أولا شكرا جدا يا بنبونة على اهتمامك بمشكلتى ثانيا أنا أسفة جدا على التأخير بس ده لظروف سفرى اللى جت فجأة وبالنسبة للاجابة عن اسئلتك مفيش اى بنات موجودة فى الصيدلية على الأقل فى الميعاد اللى انا موجودة فيه أنا بتنزل معايا واحدة صاحبتى (لسة نازلة السنة دى برده )وزى ما قلتلك قبل كده مفيش غير ابن الدكتور أما بالنسبة للسؤال التانى لا يوجد ومرة تانية بأشكرك على اهتمامك وعلى الموضوع الرائع ده
ربنا يخليكي يا فارما ....المشاركة الأصلية كتبت بواسطة dr pharma
الحمد لله على سلامة ام صاحبتك
بجد انا حاسة انى فى صيدليتين واحدة فى البيت اللى هوه انتى لانى بستفيد جدا
من يومياتك والتانية مع الجمهور فى الصيدلية طبعا
بجد انتى بتشجعينى على كل حاجة حلوة
يابختك ياعم فى ميزان حسناتك ان شاء الله.gif "Fop (9)")
يا رب يكون فعلا في ميزان الحسنات... يا رب
امين يا رب جزاكي الله خيرا ... شكرا يا نودي
اللهم امين ... ربنا يكرمك يا نور
دمتي في حفظ الله
اولا حمد لله علي سلامتك يا توتي ..
احد الحلول انك تغيري الميعاد بحيث يكون واقف معاكي في الشفت بنات ...
حل اخر ... انا ممكن اكتبلك مجموعة ادوية كل يوم تبحثي عنها
( يعني الحاجات اللي بشوفها كل يوم اكتبهالك و انتي تشوفيها .. يعني كأننا بنتدرب مع بعض)
الحل الثالث و اعتقد انه مستبعد ... ممكن تغيري الصيدلية
بس علي فكرة انتي عندك حاجة كويسة اوي ... صديقتك اللي نازلة معاكي .. دي حاجة تمام اوي والله.gif "Fop (18)")
انا نفسي اتدرب مع حد ... متتصوريش لما بشوف البنات اللي بيتدربوا ببقي سعيدة اد ايه,,, للاسف هما بييجوا في الشيفت اللي بعدي و انا مش بحب الشفت ده لان فيه اولاد كتير و مش ببقي مرتاحة نفسيا ...
.gif "Fop (6)")
ألف شكر يا بنبونة على الاقتراحات الجميلةدى لأن وأنا زى ما أنتى قلتى صعب جدا أغير الصيدلية وللأسف صعب جدا اغير الميعاد لبليل أولا لأن بابا مش هيوافق ثانيا بيبقى فيه أولاد كتير وأنا نفسى مش ببقى مرتاحة نفسيا زى ما أنتى قلتى وبالتالى أنا بأرجح الاقتراح التانى لكن أنا بصراحة أنا حاسة ان أنا بتقل عليكى ويبقى تفضل منك لو عملتى كده على الأقل الفترة دى عشان أنزل الصيدلية لانى محبطة ومحتاجة حد يشجعنى وأخيرا جزاك الله خيرا على المساعدة ووفقك الله دائما على مساعدة الغير
خلاص ان شاء الله بعد الفجر هنزلك اول دفعة ادوية .... تحبي تاخدي اقراص ولا حقن ولا لبوس ولا كوكتيل ولا ايه بالظبط؟؟
اكيد ان شاء الله ....ربنا يكرمك يا جانيتعلى فكرة انا متابعة الموضوع بتاعك وبجد انا معجبة بيه جدا وعلى فكرة انا نفسى اتعرفك عليكى شخصيا فى الكلية
تحت امرك في اي حاجة.gif "Fop (29)")
شكرا يا بنبونة ولكن أنا بفضل الحقن لأن أنا كنت بدأت أقرأ فيها شوية فى الصيدلية وخاصة المسكنات والمضادات الحيوية
ربي يكرمك يا بونبونة
جزاك الله خيرا
متابعة معاكي
تمام .. دول مجموعة ع السريع كده و بعد عودتي ان شاء الله اجهز لكي مجموعة جيدة
click here
و جزاكي كل خير يا برنسس ...
نكمل بعد العمل ان شاء الله
ازيك يا بنبونه
وحشتني يومياتك علي فكره انتي بقيتي بتتاخري علينا اوي ( ولعل المانع خير)
وانا بعد اذنك هشترك مع توتي باني اخد منك اسماء الادويه اللي انتي بتكتبيها وادور عليها انا كمان
وجزاكي الله كل خير
مستنيينك
بجد غصب عني يا شيماء.... والله انا عارفة اني مقصرة مع كل اللي حواليا مش عارفة أوازن بين شغل البيت و شغل الصيدلية و اليوميات و تحضير النفس لرمضان ...... و ما خفي كان اعظم ....
ادعيلي ربنا يبارك في الوقت و باذن الله احاول انظم وقتي افضل من كده
اهلا وسهلا ....
ايوة كده عايزين عزيمة و همة عالية ....
writing ..
Day 22
وصلت الصيدلية و سلمت علي مدرباتي الثلاثة ... ثم صعدت الي اعلي لاحضر البالطو ....
ارتديته و وضعت الموبايل في جيبي و احضرت قلمي و كشكولي و نزلت لهم تاني ...
لاقيتهم متجمعين حول " جهاز الضغط " و كان واضح عليهم انهم مستمتعين اوي ...
اقتربت منهم .. وسألتهم ما الجديد في جهاز الضغط اليوم ... ؟!
ضحكوا الثلاثة و قالوا في نفس واحد :
" الزئبق طلع برّه !"
و كانوا قاعدين يلعبوا بيه ...
امسكت معلمتي بيدي و وضعتها علي الزئبق
بصراحة .... كان احساسا رائعا
بارد ... ناعم ..لين ... مش عارفة اوصفه...
الغريب انه مش بيمسك في الاصابع
يعني لما تغمس فيه اصبعك يخرج كما دخل ولا كأن حصل حاجة.gif "Fop (2)")
احضرت احدي معلماتي سيرنجة و قامت بسحب الزئبق لداخلها .. ثم افرغته داخل الجهاز مرة اخري .. وقاست ضغطتنا كلنا
خلي بالكم الزئبق بيااااكل الذهب ... زي .... ؟
زي الــ... يا رب تكونوا فاكرينه .. يا رب
================
بعد كده قمت بترتيب " الاكسسوارات " ... دي الحاجات اللي في الصيدلية غير الادوية ... زي الشامبو و الصابون و مزيلات العرق و العطور .....
طبعا كلنا عارفين الجل ... بالذات Haircode اللي بجنيه
انا ببيع كل يوم علي الاقل 5-6 أكياس..
ساعات بلاقي أكياس جاية فاضية ... باخدهم العب بيهم مع اقاربي الاطفال ...
**************************
**************
انا سمعت قبل كده عن صابون الكبريت ... صابون طبي .. صابون جلسرين
انما صابون حمضي ... جديدة دي.gif "Fop (34)")
Dermacide .... يحافظ علي حموضة الجلد الطبيعية ... يا سلام ؟!!
المكونات :
benzoic acid
tartaric acid
salicylic acid
=====================
-------------------
بعد ان انهيت ترتيب الاكسسوارات ... صعدت الي اعلي و القيت نظرة علي ادوية التلاجة ...
لاحظ ان الثلاجة مظبوطة علي 1 ... أقل حاجة
....
ده احد انواع الانسولين ... Humulin N
يا تري Cloudy ولا Clear ... شوفوا انتم بقي ..
معلومة لاقيتها في الـpamphlet بتاعة الدواء :
insulin doesn't pass through the placenta barrier
اذن الانسولين مش خطر علي الست الحامل ... لانه مش هيقدر يتجاوز المشيمة فبالتالي مش هيوصل للجنين ..
-----------
ده الـcloudy insulin علي الطبيعة .. زي ما انتم شايفين بيكون معكر .. لانه في صورة suspension
*******
***
أما الـclear insulin ... عبارة عن solution
********
****
ده بقي ... " مصل " .. عشان نعالج بيه التسمم الناتج من عضة الثعبان ..
**************
*****
الله اعلم ايه ده .... هسأل و ابقي اقولكم بكرة ان شاء الله
*******************
********
الدواء ده عبارة عن calcitonin spray مستخرج من سمك السلمون ..
بيستخدم في امراض هشاشة العظام ...
*********
الدواء الشرب الوحيد اللي شفته في الثلاجة هو :
**********************
***********
نزلت تاني و صرفت كام روشتة ... واحدة فيهم كان فيها اول دواء " نفسي " يمر عليا ,,
داوء لعلاج بعض الامراض النفسية ... زي الاكتئاب و انفصام الشخصية . . schizophrenia
العلبة عبارة عن 7 أقراص ... بــ 160 جنيه.gif "Fop (39)")
*********************
**********
اخر حاجة عملتها كانت ممارسة هوايتي الجديدة ... "قصقصة" الكيتوفان و النوفالجين ...
لانهم بيتباعوا بالواحدة .. و شغالين تمام زي اكياس الجل بالظبط ..- رغم اني مش موافقة علي الحكاية دي -
علي فكرة انا في الأول كنت فاكرة ان النوفالجين بيعالج الاسهال .. بس طلع بيعالج الصداع ...
.gif "Fop (16)")
=-=-=-=-=-=-=-=
هنام شوية ثم اكمل ان شاء الله
لا تنسوني من صالح دعائكم
اللهم بارك لنا في شعبان و بلغنا رمضان و ارزقنا العتق من النيران يا رحمن
سبحانك اللهم و بحمدك...أشهد ان لا اله الا انت ...أستغفرك و أتوب اليك
~تم بحمد الله~
التعديل الأخير تم بواسطة BoNbOoNa ; 27-07-2009 الساعة 10:47 PM سبب آخر: اضافة صورة افضل للbonin...ده nasal spray مش حقن ... thanks alot Cizar
ضوابط المشاركة
