الأجازة .......ولا الدراسة

[SHYMAA]

الدراسه عندى احسن كتييييييييييييييير
بابعد عن ملل البيت والاوضه اللى انا فيها علطول
وكمان المطبخ اللى لازم اتقن كل حاجه فيه
يعنى بنزل كل يوم حتى لو مش هاحضر محاضرات

كفايه لمة الصحاب واللعب والهزار

حتى لو فيه مشاكل بكون برده مع اصحابى
وما اكثر المشاكل اللى بوقع نفسى فيها
بس بتدى روح حلوه بينا ونستفيد كلنا من الاخطاء
صحيح مع بعض كل يوم ع النت والتليفون بس برده
لازم اشوفهم والغلاسه يظهر مفعولها

[Amira Said]

حسب الظروف،،يعني لو منظمة وقتي كويس و بستفيد منه مش هتفرق اجازة من دراسة،، لو بنظم وقتي في الدراسة اكتر بتكون احلى و لو في الاجازة اكتر بتكون احلى
بس انا دلوقتي في مرحلة الملل من التعليم و نفسي أخلص الدراسة الاجبارية و ابقى بمزاجي أذاكر مذاكرش أنا حرة
شكرا يا دكتور على الموضوع

[Rooose]

الأجازة أريح عشان مش بصحي بدري ومش ورايا حاجة ومفيش مسؤلية ولا دوشة...
بس بصراحة الدراسة حياااااااااااااااااة...
أصحاب ومحاضرات وضحك ولعب بس للأسف متعبة!!!!

[Dr.N.Samy]

طبعااااااااااااا الدراسة بس من غير شهر الامتحانات!!!!!!!!!!!!!!!!!

[Larine_Resala]

طبعااااااااااااا الدراسة بس من غير شهر الامتحانات!!!!!!!!!!!!!!!!!

وأنا من موقعي هذا أؤيدك وبشدة

[محبة الهادى]

انا بحب الدراسة من صغرى ومكنتش بغيب من المدرسة ابدا حتى ايام الثانوى وبحب الصحيان بدرى لانى بحب الصبح اقوى وياسلام على الجو قبل الشمس ماتطلع
اما فى الكلية برضه بحبها وبحب بهدلتها وبهدلة المواصلات ومغبتش من الكلية الا مرة تقريبا وكنت مضطرة واحلى حاجة فى الدراسة فى الكلية بهدلة الامتحانات وعلى راى امى غاوية شقى من يومى
شكرا على الموضوع كان عندى كلام كتير عن حبى للدراسه بس خفت من ال

[chocolata]

اولا شكرا على الموضوع الجميل انا بحب الدراسه عشان السكاشن وتغيير الجو ومقابله الاصحاب ماعدا فترة الضغط على الاعصاب اثناء الشيتات والامتحانات النظرى بصفه خاصه فى الوقت دا بالذات انا ببقى مش كارهه الدراسه وبس دا انا ببقى كارهه التعليم كله اما فى الاجازة فى استرخاء اكتر شويه والواحد بيبقى ادامه فرصه يفكر فى اكتر من خطه يقضى بيها اجازته سواء لمجاله زى نزول الصيدليات او ترفيه زى السفر والخروج وزيارة الاقارب وممكن يعمل حاجه متخصش مجاله بس بالنسبه ليه تبقى تجربه حلوة ومفيدة عشان كده انا بفضل الاجازة يمكن شويه لانى بخرج وبتحرك كتير زى الدراسه بس مش فى نفس المكان وبقابل اصحابى الحمد لله بس يمكن الشىء اللى بفتقده فى الدراسه هو المغامرات اللى بتحصل طول السنه الدراسيه واللى فى اخر السنه بقعد افتكرها انا وصاحباتى ونقعد نضحك عليها شكرا مرة تانيه ويعتذر جدا على الاطاله

شيكو

[mona_ ph]

انا بفضل الاجازه كفايه روقان البال والنوم براحتنا
اما الدراسه ضغط وتوتر وتعب اعصاب وكمان بكون بعيد عن اهلي(مدينه يعني)والموضوع ده بيخنقني
اما بالنسبه لاصحابي التليفونات بتقضي الغرض شويه