يوميات BoNbOoNa في الصيدلية !

[..::ciZar_Resala::..]

انا احب بس اذكر نفسى اولا واذكركم ان اهم حاجه فى الصيدليه هيا حسن التعامل مع المريض والصبر عليه مهما سأل عن اى حاجه

يعنى مثلا فى ناس تجى تقلك اصرفلى الروشته دى وبعد ما تكون تعبت عشان تجيب الدوا وتكتب عليه وتحسب الحساب يجى الزبون فى الاخر ويقلك طب بلاش تجيب الدوا كله وهاتلى بس نوع الحقن اللى مكتوب هيا بجد حاجه تخنق بس احنا لازم نكون صبورين وما نترفز بسرعه لان مهنتنا بتحب اللسان الحلو عشان الذبون يجيلك تانى لان الزبون بعد ما بيمشى من عندك بيتكلم عليك وبيقول ده دكتور محترم وبشوش وبيضحك وطيب وما زهقش من كتر اسئلتى ليه او هيقول حاجه تانيه كلكم عارفين العكس بقه

من ناحية ان احنا نتعلم الادويه والمواد الفعاله كلنا هنتعلم وهتبقى سهله ان شاء الله بالعزم والاصرار

ولكن اهم حاجه هيا المعامله الطيبه للمريض وانتوا عارفين ان الدين المعامله ولا يبقى من الانسان الا سيرته الحسنه والطيبه

to be continue

السلام عليكم ..

دى أول مرة أشارك ف الموضوع .. لكن الناس عارفة إنى من أشد المعجبين .. Big Fan .. زى ما بيقولوا ..

شدنى كلام محمد بس .. على آخر موقف حصل معايا ف الصيدلية ..

بدايةً .. " الحمد لله الذى عافانا مما بلى به غيرنا " ..

دخلى النهاردة راجل لابس جلابية .. و شكله إنه غير ميسور الحال .. قاللى أنا عاوز أسأل سؤال ..

قلتله اتفضل - و خدوا بالكوا من كلمة سؤال دى عشان هتجر ساعة و نص حكايات - ..

الراجل ما صدق .. و قاللى أنا عندى التلاجة بايظة .. و عندى أنسولين .. و بقاله 15 يوم بره التلاجة .. يعنى تحت المروحة .. هو كده يبقى باظ ؟؟

قلتله و الله يا حاج مقدرش أأكدلك .. بس إنت شايف إنك لما بتحقنه بيعمل حاجة ؟؟ يعنى بتحس بفرق ؟؟

قاللى و الله يا بنى هو الأول كان بيلسع .. لكن دلوقتى لآ .. و بعدين أنا كنت راكنه عشان كنت باخد من عبوات 40 و سرنجة 40 و آخر مرة الدكتور قاللى خد من عبوات ال 100 .. و إنت عارف إنها غالية و ب 31 .. فأنا بجيب الحاجات دى من معارف .. " سهرة ف كباريه .. معرفة من شارع الهرم " ..

أنا صعقت لما وصل لنهاية الجملة ..

و كمل .. أنا كنت مغنى .. و دلوقتى بألف .. و أعرف ناس كتير .. و عامل عملية الغضروف .. و الدكتور اللى عاملهالى هو اللى عاملها للريس .. بس عاطينى دوا شديد أوى .. جسمى بينمل منه .. فأنا مش حاسس الأنسولين بيعمل حاجة و لا لآ .. الأول كنت بحس بس بعد الدوا ده معدتش بحس ..

- قلتله: طيب خلينا ف حكاية بيلسع دى " جزاكى الله خير يا بنبونة " .. دى عشان إنت كنت بتاخده و هو لسة طالع من التلاجة ..

قالى: أيوة ..

- قلتله: لآ .. المفروض تعمل roll للإزازة ف إيدك الأول .. و وريته إزاى .. " تمام زى ما بنبونة قالت " .. بعد كده .. سألته هو ملوش جيران ؟؟

قالى دول ولاد *** و ولاد *** و ناس -------- و ***** ..

- قلتله: ليه كده بس الجيران لبعضيها .. يعنى لو إنت قلتلهم يحطوا الحاجة دى ف التلاجة مش هيرضوا ..

قاللى لا يابنى .. الناس وحشة .. وحشة أوى .. و حكالى ع الراجل اللى جه يصلحله التلاجة و بوظها .. و اتعمد ييجى و هو مش موجود عشان " زوجة الراجل ده لبنانية " .. و زوجته طردته .. و دلوقتى مش عارف يصلح التلاجة .. و عليه العوض ف فلوس الأنسولين اللى هيشتريه جديد .. !!

المهم: عشان مش أطول عليكوا .. الراجل طلع رتبة .. كان عقيد .. و ساب شغله .. و اشتغل ف الفن .. و عرف ناس كتير .. منهم الدكتور اللى عامل العملية لل == زى ما قلنا .. و زوجته لبنانية .. و عامل عملية الغضروف .. و الدكتور بتاع العملية دى بيستغله .. و عاطيله دوا قوى و بينمله جسمه عشان شم ريحه إن معاه فلوس .. و هو معدش رايحله تانى .. و التلاجة بتاعته بايظة .. و الأنسولين اللى آخد من معارف السهرات و الكازينوهات باظ .. و جيرانه وحشين .. و هو ساكن ف المنزلة الجديدة .. و جسمه منفوخ من الدوا بتاع الغضروف ....... و كلام كتيييييييييييييييييييييير !!

فى غضون ساعة إلى ساعة و نص .. كنت عارف قصة حياة الراجل كلها .. برغم إن كل اللى كانوا قاعدين ف الصيدلية ساعتها كانوا متضايقين جداً منه .. عشان بيتكلم كتير .. و طريقة نطقه للكلام مش مفهومة .. بس الحمد لله أنا كنت بركز معاه .. و عرفت منه كل حاجة .. و كان أكبر هدية خدتها " دعاؤه ليا " .. و الحمد لله ..

الموقف التانى: برده ف ذات اليوم اللى هو إمبارح ..

جتلى واحدة .. غير ميسورة الحال .. باين جداً على ملابسها .. كانت جتلى قبل كده عشان أوصفلها حاجة لواحدة *** مفيش داعى .. المهم هى لا تملك ما يكفيها لدفع تذكرة الكشف عند الدكتور .. و على باب الله " تتسول قوت يومها من أمام الجامع " .. ده اللى فهمته من وسط الكلام ..

المرة دى قالتلى إن أسنانها وجعاها أوى .. و فمها كله بوجعها و العضم اللى حواليه ..

طلبت منها إنى ألقى نظرة عليه .. و بالفعل .. و لكن لم يتراءى لى أى التهابات ..

طلبت منى القرنفل .. و للأسف كان خلصان .. قلتلها خلصان و الله ..

كنت لسة بجيبلها كيتوفان .. قالتلى و الله الصيدلية اللى قبلكوا جابتهولى امبارح و معملش حاجة .. حتى خدت حبايتين مرة واحدة ..

صعبت عليا .. جبتلها Betadine M.G .. و كيتوفان .. و قلتلها البيتادين ده غرغرة الصبح و بالليل .. و الكيتوفان ده تاخدى منه اتنين قبل ما تنامى .. و واحدة الصبح ..

و لآننى لا أملك الصيدلية .. فدفعت ثمن ما أعطيته لها بعد انصرافها .. و كان جزائى العظيم .. هو فاصل جميل جداً من الدعاوى التى دعوت الله أن يعيد إلى هذه المرأة مرة أخرى و لو لتشكرنى على الدواء حتى أسمع منها و لو دعوة واحدة مم دعت به مرة أخرى ...

الدرس الأول: إوعى صبرك ينفد .. أو تنفخ ف وجه أحد من المرضى .. و دع صدرك يمتلىء رجباً بكل ما يقال .. فإنك تتثاب عليه .. فهو تخفيف عنه .. حتى و إن لم تشعر بذلك .. و لا تتذمر أبداً من كونك مستمع إلى ما لا يهمك ..

الدرس الثانى: إياك و المسكين و من لا يملكون قوت يومهم .. إياك ثم إياك ..

الدرس الثالث: نظرة امتنان .. و حب .. و دعاء .. أبلغ و أعظم قدراً من ملايين الجنيهات ..

آسف على الإطالة ..

و أكرر إعجابى بالموضوع .. و إن شاء الله دى مش مشاركتى الأخيرة فيه ..

[dr soooma]

ربنا يبارك فيكى يا بنبونه

أكتر حاجه بحس بيها لما بنزل الصيدليه هى نعمه الصحه والعافيه فعلا لما تشوف الام الناس وكل واحد بيشتكى من ايه وكم الادويه اللى بيخدوها قلب وسكر وضغط 00000الخ ولو حتى حاجه بسيطه زى شويه صداع او الم فى الاسنان ومش عارف ينام منه
الواحد لازم وقتها يقول الحمد لله الذى عافنى مما ابتلى به غيرى
اكتر حاجه بستفيد منها فى الصيدليه هى دى بجد تذكر نعم الله علينا سواء الانسان مبتلى او معافى ففى الحالتين نشكر الله
اللهم اشفى مرضانا ومرضى المسلمين وعافنا يا رب العالمين
اللهم امين امين امين
وصدق الرسول الكريم ( ) حين قال (نعمتان مغبون فيهما كثير من الناس .. الصحه والفراغ..) صدق رسول الله
اللهم ارزقنا قلبا خاشعا ولسانا صادقا وعملا متقبلا واجعلنا من الشاكرين امين

[dr toty]

أنا مش عارفة أشكرك ازاى يا بنبونة على مساعدتك ليا ومتتخيليش أنا قد ايه مبسوطة انى قريت الموضوع الجميل ده وانه كان السبب فى انى أعرف ان فيه ناس بالكرم والأخلاق الجميلة دى أنتى بتجبرى أى حد بيقرأ الموضوع بتاعك مش بس يتدرب لأويحاول على قد ما يقدر أنه يساعد غيره ويعمل الخير لوجه الله

[shimoaa]

1- فيه مضاد حيوي بحرف الu فيه نفس المواد الغعالة بتاعة الـunasyn اللي هي sulbactam و ampicillin
و منه 3 تركيزات ... مطلوب تشوفوا الدواء ده اسمه ايه ..
2- في دوائين انا كاتباهم مش موجودين علي الارفف ( علي الاقل انا عندي كده) .. يا تري هما ايه و فين ..؟؟
[SIZE=4]عشان اسهل عليكم .. هما من اللي جنبهم * نجمة * و مش ورا بعض ...[/SIZE
هي بقت كده؟؟؟؟
ماشي هحاول ادور عليهم ان شاء الله بس يا رب الحق لان الصيدليه غالبا بتكون زحمه فتلاقي الكل مشغول بما فيهم انا بس مش عارفه ليه مش بلاقي الدوا اللي بدور عليه في اكتر الاوقات
(بس الميزه اني بقرا روشتات كتير)
شكرا وبارك الله فيكي

[BoNbOoNa]

د\ محمد سمير
جزاكم الله خيرا علي التذكرة الطيبة ... اتفق مع حضرتك تماما في اهمية المعاملة ... و الاهم منها هو النية ,, و يجب ان تكون النية الاولي دائما هي ارضاء الله سبحانه و تعالي ...
شكرا جزيلا و في انتظار المزيد ان شاء الله . .
=-=-=-=-=-=-=
شكرا جزيلا د\ mr.toxic ... حضرتك اول "صيدلي رسمي" يشرف صفحتي المتواضعة
جزاكم الله خيرا كثيرا ... تقبل احترامي و تقديري
=-=-=-=-=-=-=
د\ياسر
اولا : اهلا وسهلا و مرحبا بمشاركاتك دائما
ثانيا : اشكرك علي هذه المداخلة الرائعة ... الحمد لله الذي عافانا مما ابتلي به كثيرا من خلقه و فضلنا علي كثير من خلقه تفضيلا
انا في غاية السعادة ان الـ "Roll " نفعت انسان ,,,, والله في غااااااااية السعادة .. الحمد لله هذا من فضل ربي

الدرس الأول: إوعى صبرك ينفد .. أو تنفخ ف وجه أحد من المرضى .. و دع صدرك يمتلىء رجباً بكل ما يقال .. فإنك تتثاب عليه .. فهو تخفيف عنه .. حتى و إن لم تشعر بذلك .. و لا تتذمر أبداً من كونك مستمع إلى ما لا يهمك ..

الدرس الثانى: إياك و المسكين و من لا يملكون قوت يومهم .. إياك ثم إياك ..

الدرس الثالث: نظرة امتنان .. و حب .. و دعاء .. أبلغ و أعظم قدراً من ملايين الجنيهات ..

اكثر من رائع ... جزاكم الله خيرا

عظيمة هي تلك اللحظة ... لما يدخل رجل و ابنه الصيدلية

كانوا عندك من اسبوع ولا اتنين بيصرفوا روشتة و الولد كان سخن و تعبان و الاب حزين و مرهق

و دلوقتي راجعين ياخدوا صابون و شامبو و معجون

و الولد قاعد يجري بحرية بعد ما منّ الله عليه بالشفاء و منّ علينا بان نكون سببا في شفائه... فله الحمد كله
و الاب مبسوط و مبتسم و قد من الله عليه بنعمة الرضا و راحة البال و جعلنا سببا في تفريج همه...فله الحمد كله
والله اللحظة دي بالدنيا و ما فيها
و ابتسامة الطفل اللي تحرر من آلام مرضه اغلي من اي ابتسامة

آسف على الإطالة ..

ليس هناك أي اطالة علي الاطلاق

و أكرر إعجابى بالموضوع .. و إن شاء الله دى مش مشاركتى الأخيرة فيه ..

في انتظار حضرتك ان شاء الله
بارك الله فيكم و نفع بكم دائما ... و رزقنا و اياكم الاخلاص في القول و العمل
======

ربنا يبارك فيكى يا بنبونه

أكتر حاجه بحس بيها لما بنزل الصيدليه هى نعمه الصحه والعافيه فعلا لما تشوف الام الناس وكل واحد بيشتكى من ايه وكم الادويه اللى بيخدوها قلب وسكر وضغط 00000الخ ولو حتى حاجه بسيطه زى شويه صداع او الم فى الاسنان ومش عارف ينام منه
الواحد لازم وقتها يقول الحمد لله الذى عافنى مما ابتلى به غيرى
اكتر حاجه بستفيد منها فى الصيدليه هى دى بجد تذكر نعم الله علينا سواء الانسان مبتلى او معافى ففى الحالتين نشكر الله
اللهم اشفى مرضانا ومرضى المسلمين وعافنا يا رب العالمين
اللهم امين امين امين
وصدق الرسول الكريم ( ) حين قال (نعمتان مغبون فيهما كثير من الناس .. الصحه والفراغ..) صدق رسول الله
اللهم ارزقنا قلبا خاشعا ولسانا صادقا وعملا متقبلا واجعلنا من الشاكرين امين

اللهم امين ... والله اذا تحدثنا من هذا المنطلق سيطول الحديث كثيرا ...
الصحة نعمة عظيمة ,,, و نعمة الاسلام هي أعظم النعم علي الاطلاق ... لان بيها بتتحول الصحة و المرض الي عبادة لوجه الله ... ده احنا لو مسكنا ابسط حاجة ... اصابعنا اللي بنكتب بيها لو اتجرحت شوفي بتأثر علينا ازاي ... من اول الكومبيوتر لارتداء الثياب لغسيل المواعين للتعامل مع الناس او حتي مع الاشياء ..
و كل ده عشان جرح بسيط في اليد ما باالنا بقي و كل خلية في اجسادنا منعمة و كل رمش مستقر في مكانه و كل قطرة دم محافظة علي سيولتها و ضغطها و كل نبضة قلب تنبض بتقدير الملك جل في علاه دون ان نملك من الامر شئ ... كفاية لاني بكيت والله ... اللهم ارحم ضعفنا و اجبر كسرنا و اعتق رقابنا و تجاوز عن زلاتنا و غفلاتنا و لا تؤاخذنا ان نسينا او أخطئنا ...
جزاكي الله خيرا يا سومة ... أسأل الله ان يحفظكي و يرعاكي و يهدينا و اياكي الي ما يحبه و يرضاه ..

أنا مش عارفة أشكرك ازاى يا بنبونة على مساعدتك ليا ومتتخيليش أنا قد ايه مبسوطة انى قريت الموضوع الجميل ده وانه كان السبب فى انى أعرف ان فيه ناس بالكرم والأخلاق الجميلة دى أنتى بتجبرى أى حد بيقرأ الموضوع بتاعك مش بس يتدرب لأويحاول على قد ما يقدر أنه يساعد غيره ويعمل الخير لوجه الله

ربنا يكرمك يا توتي و يوفقك للخير دائما يااااااااا رب
اسأل الله تعالي القبول و الاخلاص في كل قول و عمل
شكرا جزيلا لكي

هي بقت كده؟؟؟؟

ماشي هحاول ادور عليهم ان شاء الله بس يا رب الحق لان الصيدليه غالبا بتكون زحمه فتلاقي الكل مشغول بما فيهم انا بس مش عارفه ليه مش بلاقي الدوا اللي بدور عليه في اكتر الاوقات
(بس الميزه اني بقرا روشتات كتير)
شكرا وبارك الله فيكي

جميل اوي . .. الروشتات الكتير ميزة و هتفيدك جدا... لو الادوية اللي بكتبها لا تتناسب مع الفترة اللي مش بتكون فيها روشتات ممكن تقسيميها علي يومين ... و انا ممكن اقلل الكمية شوية اذا تحبوا مفيش اي مشاكل ... حددولي رقم عدد معين من الادوية و انا هلتزم بيه ان شاء الله ....
انتظر منكي اخبار المهمة الاستكشافية في الصيدلية ..
=====================
شكرا لكم جميعا انا في غاية السعادة بهذه المشاركات اللي تنبض بالايجابية
بارك الله فيكم جميعا اخواني و اخواتي
=-=-=-=-=-=
رب أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأدخلني برحمتك في عبادك الصالحين
=-=-=-=-=-=
هقوم اتغدي ... ثم نكمل ان شاء الله

[..::ciZar_Resala::..]

استكمالاً للمشاركات .. و البحث ف الصيدلية اللى بدئته بنبونة ..

فى دوا مشهور جداً ف الصيدليات ..

له شبيه .. بنفس التركيزات .. و حتى نفس شكل العلبة ..

أنا حطلكوا الشبيه و عاوز اسم الدوا المشهور ..

دى صورتوا ..

[the phenome]

Inderal 10 - 40

موجودين كمان فى الصيدليه جنب بعض

ولهم نفس الشكل

[the phenome]

[/quote]

- فيه مضاد حيوي بحرف الu فيه نفس المواد الغعالة بتاعة الـunasyn اللي هي sulbactam و ampicillin
و منه 3 تركيزات ... مطلوب تشوفوا الدواء ده اسمه ايه ..

Unictam

وتركيزاته ال3 اللى شبه ال Unasyn

هى " فيه منه vial ب 3 تركيزات 375 -750 - 1500 "

"وفيه منه tablet بتركيز 375 بس "

- في دوائين انا كاتباهم مش موجودين علي الارفف ( علي الاقل انا عندي كده) .. يا تري هما ايه و فين ..؟؟

عشان اسهل عليكم .. هما من اللي جنبهم * نجمة * و مش ورا بعض ...

Em-Ex 1gm vial

Unasyn 3 gm

مش شفتهم عندنا فى الصيدليه انما الباقى موجود

ماشاء الله عليكى يا بنبوبه


ربنا يجازيكى خير يارب .....ويزيدك

[shimoaa]

بنبونه حبيبتي انا مش قصدي علي كم الادويه اللي انت بتكتبيها
انا كان قصدي علي الاسئله والحجات اللي انتي قولتيلنا ندور عليها بس
هو الموضوع ده كان هيبقي صعب عليا لان زي ما قولتلك الصيدله بتكون زحمه جدا
بالعكس الكم اللي انتي بتعطيهولنا مناسب جدا
استمري واحنا متابعين معاكي ان شاء الله
وجزاكي الله كل خير ووفقك الي ما يحبه ويرضاه
والله اني احبك في الله (مع اني عمري ما شفتك يعني)
شكرا

[BoNbOoNa]

Inderal 10 - 40

موجودين كمان فى الصيدليه جنب بعض

ولهم نفس الشكل

اجابة صحيحة

Unictam

وتركيزاته ال3 اللى شبه ال Unasyn

هى " فيه منه vial ب 3 تركيزات 375 -750 - 1500 "

"وفيه منه tablet بتركيز 375 بس "

تاني اجابة صحيحة ,,,
بالنسبة للtablets انا مخدتش بالي فيه كام تركيز ... هتأكد بكرة ان شاء الله

Em-Ex 1gm vial
Unasyn 3 gm

مش شفتهم عندنا فى الصيدليه انما الباقى موجود
الاتنين موجودين عادي ... الاجابة خاطئة ..فكروا تاني

ماشاء الله عليكى يا بنبوبه
ربنا يجازيكى خير يارب .....ويزيدك

[/quote]
و اياكم يا phenome .. شكرا جزيلا

بنبونه حبيبتي انا مش قصدي علي كم الادويه اللي انت بتكتبيها

انا كان قصدي علي الاسئله والحجات اللي انتي قولتيلنا ندور عليها بس

هو الموضوع ده كان هيبقي صعب عليا لان زي ما قولتلك الصيدله بتكون زحمه جدا
بالعكس الكم اللي انتي بتعطيهولنا مناسب جدا
استمري واحنا متابعين معاكي ان شاء الله
وجزاكي الله كل خير ووفقك الي ما يحبه ويرضاه
والله اني احبك في الله (مع اني عمري ما شفتك يعني)
شكرا

احبك الذي احببتني فيه ...

ماشي نستمر زي ما احنا ... و نقلل الاسئلة حبتين
بالتوفيق يا شيماء