ممكن تعيش فى جلباب ,,,, والديك ؟

[موظفه طموحه]

بسم الله الرحمن الرحيم
السلام عليكم ورحمة الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .
هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟
طيب حسيتى ان بداية حياتها كانت جميله فى زمن احسن من زمننا وافضل ولا لا ؟طيب عرفتى ان ماما اقوى منك فى تحمل الظروف ؟
حتحاولى تتحملى زيها اى ظروف تحصل فى حياتك ؟
ولا هنكون بنات فافى ؟
وانتم اخوتى الاعزاء
ممكن تجلس مع والدك وتعرف ازاى كافح وتعب فى بداية حياته ؟
طيب هل سالت نفسك انت عندك المقدره دى ولا لا ؟
طبعا احنا الان زمننا افضل من زمنهم فى حاجات كتير الحمد لله ولكن لابد ان تقابلنا بعض المحن الشديدة عندك القدره على تخطى المحن زى بابا ؟
طيب بتحاول تتعلم من تجاربه ؟
فكرت فيها وحاولت انها تعطيلك دفعة وقوة وقدرة على تحمل المسؤليه ؟
نفسى اعرف ردودكم فى هذا الموضوع ونتقاش ونتحاور سويا
واسفه على الاطاله بس يارب الموضوع يعجبكم .اشكركم جميعا .

[smart_girl]

الاول تسلم ايدك ع التوبيك
انا لما بقعد معاها وهيا بتحكيلى بتمنى انى ارجع للزمن دافى حاجات كتييييييير
وحاجات تانية بحس انهم فعلا بيقدروا يتحملوا المسؤلية اكتر مننا
احنا كل حاجة عاوزنها بنلاقيها جاهزة مش بنتعب عشانها خالص
نفسى فعلا اكون زيها واتحمل المسؤلية
بس بردو عاوزة تكون ليا شخصيتى المستقلة
اللى ملهاش دعوة بحد واالى بسمع فيها كلام عقلى بسسسس

تقبلى مرورى

[muna7assan]

بسم الله الرحمن الرحيم
السلام عليكم ورحمة الله وبركاته
وعليكم السلام ورحمه الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .
اتفضلى

هل ممكن يااختى العزيزه ان تجلسى مع والتك وتحكى معها بعض الوقت
اكيد
وتساليها كيف بدات حياتها ؟
ايوه بأحب اسمع شويه ذكريات منها بصراحه
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟
مش عارفه والله
اعتقد ان الواحد لما يكون فى مواجهه موقف تصرفه ها يكون مختلف تماما حتى لو كان مخطط ليه
طيب حسيتى ان بداية حياتها كانت جميله فى زمن احسن من زمننا وافضل ولا لا
هوا مش من زمان قوى يعنى انا اصلى الكبيره فالزمن اللى هيا بدأت حياتها فيه كان من حوالى عشرين سنه
وكانت بدايه كويسه وجميله
؟طيب عرفتى ان ماما اقوى منك فى تحمل الظروف ؟
اعتقد انى زيها فى تحمل الظروف
قويه شويه الحمد لله
حتحاولى تتحملى زيها اى ظروف تحصل فى حياتك ؟
ولا هنكون بنات فافى ؟
اكيد ان شاء الله هأحاول قدر الامكان ومش هاخلى اى حاجه بسيطه تعقدنى فى الحياه

بس اعتقد ان الاجابه للشباب هاتكون مختلفه وهايكون اصعب انهم يعيشوا فى جلباب اباءهم
لأن الزمن اتغير جداااااا وهما عليهم الحمل الاتقل عننا
بجد توبيك جميييييييييل كالعاده يا أ/منى

[Mohamed Al Gohary]

اعتقد صعب كل وقت وله اسلوبه ورتمه ..

بس بالمناسبه هو كله .. تتخيلي .. تحاولي .. تتحملي ..

نقوم نستاذن احنا بقى

[treka 22]

موضوع جميل حضرتك طرحتيه
وانا كتير بقعد مع ماما وبابا وبحب اسمع ازاى بدأوا وعملوا ايه
وزى ما حضرتك قولتى احنا زمننا احلى فى حاجات كتيرة ومع ذلك هم كانوا بيتحملوا كتير
علشان كدا نجحوا لان الانسان بيتعلم مش بالكلام بس والسمع لكن لازم يمر بتجارب حتى لو كانت صعبة بيستفيد بيها وهم بيحاولوا ينقلوا الخبرة دى لينا وانا بحاول استفيد منها

[black]

موضوع جميل تقبلى مرورى
هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟
اة بتحصل كتير جدا واحب اعرف منها كل التفاصيل
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟
مش عارفة اتخيل كدا لان اكيد انا مش زى ماما فى كل حاجة ولا الظروف نفس الظروف بس اتمنى انى اكون زى ماما
طيب حسيتى ان بداية حياتها كانت جميله فى زمن احسن من زمننا وافضل ولا لا ؟
كل زمن فية الحلو والوحش زمن ماما كان فية حاجات احلى من زمنا وزمنا بردة فى حاجات احلى بس كانت زمن ماما فى العام احسن كتير
طيب عرفتى ان ماما اقوى منك فى تحمل الظروف ؟
اة ماما اكيد اقوى بس لان التجربة هى اللى بتقوى الانسان واكيد ماما تجاربها وخبراتها اكتر منى بكتير زى ما انا لازم اكون اقوى من اولادى وايلا مش هياقوا الدعم اللى يقويهم فى الدنيا
حتحاولى تتحملى زيها اى ظروف تحصل فى حياتك ؟
اكيد لانى بكرة الفشل وبالذات فى حياتى ومعنديش استعداد افشل
ولا هنكون بنات فافى ؟
يبقى مش هستحمل الدنيا وهتكسر بسرعة وهفشل وانا مش عاوزة افشل

[موظفه طموحه]

اشكركم جميعا على المرور
وكمان الرد على الموضوع
وبعدين يادكتور جوهرى انا اقدر برده بس لو قرات الموضوع هتلاقى فيه جزء خاص بيكم والله مااقدر على زعلكم ماشى

[احمد شبند]

موضوع جميل جداا

بالنسبة ليا

انا تاريبا حفظت قصة حيات ابويا

وانا متمناش ابدا ابدا زى ما هو بدأ لانه بدا من صفر لا من تحت الصفر بكتيييييييييييييييييييير

والحمد لله على ما احنا عليه دلوقت

[قناع الذهب]

بسم الله الرحمن الرحيم

السلام عليكم ورحمة الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .

اتفضلى يا أ\منى

هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟

هيا غالبا زهقت منى من كتر ما سالتهل وجاوبتنى وماما اصلا بتفضل تحكيلنا كتير عن زمان وعن حياتهم زمان

طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟

ممممممم هوا ممكن بس صعب شويتين تلاتة اربعة لان زمان كان فية حاجات كتير اوى مش موجودة دلوقتى اقلها كانوا بيبداوا حياتهم من غير غساله اتوماتيك ولا حاجات كتييييير اوى من اللى موجودة فى البيت دلوقتى
يعنى الظروف كانت صعبة زمان

طيب حسيتى ان بداية حياتها كانت جميله فى زمن احسن من زمننا وافضل ولا لا

هيا كانت جميله انهم بداوا مع بعض ووصلوا مع بعض بس كله كان فى نفس المستوى مكانش فية الفرق الفظيع بين الطبقات الموجودة دلوقتى

؟طيب عرفتى ان ماما اقوى منك فى تحمل الظروف ؟

طبعااااااااا اقوى ميت مرة ودا كمان سببه انهم كانوا متعودين على حاجات كتير فى بيت اهاليهم
يمكن احنا مش متعلمينها ومش متعودين عليها دلوقتى وانا عارفة ان دا غلط

حتحاولى تتحملى زيها اى ظروف تحصل فى حياتك ؟

والله انا شخصيا ان شاء الله لو زوجى فى المستقبل بعدين يعنى مر باى ظروف وحشة اكيييييييد هقف جمبه وهساعدة وربنا مايجيب اى ظروف وحشة

ولا هنكون بنات فافى ؟

هههههههههه لالالا لا فافى ولا حاجة


وبشكر حضرتك جداااااااااااااااا
مواضيعك كلها جميله وهادفة
.

[/quote]

[marooo]

بسم الله الرحمن الرحيم
السلام عليكم ورحمة الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .
موضوع مميز
هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟اكيييييييييييييد مليون الميه انا احب اعرف كانت بتعمل ايه بتاكل ايه بتلبس ايه كل حاجه ومش هى لوحدها والله وبابا كمان
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟والله اتمنى ان ابدا زيها على الرغم ان الامكانيات كانت ضعيفه على ايامها بس عشان خاطر اوصل لدرجه الحب والاحترام اللى انا شايفاه فى بيتنا بجد اتمنى ان حياتى تبقى زيها وامنى اوصل ربعها بس مع تعديلات بسيطه
طيب حسيتى ان بداية حياتها كانت جميله فى زمن احسن من زمننا وافضل ولا لا زمنها افضل بكتييييير كان لسه زمن الاخلاق والضمير والحب
؟طيب عرفتى ان ماما اقوى منك فى تحمل الظروف ؟اكييييييييييييد بجد ماما عنده كريزما خاصه فى تحمل الظروف ومواجهه المواقف بس اكيد باحاول اتعلم منها
حتحاولى تتحملى زيها اى ظروف تحصل فى حياتك ؟باذن الله بس بجد فى حاجات بتعدى بقول ازاى هى مستحمله ده كله
ولا هنكون بنات فافى ؟مفيش حد يستحمل الفافى خالص خاصه فى زمانا ده
نفسى اعرف ردودكم فى هذا الموضوع ونتقاش ونتحاور سويا

واسفه على الاطاله بس يارب الموضوع يعجبكم .اشكركم جميعا .

ميرسى جدا يا استاذه منى على الموضوع ده