حيرت العلماء ......ادخلوا وجربوا......

[Nayroz]

حيرت العلماء,,,,,,,,,,,ادخلوا وجربوا

هذه عبارة عن عمليات حسابية بسيطة تثير الدهشة وهبلت العلماء!!!!!



قرّب الآلة الحاسبة وابدأ معي الخطوات :


اضرب عدد إخوانك في العدد (2) الذكور فقط
إذا لم يكن لديك إخوان فتجاهل هذه الفقرة


أضيف العدد (3)


اضرب المجموع في (5




أضيف عدد أخواتك (الإناث)
إذا لم يكن لديك أخوات فتجاهل هذه الفقرة

اضرب الناتج ب(10)




أضيف عدد أجدادك الأحياء
إذا لم يكن لديك أجداد أحياء فتجاهل هذه الفقرة


اطرح (150) من المجموع السابق


الآن اكتب الناتج الذي حصلت عليه
لاحظ إن الناتج مكون من ثلاثة أرقام




الآن امسك رأسك كويس ولا تخاف وتعوذ من إبليس ولاحظ معي



العدد الأول من اليمين هو عدد أجدادك الأحياء ............ ......... ......صح؟

العدد الأوسط هو عدد أخواتك(الإناث) ............ ......... ......... ..صح؟

العدد الأخير هو عدد إخوانك ............ ......... ......... ......... .صح؟


بصراحة انا جربتها وطلعت صح ....جدا...

جربوها انتم كمان وقولولى
طلعت صح معاكم ولا لأ

واعذرونى لو التوبيك مكرر

سلامااااتى للجميع

[Dr/HULK]

سهلة جدا

مادام بنتكلم عن علماء رياضيات يبقى صعب جدا

اننا نجيب تفسير للحاجات دى

لان ربنا اعطاهم نعمة مش موجودة عند كتير من البشر

[قناع الذهب]

صح صح جداااااا برافو عليهم

[Nayroz]

ميرسى ليكوا يا دكاترة على المرور الكريم

سلاماااااااتى

[Dr.RaNa 91]

صح صح

طلعت صح جدا
ميرسي ليكي ياقمر

[**tota**]

اها انا عملتها وطلعت صح
تسلم يا دكتور
بالتوفيق يارب

[BonaBart]

حيرت العلماء,,,,,,,,,,,ادخلوا وجربوا

هذه عبارة عن عمليات حسابية بسيطة تثير الدهشة وهبلت العلماء!!!!!

شكرا نيروز ع المعادلات الجاااااااااامدة جدااااااااا دى



بس طبعا انا (واعوذ بالله من كلمة انا)
مش من العلماء اللى حيرتهم المعادلات دى

بكل بساطة

نفترض مفيش اخوان ذكور ولا اناث ولا اجداد احياء

يبقى المفروض تضيف 3 وتضرب فى 50 (5 ثم 10 تمام)

يعنى 150

فلو طرحنا 150

هيتبقى 0 0 0

وهذا يدل على 0 اخوان ذكور او اناث 0 اجداد احياء

دا ثابت لكل الناس ......تمام

فلو حبينا نطبق العملية دى على ناس ليهم اجداد واخوان

لازم نحتاط للاتى:
**عشان يظهر عدد الاجداد فى رقم الاحاد
( العدد الأول من اليمين هو عدد أجدادك الأحياء)
لازم اجمع عدد الاجداد الاحياء ف اااااااااخر خطوة
بعد كل العمليات الحسابية
وقبل ماطرح ال 150 الاساسية مباشرة .....تمام

**عشان يظهر عدد الاناث ف العشرات (العدد الثانى)
لازم اجمعه على العدد اللى عندى قبل ماضرب فى 10

**عشان يطلع عدد الذكور ف المئات
هو عمل الفبركة اللى عملها دى
(يعنى اضرب فى 2 ثم ضيف ل 3 ثم اضرب فى 5 )
ليييييييييييييه؟

نشرح بالمعادلات
ازاى يتحكم في عدد العشرات اللى هيبقى المئات
(2س+3)*5 دى المعادلة ....تمام؟؟
نفكها تبقى 10 س +15
خلوا بالكم ال 15 دى
اللى هتبقى 150 بعد ضربها ف 10ونطرحها .....قشطه؟؟

نيجى بقى ل 10 س
اذا كانت س=1 (يعنى اخ واحد)
هتبقى 10س = 10
بعد ضربها فى 10هتبقى 100
يعنى عدد المئات 1 = عدد الاخوان الذكور

وهكذا لو عدد الاخوان س=2 او 3 ........

اما بقى ازاى قدر يتحكم انه يخلى عدد الاناث ف العشرات
((2س+3)*5 ) + ص ....تمام

لو فكيناها 10س+15+ص

زى ماقلنا ال 15 هتبقى 150 بالسلامة

10س اكيد هيكون ( 10و20و30و ......

اكيد ص عدد مكون من رقم واحد (0و1و2و3........9) ليه؟؟ حالا

ص هينضاف لرقم الاحاد بتاع (10و20و30و ......)بتاع 10س
اللى هيبقى ف العشرات بعد الضرب فى 10 ............اكيد قشطه

وانا هوضح حاجة العلماء نسوا يقولوها يا نيروز

ان المعادلة دى لا تصح الا اذا كان

عدد الاناث من( 0 _ 9 ) بنات فقط
وعدد الاجداد الاحياء لازم يكونوا اقل من 10

يعنى انا بهزر
لو حد عنده اجداااااااااااااااااده الفراعنة عايشين ولا حاجة
وحب يحطهم ف الصورة (قصدى المعادلة)

اما لو زاد عدد الاناث بقت 10 مثلا
هيزيد عدد الذكور واحد عن الاصلى
وهيبقى مفيش اناث خالص مع ان فى 10 بنات ....جربوا
اكيد فاهمين ليه من المعادلة

يبقى كده عرفنا
ازاى بيتحكم انه يخلى الرقم اللى اتذكر ف الاول
(عدد الاخوان الذكور) انه يبقى ف المئات
وعرفنا كمان لييه طلب يطرح 150
وعرفنا كمان ليييه اجل جمع عدد الاجداد للنهاية
عشان تتجمع مع الرقم الاحاد
وعرفنا ليه عدد الاناث
لا يضاف الا بعد الفبركة اللى قلت عليها
وقبل الضرب ف 10 مباشرة

معلش طولت عليكم بس كان لازم اوضح
ويارب اكون قدرت اوصل لكم اساس المعادلة

واى معادلات تانى يا نيروز انا ف الخدمة

[dr.noody]

صح جدا
ميرسى ليكى

[simsimstar]

صح جدا مظبوط جدا
والله علماء الرياضيات دول
عندهم دماغ جامدة جدا جدا

[Mahmoud_Seif]

هههههههههههههههههه حلوه وتمام ...... تسلمي نيروز....

بس ايه الكلام ده ياميدو.......جه انت جامد اوووووي بقي .... تمام ياباشا....