يوميات BoNbOoNa في الصيدلية !

[BoNbOoNa]

اللهم اشفِ مرضانا و مرضى المسلمين،، و ارحم موتانا و موتى المسلمين
اللهم امين
جزاك الله عنا كل الخير يا بنبونه

اسوبك ما شاء الله جميل
جاري القراءة في انتظار المذيد ان شاء الله

اللهم امين... جزاكم الله خيرا

اللهم اشفى مرضانا ومرضى المسلمين جميعا

الحمد لله الذى عافنى مما ابتلى به غيرى من الناس

امين يا رب
الحمد لله الذي عافانا مما ابتلي به كثيرا من خلقه و فضلنا علي كثير من خلقه تفضيلا

ازيك يا بنبونة
وحشنى موضوعك ..

حلوة اوى كل يومياتك
و يا رب الأحوال تكون احسن دلوقتى
وفى نفس الوقت مبروك و عقبالك ان شاء الله
بس انا الأول معلش يعنى

ربنا يكرمك يا نوني.... اكيد انتي الاول طبعا..انتي اختي الكبيرة برضه
------
---------------------
------

Day 16

السلام عليكم و رحمة الله و بركاته

هنتكلم عن طريقة اعطاء حقنة الانسولين .. اعتبروه " تسخين" قبل ان نتعمق في علاجات مرض السكر الموجودة في الصيدلية
--------------
بسم الله ... نبدأ
طيب...امممممممم
أولا
المقادير !!

حقنة الانسولين - زجاجة الانسولين - مناديل الكحول المطهرة (عشان التعقيم)
اول حاجة هنغسل ايدينا كويس و نفتح المناديل المعقمة عشان تبقي جاهزة للاستخدام مباشرة
***********

قبل ما نفتح علبة الانسولين ...هنلقي عليها نظرة
اذا لاقينا شكلها مش طبيعي و فيها crystals او لونها متغير متستخدمهاش
لو لاقيناها تمام توكل علي الله و كمل باقي الخطوات ..
*********
لو معاك clear insulin مش هنعمل الخطوة الجاية دي
دي خطوة خاصة بالcloudy insulin ... الفرق بينهم هنتكلم في ما بعد ان شاء الله (لاني لسه معرفش الفرق بينهم ايه بصراحة )

المطلوب انك " تقلب " الانسولين اللي جوه الازازة .... السؤال هو هتقلبه ازاي ؟؟؟؟
اوعي تمسك الازازة و اديلو رج كأنه suspension .....ممنووووووووع
ليه؟؟...لانك كده بتتسبب تكون فقاعات هواء بداخل الازازة و هيبقي صعب انك تسحب الجرعة مظبوط
"التقليب المثالي" بيكون بانك تلف الازازة بين ايديك كما بالصورة ,,,حوالي عشرين مرة الي ان يصبح الcloudy insulin متجانس تماما
***************
الخطوة الجاية... هنشيل الغطاء البلاستيك

**************************
هتلاقي فيه غطاء ثاني بس مش بلاستك..مصنوع من المطاط "Rubber " . . . مش بنشيله ولا حاجة( هييجي الدور عليه كمان شوية)
أمسح الغطاء بأحد المناديل المعقمة

*********************
********
سيب الازازة علي جنب... بس منتكونش الازازة علي حافة طاولة مثلا عشان متقعش و متتتكسرش
امسك حقنة الانسولين ... كما بالصورة

الtechnique يعتمد علي انك بتزق لفوق بالسبابة و بتشد لتحت بالابهام
عموما هي بتيجي لوحدها بالفطرة مش محتاجة شرح
شيل ايدك اليمين من علي الماوس
.
.
مشلتهاش ليه...؟؟ يلا
.
.
بص عليها و تخيل الحقنة و حاول تمثل انك بتسحب الهواء لجوة السيرنجة
لو معرفتش ركز في الصورة شوية و جرب تاني
لو معرفتش اشتري حقنة و جرب عليها
********
انا قلت ان الازازة لسه عليها الغطاء المطاطي ...
عشان كده قبل ما نسحب الانسولين لازم ندخل كمية مكافئة من الهواء عشان نعوض السحب اللي هنعمله و يفضل الضغط مظبوط جوه الازازة

دلوقتي هنفرض اننا عاوزين نسحب 53 units من الانسولين
يبقي الأول هنسحب 53 من الهواء
كل خط من الخطوط الصغيرة يمثل 2 units
فهنظبطها في النص بين خط ال52 وال54 عشان تبقي 53
***********
الحقنة هنديها مرتين... مرة للازازة !! و مرة للمريض !!

... هنمسك الحقنة من تحت .. زي القلم بالظبط
و هندخلها عامودي براحة في الغطاء المطاطي

انتبه الي موضع الابرة...لازم تكون في الجزء المطاطي لان اللي حواليه معدن و لو نزلت بسن الحقنة عليه غصب عنك ممكن السن يتكسر...
***********
*****

دخل الهواء جوه الازازة.... زوووووووت
***********
دلوقتي هنقلب الازازة و الحقنة لسه جوه (مع مراعاة ان السن كله يكون للداخل تماما عشان ميتكسرش)
خلي الناحية المواجهة لوجهك من الازازة تكون اللي مش عليها حاجة

ليه؟؟

عشان تضمن انك شايف سن الابرة تحت مستوي سطح الانسولين
**************
*****

هنبتدي نسحب الانسولين بنفس الطريقة اللي اتكلمنا عليها قبل كده
بشوييييييييييييييييييييش خالص
عشان متدخلش هواء و انت بتسحب

افرض وانت بتسحب دخلك فقاعات ... طبعا هتبقي شاغلة مساحة و بالتالي مش هتسحب الaccurate dose أللي احنا عايزينها
*************
****
بمنتهي البساطة هنرجع الانسولين جوه تاني ...

دلوقتي هنرجع نسحب تاني... بس هنسحب "بــــحنية"
براحة علي قد ما تقدر

*************************************
*************
دلوقتي احنا اتأكدنا اننا ساحبين انسولين صافي لا تتخلله اي فقاعات الحمد لله الي ان نصل بالتدريج الي 53 كما ذكرنا من قبل

****************
******
هنرجع نمسك الحقنة زي القلم تاني بس من الطرف البعيد عن السن و نضع الازازة علي الطاولة

***************************************
*********************
***
اسحب السيرنجة بشكل عامودي

يفضل الا تضع الحقنة علي الطاولة ,,, ولكن اذا اضررت لذلك تجنب ملامسة السن للطاولة ...(خلي السن في الهواء الطلق)
..........
حدد المكان اللي هتدي فيه الحقنة (هنتكلم عن الاماكن اللي ممكن ندي فيها حقن انسولين بعد كده ان شاء الله)
ناخد البطن كمثال...

اولا سمي الله ثم طهر المكان بمنديل معقم في حركة دائرية
استني دقيقة او اتنين قبل ما تدي الحقنة حتي تضمن جفاف الكحول تماما
عشان المريض ميحسش بوخز الابرة علي قدر الامكان
***************
****

بعد كده... هنمسك بطن المريض بهذا الشكل بين الابهام و باقي الاصابع و تدخل فيها الابرة
***************
*****

ابدأ بادخال الدواء شيئا فشيئا ...و بعدين عد لخمسة و ابعد ايدك عن بطنه براحة
و بعدين عد لخمسة تاني و شيل الحقنة
و ده عشان نضمن عدم تسرب الانسولين و نتأكد انه تم حقن الجرعة كلها داخل الجسم

*************
*******
***
ارجع طهر المكان تاني بالمناديل المعقمة

الحمد لله انت كده اديت الحقنة بشكل ممتاز
يبقي التطبيق العملي
بس انا بتعامل مع الحقن علي انها اسلحة و لا أجرؤ علي "شك" أحد لانه بالنسبالي كأني بضربه بسكين او حتي سيف
بس..كل عقدة وليها حل كما يقولون
والله المستعان

*******************
****
نكمل الحديث غدا ان شاء الله بعد العمل

استودعكم الله الذي لا تضيع ودائعه

سبحانك اللهم و بحمدك...أشهد ان لا اله الا انت ...أستغفرك و أتوب اليك

~تم بحمد الله~

[محمد سمير]

جميل شرحك بنبونه

[dr.noody]

مش عارفة اوصفلك مدى سعادتى بيكى
بجد استفدت وبستفيد منك كتييييييييييير
جزاكى الله خيرا ويارب يكرمك ويجعله فى ميزان حسناتك

[shimoaa]

شكرا ليكي يا بنبونه وجزاك الله كل خير
انا زيك بالظبط بالنسبه للحقن بس انا اصلا بخاف من شكلها
بس علي رايك كل عقده ولها حل المهم تكوني شجاعه وربنا هيسهلها ان شاء الله
انا مش قرات يومياتك من زمان لاني كنت مسافره بس لما رجعت اول حاجه دخلت عليها علي النت هي يومياتك لا نها وحشتني جدا
مستنيين باقي اليوميات
شكرا

[WhiteBird]

جميل كالعاده..

[A H M E D]

ربنا يحفظك يا دكتورة من كل سوووووووء

كملي وإن شاء الله متابعيييين

[ms_Belladona]

جميـــــل يا بنبونة
في انتظار حلقة بكرة ان شــاء الله

[simsimstar]

hi dr.bonboona it is a very practical tooic and so important for the future
i can see you are agreat informational
going to a pharmacy is an amusing matter but i should love it as when i knew i will be in the faculty of pharmacy
my father the great engineer insisted on going to a pharmacy
and so i went without discussion and there i met a doctor who was graduated from 6th october university
the only thing i was taught was how to arrange medicines
it is with alaphabet
at the end your information are so useful and a great thanks for you
simsimstar

[sunflower]

ربنا يحفظك ويزيدك علم ونور ويرزقك رضا والديكى

اللهم اااااااااااااااااااااااااااااامين

بس انا كنت عاوزة اسأل ع حاجه؟؟

انتى مقولتيش احنا بندى الحقنه فين ؟!!! وكمان مقولتيش احنا لما بنعد 5 قبل منسيب بطن المريض .........دا بيكون بعد مابنعطى الجرعه ؟ ولا بعد ما بندخل الابرة ؟؟

جزاكى الله عنا كل خير

[BoNbOoNa]

جميل شرحك بنبونه

شكرا يا د\ محمد ... جزاكم الله خيرا

مش عارفة اوصفلك مدى سعادتى بيكى
بجد استفدت وبستفيد منك كتييييييييييير
جزاكى الله خيرا ويارب يكرمك ويجعله فى ميزان حسناتك

اللهم امين .... جزاكي الله خيرا د\ نودي ويا رب نكون دائما عند حسن ظن حضرتك

شكرا ليكي يا بنبونه وجزاك الله كل خير
انا زيك بالظبط بالنسبه للحقن بس انا اصلا بخاف من شكلها
بس علي رايك كل عقده ولها حل المهم تكوني شجاعه وربنا هيسهلها ان شاء الله
انا مش قرات يومياتك من زمان لاني كنت مسافره بس لما رجعت اول حاجه دخلت عليها علي النت هي يومياتك لا نها وحشتني جدا
مستنيين باقي اليوميات
شكرا

ربنا يكرمك يا شيماء ... جزاكي الله كل خير

جميل كالعاده..

منوراني يا white bird ... شكرا علي المرور

ربنا يحفظك يا دكتورة من كل سوووووووء

اميييييييييييييييين يا رب

كملي وإن شاء الله متابعيييين

ان شاء الله ..شكرا علي المتابعة يا د\ A H M E D

جميـــــل يا بنبونة

في انتظار حلقة بكرة ان شــاء الله

جزاكي الله خيرا حبيبتي بيللا

at the end your information are so useful and a great thanks for you

simsimstar

thank you simsimstar ... keep up and good luck

ربنا يحفظك ويزيدك علم ونور ويرزقك رضا والديكى

اللهم اااااااااااااااااااااااااااااامين

امين امين اميييييييييييين يا رب استجب يااااااااا رب...جزاكي اله خيرا يا sunflower

بس انا كنت عاوزة اسأل ع حاجه؟؟

انتى مقولتيش احنا بندى الحقنه فين ؟!!! وكمان مقولتيش احنا لما بنعد 5 قبل منسيب بطن المريض .........دا بيكون بعد مابنعطى الجرعه ؟ ولا بعد ما بندخل الابرة ؟؟

جزاكى الله عنا كل خير

سأجيب مع كتابتي القادمة باذن الله بعد صلاة الفجر... عشان الحق انام شوية
--------------
---------
---
جزاكم الله خير الجزاء جميعا ... والله لو أعدت اشكر واحد واحد من هنا لبكره مش هيكفي....
أدعوا الله ان يحفظكم من كل سوء و ان يستخدمنا جميعا ولا يستبدلنا
نكمل بعد الفجر ان شاء الله
في أمان الله