المرسال

[pharmacistina]

السلام عليكم ورحمة الله وبركاته

بعد التحية لكم اخواني و أخواتي ..

موضوع نويت أكتبه من فترة , لأني أعتقده موضوع مهم ..

وأصبح كغيره من الظواهر طبيعي جدا , دون أن يفكر البعض مننا في صواب ما يفعله أو شرعيته ..


ما رأيكم في :

المرسال

عارفينه ؟؟


أيوة كلنا عارفينه ..


المرسال .. الترجمة العربية لكلمة Messenger ..

كلنا عارفين الماسنجر طبعا ..

عايزين نناقش ..

ما هي حدود استخدام الماسنجر ؟؟


هل ينفع تبادل رسائل الماسنجر و الشات بين شاب و فتاة , و ان كان دة شيء ينفع في أي حالات ؟؟

هل تعتقد ان الشات الماسنجري بين شاب و فتاة حلال ؟؟ و هل يمكن أن يكون له نفع ؟


هل هناك فرق بين الشات و المنتدى ؟ ما هو ؟



عبر عن رأيك في موضوع حدود استخدام الماسنجر ..

كنت هعمل الموضوع دة كمقال في المنتدى العام , لكن فضلت أن نتناقش فيه ..


شكرا جزيلا ..

[Rooose]

شكرا يا دكتورة علي الموضوع الرائع فعلا يستحق الناقشة...
بصراحة أنا ضد الكلام بين الولد والبنت علي الماسنجر وضده عموما ، وفي ناس كتيييييييير جدا للأسف مقتنعة انه عادي ومهما تحاولي تقنعي فيهم مفيش فايدة بحجة انه احنا بنتكلم كلام عادي ومبنعملش حاجة غلط ودي طبعا مببرات باطلة ملهاش أي أساس من الصحة لأن الانسان لما بيكون بيعمل حاجة مشكوك فيها بيحاول يقنع نفسه انها صح بأي مبرر...
حدود استخدام الماسنجر مع الاصحاب وبس ( أقصد الولاد مع الولاد والبنات مع البنات )
الماسنجر طبعا يفرق بدرجة كبيرة جدا عن المنتدي ، الكلام علي الماسنجر بيبقي بين 2 الحوار يقتصر عليهم وبس..
لكن علي المنتدي (أقصد منتدانا ده ) الوضع مختلف تماما الموضوع بيتعرض لكل الناس والكل بيشارك فيه أدام الكل وطول ما الرد في حدود الأدب والاحترام واللياقة والمواضيع نفسها لا تخرج عن الحاجات دي خلاص فدا مسموح مفيهوش أي حاجة...
دا رأيي... تقبلي مروري...

[black]

شكرا يا دكتورة علي الموضوع الرائع فعلا يستحق الناقشة...
بصراحة أنا ضد الكلام بين الولد والبنت علي الماسنجر وضده عموما ، وفي ناس كتيييييييير جدا للأسف مقتنعة انه عادي ومهما تحاولي تقنعي فيهم مفيش فايدة بحجة انه احنا بنتكلم كلام عادي ومبنعملش حاجة غلط ودي طبعا مببرات باطلة ملهاش أي أساس من الصحة لأن الانسان لما بيكون بيعمل حاجة مشكوك فيها بيحاول يقنع نفسه انها صح بأي مبرر...
حدود استخدام الماسنجر مع الاصحاب وبس ( أقصد الولاد مع الولاد والبنات مع البنات )
الماسنجر طبعا يفرق بدرجة كبيرة جدا عن المنتدي ، الكلام علي الماسنجر بيبقي بين 2 الحوار يقتصر عليهم وبس..
لكن علي المنتدي (أقصد منتدانا ده ) الوضع مختلف تماما الموضوع بيتعرض لكل الناس والكل بيشارك فيه أدام الكل وطول ما الرد في حدود الأدب والاحترام واللياقة والمواضيع نفسها لا تخرج عن الحاجات دي خلاص فدا مسموح مفيهوش أي حاجة...
دا رأيي... تقبلي مروري...

وانا مع دكتورة روز جدا فى رايها
فعلا موضوع مهم يا دكتورة وكلنا عارفين اية الصح واية الغلط بس احنا اللى بنضحك على نفسنا

[قناع الذهب]

اولا الشات بين ولد وبنت اكيد حرام لانة لو حتى زى ما بيقولوا انة صاقة وكلام من دا اكيد ممكن يقلب بعد كدة بحاجات تانية ودى فرصة الشيطان بقة

ما هي حدود استخدام الماسنجر ؟؟

كل حاجة وليها ضوابط وحدود الماسنجر دا لو هتكلمى حد من صحباتك البنات لو هتتعرفى على واحدة جديدة وانتى متاكدة انها بنت

هل ينفع تبادل رسائل الماسنجر و الشات بين شاب و فتاة , و ان كان دة شيء ينفع في أي حالات ؟؟

لا مينفعش فى رايى لان محدش عارف اللى جوا النفس لانة حاجة مستخبية والله اعلم بيها فمش عارفين اللى هيتكتب دا هيبقى كلام فية صفاء نية ولا وراة كلام تانى

هل هناك فرق بين الشات و المنتدى ؟ ما هو

اة طبعا فية فرق المنتدى حاجة مفتوحة كلنا بنتكلم مع بعض وقدام بعض يعنى مش اتنين بس بيتكلموا
وكل حاجة بنبقى واخدين بالنا احنا بنكتبها ازاى ومفيش مجال لحاجة تانية
انما الماسينجر اتنين بيتكلموا ومش قدام الناس كلها زى المنتدى

[Ramy Saad]

الشات على الماسنجر طبعا لا
أما المنتدى فله شروط وضوابط سواء كان الكلام على العام أو الخاص
- من وجهة نظري -


وأكثر هذه التساؤلات التي تم طرحها قد تجدون لها جوابا في هذا الموضوع :
http://www.pharma-board.com/board/showthread.php?t=5437


جزاكم الله خيرا على طرح هذا الموضوع

[احمد شبند]

السلام عليكم ورحمة الله

طبعا الكل عارف ايجابة كل التساؤلات الى ذكرت فى الموضوع بس الانسان بطبعه مجادل حتى بيجادل نفسة

دا ممكن حتى لو سبت شخص لوحدة فى حجرة وجيت بعد مثلا خمس ساعات ممكن تلاقيه قطع نفسه من الجدل

بدون هزار قال تعالى (وكان الانسان اكثر شئ جدلا) .

جدال بدون سبب وقال النبى (الحلال بين والحرام بين وبينهما امور مشتبهات فمن اتقى الشبهات فقد استبرأ لدينه وعرضه )...

واقل ما يقال فيها انها شبهة توجب الوقوع فى الخطا ...

دى رأى فى اى حاجة ممكن تتناقش فى هذا القبيل........

[pharmacistina]

السلام عليكم ورحمة الله

طبعا الكل عارف ايجابة كل التساؤلات الى ذكرت فى الموضوع بس الانسان بطبعه مجادل حتى بيجادل نفسة

دا ممكن حتى لو سبت شخص لوحدة فى حجرة وجيت بعد مثلا خمس ساعات ممكن تلاقيه قطع نفسه من الجدل

بدون هزار قال تعالى (وكان الانسان اكثر شئ جدلا) .

جدال بدون سبب وقال النبى (الحلال بين والحرام بين وبينهما امور مشتبهات فمن اتقى الشبهات فقد استبرأ لدينه وعرضه )...

واقل ما يقال فيها انها شبهة توجب الوقوع فى الخطا ...

دى رأى فى اى حاجة ممكن تتناقش فى هذا القبيل........

صحيح الاجابة واضحة ..

و أنا قلت اني كنت بجد عايزة أعمل الموضوع دة بشكل مقالي في المنتدى العام ..

لكن أنا طرحته للنقاش مش عشان نجادل , لااا

عشان النقاش اللي غرضه النصيحة بيكون وقعه أكبر ..

لأن رغم اللي حضرتك قلته بخصوص وضوح اجابة الموضوع , الا ان المشكلة و الشيء المؤسف ان دي ظاهرة موجودة بتوسع جداااااااا ..

يبقى تستحق الكلام ..

[احمد شبند]

صحيح الاجابة واضحة ..

و أنا قلت اني كنت بجد عايزة أعمل الموضوع دة بشكل مقالي في المنتدى العام ..

لكن أنا طرحته للنقاش مش عشان نجادل , لااا

عشان النقاش اللي غرضه النصيحة بيكون وقعه أكبر ..

لأن رغم اللي حضرتك قلته بخصوص وضوح اجابة الموضوع , الا ان المشكلة و الشيء المؤسف ان دي ظاهرة موجودة بتوسع جداااااااا ..

يبقى تستحق الكلام ..

فعلا انا مع ان الموضوع محتاج كلام بس ردى ده كان لانى غلبت من الكلام مع الناس

انا مثلا

ليا زميل لينا فى الكلية وعنده تاريبا على الايميل بتاعه مالا يقل عن 700 واحد طبعا مش كلهم بنات

بس ممكن يكون عنده حوالى كدا اكتر من 40 بنت كل واحدة بيكلمها على انها الوحيدة يعنى الى هو بيكلمها وكمان مفهم كل واحدة انه يعينى بيحبها وكدا وطبعا معظم البنات غلابة فى الحتة دى ما بيصدقو حد يقول ب.........


ومنهم ناس بنت حياتها خلاص عليه وكدا وسعتو فاكر ان ده صح وانه كدا قال ايه بينقى وانا متاكد مليوووووون فى المية انه عمره ما هيكمل حياته مع حد منهم ومهما اكلمه يجيب حجج وجدال لا يمكن تخيله .............

[pharmacistina]

د - أحمد شبند

طول ما الظاهرة دي موجودة , و بشكل كبير جدااااا .. أصبح لازم الكل يقول و ينصح .. و لا ييأس لأن النصيحة دي لوجه الله أولا ..

وواجب على أي حد يشوف أخوه المسلم بيعمل حاجة غلط أيا كانت انه يقوله , لأن يوم القيامة هيعاتبك و يقولك

( ما قلتليش ليه )

طبعا الفراغ العاطفي في الحياة الأسرية و في الواقع دة مخلي البنات تلجأ الى الماسنجر , و قلة الدخل و البطالة عند الشباب مخلياهم بيتسلوا بدل ما هما قاعدين فاضيين كدة لا شغلة ولا مشغلة ..


بقيت بكره الماسنجر دة .. نفسي يختفي من الدنيا ..

أصل الأمة العربية معظمها قاعد عليه ليل نهار و دة من اسبابه أيضا عدم ادراك قيمة الوقت ..

و حضرتك لو اضطريت تدخل أي سايبر ستندهش من عدد الناس اللي داخلة السيبر عشان الماسنجر و الشات ..


الماسنجر مرسال التدهور ..

[Ramy Saad]

ليا زميل لينا فى الكلية وعنده تاريبا على الايميل بتاعه مالا يقل عن 700 واحد طبعا مش كلهم بنات

طيب أنا واحد أعرفه زميلنا برضه بيقولي إني انا الولد الوحيد اللي عنده في الكونتاكس
وزمايلنا كتير برضه من النوعية اللي انت ذكرتها يا أحمد
طبعا اللي بيحصل على الماسنجر ده مأساة بكل ماتحمل الكلمة من معنى

الظاهرة ديه جسدت وصورت لينا حال أكتر الشباب العربي ومش المصري بس إلا من رحم الله

لا شك إن الماسنجر زيه زي أي خدمة جديدة قدمتها لينا التكنولجيا الحديثة
ليه فوايد كبيرة وفي المقابل ليه مصايب أكبر وأعظم وأضل سبيل

الشاتينج عندي شغلانة الناس الفاضية وما أكترهم في عصرنا
استخدامه في الضرورة فقط في ظنى هو الحسنة الوحيدة ليه غير كدة أتمنى يزول فعلا
كل كلامي كان في حدود ولد مع ولد أو بنت مع بنت

أما لو مش كدة فديه بقة الطامة الكبرى والمصيبة الأعظم
وفي هذه الحالة فالماسنجر لا يأتي إلا بكل ما هو شر ولا يأتي بخير أبدا
الشات المختلط على الماسنجر أو مواقع الشات عموما أكبر بلاء ابتُلينا بيه ( ربنا يصرف عنا البلاء )
والتفصيل في اللي بيحصل مش بحب الكلام فيه .. لكن هو واضح ومعروف للناس كلها


أسأل الله لنا وللجميع الهداية للصراط المستقيم والثبات عليه وأن يصرف عنا الفتن ما ظهر منها وما بطن