حريه شخصيه قال.....
السلام عليكم ورحمة الله وبركاته
كنت عايز اكتب التوبيك دا من فتره
بس كنت مأجله لحد ما جه الوقت اللى لازم اتكلم معاكوا فيه
فيه حاجات بتزعجني جدا و انا ماشي في الشارع وانا فى الكليه ولو اتكلمت هيقولولى انت مالك دى حريه شخصيه!!!
اول حاجة هي الكلام في الاماكن العامة اوالتجمعات وفى المواصلات
تلاقى الستات اول ماتقعد على طول كلام كانهم ماصدقو يتكلمو و ايه ممكن تجيب سيرة جوزها و حماتها و مشاكلها و و لا على بالها لواحده ماتعرفهاش و تنزل في المحطة بتاعتها عادي جدا
اه دى حرية شخصية بس لو انا كنت قاعد لوحدى و جات ست و بدأت تتكلم معايا وتسألنى وازاى وليه ؟
طبعا هي حرة في كلامها دى حرية شخصية بس لما تجبرني اسمعلها و اتكلم
معتقدش انها حرية شخصية ؟؟؟
طيب
كمان فى المواصلات تلاقى حد رخم مشغل الموبايل وبيسمع أغانى مش عارف الشخص دا مش مقدر حد تعبان حد مرهق .. طيب أنا ليه أجبر الناس انها تسمع دا ... انت حر أيوه لكن دا يبقى فى حدود
يا اخى راعى شعور الناس الى حواليك...
لو كنت في جنازة و اهل الميت الله يرحمه في قمة الحزن تلاقي الستات قاعدين و مسبوش حاجة متكلموش فيها الجواز الطلاق الموت العيال البيع الشراء لا و في واحده بتسال عن البيت الي معمول فيه الجنازة عشان عجبها و عايزة تشتريه
ثانيا
طبعا دى حرية شخصية و اي واحد بيتكلم زي ماهو عايز
بس لما تيجي قدامي و ترغمني اني اسمعك
معتقدش انها حرية شخصية ؟
خاصه فى المآتم لان الجو مش بتاع كلام خالص
وأكيد مفيش ولا واحده بتدعى للميت او بتفكر فى حزن قرايبه
تاني حاجة بقى بتزعجني هيا رنة الموبايل
طبعا كل واحد حر انه يحط الرنة الي بتعجبو و عادي ده حرية شخصية
بس لما تيجي في مكان عام و موبايلك يرن و سمعت الناس كلهم رنتك تبقى كده انت بتجبر الناس يسمعو اغنيتك و فيه اكيد كام واحد ميحبوش يسمعوا اغاني و تلاقيهم بيشتموا فيك
طيب في النقطة دى انا معتقدش انها حرية شخصية ؟
طب ايه رأيكو وانت في الجنازة و الميت الله يرحمه بيخرجوه و اهلو في قمة الحزن و الناس كلها واقفة بتدعي
و فجأة الموبايل بيرن و ايه اغنية صوتها غالب على صوت الناس
تخيل الموقف ده مش يغيظ
معتقدش انها حرية شخصية ؟؟؟
كمان فى السكوير بتاع الكليه تلاقى الناس كلها أو معظمها عشان مظلمش حد مشغل الموبايل وتلاقى صوت الأغانى مشاء الله .دا كله مش إذعاج لينا .. ؟؟
*أنا مش هقلك انى مثالى وعمرى فى حياتى ما سمعت أغانى لكن الحاجات دى بتتعبنى بجد .. أصلها حريه شخصيه!!
هو ايه مفهوم الحرية الشخصية الي بقى شائع اليومين دول؟
هي دى الحرية الشخصية ؟
تعمل الي في بالك بس ؟
اه هيقولك انا حر حرية شخصية
معلش مين هيقولك انت مش حر
بس انت قلت حرية شخصية
يعني بعد كلمة حرية موجوده كلمة شخصية
يعني انت حر في نطاق شخصيتك و مجالك بس و الحاجات المتعلقة بيك و افعالك و حياتك
و لما تيجي في مجال و نطاق الناس بتبقى بتتعدى عليهم
انت حر ما لم تضر
ولا ايه
الكلام الي بقولو مش انا الي بضايق منه بس لا الناس كلها
واكيد انتوا كمان
ده مش تعصب مني و انا مع الحرية الشخصية و التعبير عن النفس بس كل واحد في حدود و لما يجي لحدود الغير يوقف و يفكر قبل كل حاجة
عارف رغيت كثير بس كنت هطق
انتو ايه رأيكو في الثلاث حاجت دول و المواقف في الجنازة ؟
وايه مفهمكو عن الحرية الشخصية ؟؟
رد مع اقتباس.gif "Fop (29)")
المشاركة الأصلية كتبت بواسطة Dr.Mohamed
.gif "Fop (14)")
