صدور قانون جديد هام للصيادله والمعارض عليه غرامه ماليه قدرها 1000 جنيها مصريا

[rose_pharm]

والله يا دكتورة فكرة جميلة واقتراح اجمل
بس اتمنى انه يكون قانون فعلا ويا ريت النقابة تساعدنا فى كدة
نفسى والله البس البالطو
بس احنا فى ريف وهيكون البلاطو غريب انا بصراحة مشفتش حد لابس البالطو غير فى المنصورة بس
يا ريت والله يطبق الاقتراح ده ويبقى قانون

ياريت والله حد يسمع ولا حتي لو مصدرش قانون بكده مااحنا بنلبسه في الكليه لازم يستغربو شويه وبعديها يتعودو

بس القانون ده مع انه بسيط الا انه هيبقي منفذ لبعض الانتقاد من بعض الناس اللي هيقولو غريبه ليه لابس البالطو ده انت واقف في معمل الرد ببساطه لانه قانون للصيادله

ميرسي جدا للرد

والبدايه لازم تكون من عندنا

[Chimera]

مالوش لزوم البالطو و التكتيفة ..

انا مش فاهم يعني الناس عاوزه برستيج و يتقالها يا دكتور

حاجات كلها فرعية ..

الخطوة الصح .. ان يتمنع اي حد يصرف ادوية إلا الصيدلي
ده لصالح المريض مش عشان الصيدلي بقى له هيبه ولا يتقاله يا دكتور

بالطو ف الصيدلية .. يا خبر
ده الواحد مابيطيقش البالطو ف المعمل

.,,

[black]

[quote=rose_pharm;186291]ياريت والله حد يسمع ولا حتي لو مصدرش قانون بكده مااحنا بنلبسه في الكليه لازم يستغربو شويه وبعديها يتعودو

بس القانون ده مع انه بسيط الا انه هيبقي منفذ لبعض الانتقاد من بعض الناس اللي هيقولو غريبه ليه لابس البالطو ده انت واقف في معمل الرد ببساطه لانه قانون للصيادله


والبدايه لازم تكون من عندنا [/quote
حلوة جدا الفكرة دى يا سارة بس لازم نبتدى بنفسنا ولازم نساعد بعض,,,, فعلا فترة التدريب دى الواحد شاف فيها العجب!!! لكن على الاقل البالطو هيحافظ قدر المستطاع من قيمتنا كنوع بس من اكتمال الصورة الجيدة للصيدلى يعنى عمرنا ما دخلنا عيادة دكتور ولقيناة مش لابس البالطو

[rose_pharm]

مالوش لزوم البالطو و التكتيفة ..

انا مش فاهم يعني الناس عاوزه برستيج و يتقالها يا دكتور

طبيعي مااحنا صيادله ولا احنا صيادين ؟؟؟؟؟؟؟؟؟

حاجات كلها فرعية ..

والغريبه نزعل لما حد يقول يا ابله ويا كابتن ههههههههه مش عايز حد يقلك يا دكتور ومش عايز تلبس البالطو اللي بيدل علي انك صيدلي ويميزك من غيرك

الخطوة الصح .. ان يتمنع اي حد يصرف ادوية إلا الصيدلي
ده لصالح المريض مش عشان الصيدلي بقى له هيبه ولا يتقاله يا دكتور

ماهو لو احترمنا البالطو ده وكل اللي واقف بقي لابسه وطبعا الواقفين دكاترة فقط يبقي الموضوع اتحجم

بالطو ف الصيدلية .. يا خبر

شكل الموضوع ماثر فيك جامد يا خبرهههههه هو شكله وحش كده ده حتي ابيض مش كحلي والابيض لون جميل
ده الواحد مابيطيقش البالطو ف المعمل
ناس كتير اوي دخلت طب او صيدله لان منظر البالطو كده واحنا صغيرين كان عجبنا اوي واتشديناله واحترمنا الناس دي وبقت مطبوعة في زهننا دكتور يعني بالطو

.,,

شكرا يا دكتور علي مشاركتك وردك والاختلاف في الراي لا يفسد للود قضيه

[saraa]

شكرا والف سلامه
الموضوع جميل وياريت يتنفذ

[rose_pharm]

[quote=black;186304]

ياريت والله حد يسمع ولا حتي لو مصدرش قانون بكده مااحنا بنلبسه في الكليه لازم يستغربو شويه وبعديها يتعودو

بس القانون ده مع انه بسيط الا انه هيبقي منفذ لبعض الانتقاد من بعض الناس اللي هيقولو غريبه ليه لابس البالطو ده انت واقف في معمل الرد ببساطه لانه قانون للصيادله


والبدايه لازم تكون من عندنا [/quote
حلوة جدا الفكرة دى يا سارة بس لازم نبتدى بنفسنا ولازم نساعد بعض,,,,
ميرسي يا سارة علي مشاركتك معانا اكيد المفروض احنا مش غيرنا اللي هيحافظ علي مهنتنا ولا هيغير عليها
فعلا فترة التدريب دى الواحد شاف فيها العجب!!! لكن على الاقل البالطو هيحافظ قدر المستطاع من قيمتنا كنوع بس من اكتمال الصورة الجيدة للصيدلى
اه والله نفسي ادخل كل الصيدليات احس اني داخله علي دكاترة تعبو ومفتخرين بمهنتهم دي وشكلهم مميز عن اي عامل او خريج اخر
يعنى عمرنا ما دخلنا عيادة دكتور ولقيناة مش لابس البالطو
بالظببببط يعني لو محفظناش علي شكلنا ومظهرنا بالتالي مش هتعرف تلاقي لانو زي ما قلت ممكن مريض يقف دقيقتين بس وممكن متشفهوش غير المرادي بس اول ما دخل حس ان المكان فيه ثقه والثقة دي واخدينا من انطباعهم من البالطو

شكرا علي مشاركتك يا سارة وجزاكم الله خيرا
-----

شكرا والف سلامه
الله يسلمك يا سارة


الموضوع جميل وياريت يتنفذ

ميرسي علي الرد والمشاركة

وجزاكم الله خيرا

[do3a2_alganna]

موافقه والله فكره بس المشكلة الريف وكلامهم اللى بيحرج الواحد بصراحه هيا دى مشكلتى ان حد يحرجنى باى كلمة ملهاش لزمة. بس فعلا الفكرة جميلة

[Chimera]

rose_pharm );


يا دكتور إحنا اكبر من كده ..

مش مستنين بالطو ولا كارنيه عشان نحس بقيمتنا ..!!!

و ماعتقدش الواحد بيدرس و يتعب عشان يسمع كلمة دكتور او يلبس بالطو

فيها إيه مش فاهم لما حد يقولك يا أبلة ولا يا بنتي ولا يا حجة حتى

إنتي مكانتك محفوظة سواء علمياً او أدبياً او مادياً

لما تتخرجي و تشتغلي هتدركي الكلام ده كويس

و كل سنة و أنتي طيبة يا أبله

.,,
-----

موافقه والله فكره بس المشكلة الريف وكلامهم اللى بيحرج الواحد بصراحه هيا دى مشكلتى ان حد يحرجنى باى كلمة ملهاش لزمة. بس فعلا الفكرة جميلة

عادي يعني ..

هيقولك يا ست الداكتورة


.,,

[rose_pharm]

موافقه والله فكره بس المشكلة الريف وكلامهم اللى بيحرج الواحد بصراحه هيا دى مشكلتى ان حد يحرجنى باى كلمة ملهاش لزمة. بس فعلا الفكرة جميلة

مهو ده اللي هيدينا الثقة اكتر ومحدش هيقدر يهزها ان شاء الله

ميرسي علي مشاركتك معانا وجزاكم الله خيرا
-----

rose_pharm );


يا دكتور إحنا اكبر من كده ..

مش مستنين بالطو ولا كارنيه عشان نحس بقيمتنا ..!!!

الحمد لله احنا حسين بقيمتنا بس ناس كتير مش حساها يمكن ده يكون اول الطريق

و ماعتقدش الواحد بيدرس و يتعب عشان يسمع كلمة دكتور او يلبس بالطو
الظاهر ان حضرتك مش حابب البالطو خالص

فيها إيه مش فاهم لما حد يقولك يا أبلة ولا يا بنتي ولا يا حجة حتى

ابدا مفيهاش امال عملو لقب دكتور ده لمين

إنتي مكانتك محفوظة سواء علمياً او أدبياً او مادياً
الحمد لله ثقتنا مش مهزوزة بس المشكله في الاحباطات اللي بتحصل او المواضيع الكتير اللي بتتعمل للسب ده

لما تتخرجي و تشتغلي هتدركي الكلام ده كويس

ومنكم نستفيد

و كل سنة و أنتي طيبة يا أبله


متشكرة جدا

.,,
-----


عادي يعني ..

هيقولك يا ست الداكتورة




.,,

[Dr/Asmaa]

اولا الف سلامة
موضوعك جميل جدا لازم احنا يكون عندنا استعداد ومنستناش قوانين ونبدأ من نفسنا علشان نغير نظرة المجتمع للصيدلية واللى واقف فيها