البنات أكتر من الشباب ف صلاة التراويح .. رأيك إيه ؟

[Chimera]

بسم الله الرحمن الرحيم ..


طبعاً الموضوع باين من عنوانه .. ظاهرة جديدة الصراحة مش عارف حلوة ولا وحشة

البنات دلوقتي بقوا بينزلوا يصلوا التراويح بكثافة .. و بقوا فعلاً اكتر من الشباب ف المسجد .. حقيقي فعلاً مش مبالغة ..!!!


- في رأي بيقول ان الموضوع ده مايصحش عشان فتة للشباب و اللبس غالباً بيبقى مش محتشم خصوصاً انه فيه اسدال للصلاة بيبقى مع البنات دايماً


- رأي تاني بيقول انها ظاهرة كويسة .. للبنات انهم يصلوا صلاة التراويح و ثوابها .. كمان يتقابلوا و يتكلموا في امورهم و خصوصاً انهم مش بيعملوا شيء غلط


أحب أسمع آرائكم ..

في آمان الله

.,,

[same7]

البنات دلوقتي بقوا بينزلوا يصلوا التراويح بكثافة .. و بقوا فعلاً اكتر من الشباب ف المسجد .. حقيقي فعلاً مش مبالغة ..!!!

بصراحه ده موجود
بس مش فى كل المساجد
او مش عارف ان كان عموما ولا لا
بس فعلا عدد الرجال قلوا فعلا
اخرها امبارح
لاحظت كده انا واصحابى
اول مره انزل اصلى فى السلاب
اتخضيت بجد
العدد قليل جدا
احنا فى اخر التراويح مكناش مالين المسجد
بعكس السنه اللى فاتت
كنا ممكن منلاقيش مكان نقف فيه
بس ارجعنا السبب للشرطه والحوارات المعروفه دى
والله اعلم
كده هتمسك وهبقى ارهابى
مش مهمز

- في رأي بيقول ان الموضوع ده مايصحش عشان فتة للشباب و اللبس غالباً بيبقى مش محتشم خصوصاً انه فيه اسدال للصلاة بيبقى مع البنات دايماً

لالالا
مش مع الرأى ده خالص
ومش سبب مقنع للحاله الموجوده دى
هوه انا نازل اصلى ولا نازل ابوص على بنات
وده انا بشوفه حجه او مبرر لا فائده له
ولا انا لازم يكون الشارع فاضى عشان ما ابوصش على حد
ما لازم يكونوا موجودين
مش لازم اتحدى نفسى واغض بصرى
ولا كل حاجه تبقى جاهزه
زى برده فكره
كويس ان رمضان جه فى الاجازه مش فى الدراسه عشان البنات فى الجامعه


- رأي تاني بيقول انها ظاهرة كويسة .. للبنات انهم يصلوا صلاة التراويح و ثوابها .. كمان يتقابلوا و يتكلموا في امورهم و خصوصاً انهم مش بيعملوا شيء غلط

هوه ظاهره كويسه ان البنات بتنزل
لكن مش كويسه ان الشباب مبتنزلش

شكرا
chimera
مواضيعك دائما مميزه

[Anas]

حلو الموضوع

بس على ما أدخل من الكمبيوتر و أرد عليه ... ليا سؤال كده


انت عرفت ازاي ؟
:d

[dry_tears]

لا مهما كان برضو الشباب اكتر ..عدد محدود من النساء اللى بيروح المساجد لانها مش واجبة علينا لكن بصراحة بتبقة احلى طبعا فى المسجد وبعدين ايه حكاية اللبس دى اههههههه هيا مافيش حاجة دايما عاجبة ربنا يهدى

[Amira]

بسم الله الرحمن الرحيم ..





طبعاً الموضوع باين من عنوانه .. ظاهرة جديدة الصراحة مش عارف حلوة ولا وحشة

البنات دلوقتي بقوا بينزلوا يصلوا التراويح بكثافة .. و بقوا فعلاً اكتر من الشباب ف المسجد .. حقيقي فعلاً مش مبالغة ..!!!

مش عارفه بصراحه مين الاكتر

بس عندنا فى المنطقه بتاعتنا البنات بينزلوا اكتر عشان يتكلموا مع بعض فى اى حاجه ان شالله حتى فى الطبيخ...... والشيخ كل مايصلى يقول السيدات اللى فى الدور التانى لو سمحتوا بلاش كلام وسكتوا الاطفال كل ده فى الميكروفون بتاع المسجد


-

في رأي بيقول ان الموضوع ده مايصحش عشان فتة للشباب و اللبس غالباً بيبقى مش محتشم خصوصاً انه فيه اسدال للصلاة بيبقى مع البنات دايماً

يعنى البنت اللى رايحه تصلى دى ازاى هتلبس لبس مش محتشم؟؟؟
يعنى هيا تمشى فى الشارع بلبس مش محتشم وتروح تصلى بالاسدال ... ماهو ربنا شايفها فى الحالتين
والولد نازل يصلى ولا يتفرج ؟؟؟
سواء البنت او الولد عارفين انهم نازلين يصلوا ...
مش موافقه على الرأى ده.

- رأي تاني بيقول انها ظاهرة كويسة .. للبنات انهم يصلوا صلاة التراويح و ثوابها .. كمان يتقابلوا و يتكلموا في امورهم و خصوصاً انهم مش بيعملوا شيء غلط

الرأى ده انا معاه لكن فى بعض المناطق لما تكون سلوكيات الناس كويسه
انما لو سلوكياتهم وحشه يبقى البيت افضل

انا مش فاكره كنت قرأت حديث معناه ان صلاه البنت فى البيت افضل

أحب أسمع آرائكم ..
في آمان الله.,,

انا مره واحده بس اللى نزلت صليت فيها التراويح فى المسجد وبعدها ماتكررتش

لان فى واحده طول مانا واختى بنصلى عماله ترجعنا لورا وساعه السجود تشدنى عشان اسجد

وبعد الصلاه قامت مزعقه لاختى بتقولها طلعتينى من الصلاه حراااااام عليكى


انا رأيي ان البنت لو هتصلى فى البيت لوحدها او حتى مع والدتها او اخواتها بتركيز هيبقى افضل بكتير من انها تصلى فى المسجد من غير تركيز

[*محبة رسول الله*]

سلام عليكم جميعا....
اولا يا دكتور انس انا اعتقد والله اعلم ان الدكتور مقصدش حاجه
وعادى كلنا ممكن نلاحظ كده

بس انا شايفة انه البنات اقل من الشباب.....
بس كنت عاوزة اسال كل بنت
انتى ليه بتروحى المسجد؟
يعنى هل فيه استحضار لنية ثواب صلاة الجماعة؟
او انى عاوزة اخشع اكتر ............

ولا انا رايحة علشان اقابل صحباتى
او ان الناس تقول دى بنت متدينة وبتصلى القيام
ولا عاوزة اخرج وخلاص؟!

يا ريت نسال نفسنا وانا كمان معاكم
عاوزين الموضوع ميبقاش عادة....

عاوزين نحول العادات الى عبادات وليس العكس.........

جزاكم الله جميعا كل خير
ونفع الله بالجميع.......

[dry_tears]

جزاكى الله خيرا ياهالة على كلامك واللى لو ..لو اطبق على حق يبقة العدد مع احترامى للجميع هيقل هيقل يمكن للنص انا وانا بصلى بجد بشوف مهازل وسلوكيات مافيش داع من زكرها

[Anas]

لحد ما أرد على الموضوع

اولا يا دكتور انس انا اعتقد والله اعلم ان الدكتور مقصدش حاجه
وعادى كلنا ممكن نلاحظ كده

ولا أنا كمان أقصد حاجة على فكرة ...

و لو صاحب الموضوع فهم حاجة غلط من كلامي ف أنا بعتذر له مقدما

و لو اني مظنش يعني

[Chimera]

same7 );

انا ممكن اتفق معاك ف الجزء الأول .. بس المفروض ان إللي رايح يصلي مش عاوز يشوف مناظر مغريه قدامه .. يعني مراعاة للشعور

كلامك ده يتقال للي رايح البحر و بيشتكي من مناظر البيكيني .. ده مثلاً يبقى بيستعبط
إنما ده رايح المسجد .. ليه يشوف ملابس زي دي ..
الملابس دي ليها اماكنها سواء افراح او حفلات او نوادي .. انما مش قدام المساجد و المصلين ..!!!


Anas);

عرفت من مصادري الخاصة .. و آه انا فهمت غلط

ف انتظار رأيك يا دوكتور


amira );

لا عادي .. بيدخلو المسجد بالبدي و البرمودا و بيلبسوا الإسدال أثناء الصلاة ..
و صلاتهم صحيحة عادي .. مالهاش علاقه بلبسهم بره
المشكلة فعلاً اني بحسه تهريج و دلع و هزار أكتر منه صلاة و ذكر و قرآن .. ده إللي انا حسيته
و مش كلهم طبعاً .. في بنات فعلاً رايحين يشجعوا بعض على قراءة القرآن و الصلاة .. بس نسبة قليلة


*محبة رسول الله*

بالظبط ده إللي أقصده .. كتير بحسهم بيدلعوا و مجرد خروجه و تغيير جو و خلاص .. و الله أعلم
و برضو مش كلهم


dry_tears

لا فعلاً اكتر و الله بكل واقعية .. بصورة واضحة يعني .. انتوا بقيتوا اكتر ف كل مكان اصلاً
مكان واحد إللي الرجالة فيه اكتر .. منطقة التجنيد بسندوب

بخصوص اللبس .. الصراحة حرام .. الواحد رايح يصلي يشوف اي حاجه كده ولا كده
مش كفاية اترحمنا من الجامعة ف رمضان


.,,

[pharma sh]

انا هتكلم حسب الحكم الشرعى وبعدين اقول رأيى

سؤال؛ ما حكم ذهاب النساء لصلاةالتراويح؟

الجواب: فى المسألة عدة احاديث

1- حديث كان النبى يخفف اذا سمع صوت الصغير لوجد امه عليه

(اذا النساء تصلى )

2- حديث عائشة انهن كن يشهدن صلاة الفجر مع النبى وكن يخرج متلفعات بمروطهن لا يعلمهناحد


( اذن تصلى ولكن لا يراهن احد فمن الحديث لا يجوز الذهاب بالثياب العادية والمروط هو بمعنى الاسدال حاليا مع اختلاف النقاب والخمار وفقا للخلاف السائغ )

3- حديث عائشة لو علم النبى ما احدثت النساء بعده لمنعهن المساجد

( الحديث بالمنع )

4- حديث لا تمنعو ايماء الله مساجد الله وبيوتهن خيرا لهن

( الحديث فيه ان صلاة البيت افضل فى الثواب ولكن اذا طلبت المرأه ذلك فعلى الكراهه منع الرجل لزوجته )


اذا تاريبا دى كل الاحاديث الصحيحة الواردة فى الباب

وقد قال الشيخ مصطفى العدوى حفظه الله من هذه الادلة مايلى

1- صلاة المرأه فى البيت افضل فى الثواب.

2- الخروج يستحب اذا كان ذلك يعين المرأه على العبادة فمثلا ان كانت التراويح بجزء فى اليوم اذا تغيبت المرأه فنها تكسل عن اداءها بمثل الهيئة

3- ان خروج المراه لابد له من شورط فيجب المروط اى الخمار او النقاب وفقا للخلاف مع باقى شروط الزى ولا عطر ولا نميمة ولا ولا ....



بالنسبة لرأيى انا مش شايف فيها اى فتنة لان الحمد لله الشباب بتكون جاية تصلى