى عادى ؟
هل هتقللو السلامات ؟ياريت انا اصلا فى العادى مبحبش اسلم بالايد والاحضان والجو ده بس بخاف الناس تزعل
و لا هنسلم و هنحضن اتمنى لا دى عاده سخيفه اوى
هل هنقعد جنب بعض بمسافات بعيده و لا ادى مش هندق ياريت تبقى فى اماكن فاضيه اول اسبوع مع انى عاده مش بنزل اول اسبوع عكس الناس كلها
هل ك واحد هيجيب معاه صابونه و كل شويه يغسل ايده زى ما اللى فى الاعلام بيقولو و لا هنكببر و مش مهم ؟لا مبيتهياليش الصراحه هعمل كده


هل هنتبع لتعليمات من اجل الامان ؟على اد مااقدر باذن الله
و نعدى مرحلة انفلونزا الخنازير دى ؟

نتمنى من ربنا انه يحفظنا كلنا ويعفينا باذن الله