يوميات BoNbOoNa في الصيدلية !

[Amira Said]

الموضوع أكثر من رائع بجد، انا أول مرة أقرأه و معرفتش أقوم غير لما أخلصه كله، و ان شاء الله متابعة معاكي حلقة بحلقة
ربنا يباركلك يا بنبونة و ان شاء الله كله في ميزان حسناتك

[queen]

ما شاء الله يا بنبونة
موضوع شيق وممتع واكتر من رائع واستفدت منه كتير
استمرى واحنا متابعينك
وربنا يوفقك يا رب ويجعله فى ميزان حسناتك ان شاء الله

[BoNbOoNa]

جزاكم الله خيرا dr.pharma و أميرة و queen علي مروركم الكريم
أسأل الله لي و لكم التوفيق ...

[Ramy Saad]

مش عارف أقول ايه الصراحة غير ماشاء الله تبارك الله
استخدام الصور مع الشرح شيق جدا
وصعب الواحد يشوف الحلقة ويخرج من غير ما يكملها

نسأل الله لنا ولكم التوفيق

[ms_Belladona]

لا تنسوني من صالح دعائكم

أكيــــد يا بنبونة ان شاء الله
ربنا يوفقك ويبارك فيكي ويكرمك
ويستخدمك في الخيــر دايما
انتي فعلا من أكتر الناس الي حبيتهم في الله من غير ما اشوفهم

[حموودي النمر]

I got a permanent ban on the board for being vulgar, reflecting the atmosphere where I am living

[BoNbOoNa]

مش عارف أقول ايه الصراحة غير ماشاء الله تبارك الله
استخدام الصور مع الشرح شيق جدا
وصعب الواحد يشوف الحلقة ويخرج من غير ما يكملها

نسأل الله لنا ولكم التوفيق

اللهم امين ... جزاك الله خيرا علي المتابعة يا د\ رامي

أكيــــد يا بنبونة ان شاء الله
ربنا يوفقك ويبارك فيكي ويكرمك
ويستخدمك في الخيــر دايما
انتي فعلا من أكتر الناس الي حبيتهم في الله من غير ما اشوفهم

اللهم امين...ربنا يخليكي يا bella ... احبك الذي احببتني فيه و جمعني بكي في ظل عرشه ان شاء الله

والله انا خفت ارجع ورا واشوفك عملتي ايه النهارده واكتفيت اني اقرا الردود الي في الصفحه دي الموضوع بالنسبه لي مو ناقص تعقيد

.... ربنا يهدينا و يوفقنا لما يحبه و يرضاه .... يا ريت حضرتك تلبس النضارة الفوق معنوية ....و تقلل تركيزك علي السلبية ...و تحاول تنزل الصيدلية ....
شكرا جزيلا علي متابعتك يا د\ مرسي و هحاول اشوف حل في موضوع التعقيد ده ....اللهم اغفر لنا زلاتنا ولا تؤاخذنا ان نسينا أو أخطأنا .... آمين
----------
تحياتي لكم جميعا

[BoNbOoNa]

Day 15



السلام عليكم و رحمة الله و بركاته

هتكلم النهاردة علي حاجات خفيفة خالص ... مجرد ملاحظات بسيطة جدا و لكنها مهمة جدا جدا
أسأل الله ان يرزقنا و اياكم القبول و يجعل سعينا خالصا لوجهه الكريم
----------------------------


Hint 1

المضادات الحيوية موجودة في شكل حقن ؟?
ايوة
أقراص و كبسولات ؟؟....طبعا
مراهم و كريمات؟؟ ... اكيييييييد
ادوية شرب؟؟.... صح
لبوس.... لأ
سمعت بس ان كان فيه chloramphenicol supp زمان بس معدش بينزل تقريبا
*********************

Hint 2

ادوية الشرب موجودة في مكانين
جزء خاص بالمضادات الحيوية فقط
و جزء خاص بأدوية الشرب الاخري
----
لما تجيلك روشتة أو أثناء ترتيب الأدوية
هتروح انهي جزء عشان تجيب او تعين الدواء؟؟
اذا كان الدواء عليه تركيز ... غالبا بيبقي مضاد حيوي فالأولي نروح لقسم المضادات الأول
*******************

Hint 3
الفوار نوعين ....

1-فوار الحموضة .. و ده لما حد بيطلبه بيقولك عاوز فوار \ فوار حموضة \ بيقول اسم الفوار
اشهر مثالين فوار راني بــ75 قرشا و فوار فواكه بـ25 قرشا

2- فوار الاملاح و ده بيغير الph بتاعة الurine لاسباب معينة انا معرفهاش ... بس أعتقد عشان يدوب الاملاح و متتكونش crystals منها فيمنع تكون حصوات ... والله اعلم يعني
اشهر مثال هو الـEPIMAG و كمان فيه الـ Urosolvin

**********************

Hint 4
المعلومة الجاية دي مهمة
العلب اللي علي الرفوف سواء كانت امبولات او كبسولات او اقراص او لبوس .... بنعمل لها حركة كده
عشان نعرف العلبة كاملة ولا متاخد منها شريط
اللي بنعمله هو اننا " بنطلع أذن واحدة من العلبة بره و نقفلها علي كده "
----------

دي علبة الشهيرة الملقبة بالكيتوفان..بطل حلقتنا انهاردة
لو شفت العلبة كده تبقي كاملة ... لو واحد طلب علبة هتاخد دي و تديها له و انت مطمن و تحط في بطنك بطيخة صيفي زي ما بيقولوا !!
******
**
اما بقي لو لقيتها كده ...

يبقي العلبة دي متباع منها و مش كاملة ... لو واحد عاوز شريط بس ..بنديله منها ....انما لو كان عاوز علبة .. مينفعش نديهاله لانها مش كاملة
---------

اذن لما تدي لواحد شريط من علبة كاملة ... هتطلع أذن العلبة بره عشان تبقي عارف انها اتّاخد منها
---------
صورة كمان للتوضيح للرف اللي فوق الكيتوفان

************************************
***************
***
الshower gel ده بيقولوا ان فيه حبيبات vitamen E
معرفش بقي ده " fantasia " ولا بجد...

و نفس الحكاية في الجل كمان

****************************
***********
***
اكتفي بهذا القدر من الملحوظات
_____


انا خايفة تكونوا تهتوا مني.....
الموضوع يا جماعة ابسط كتير مما انتم متخيلين
بس احنا اللي بنكبر العقبات اللي بتقابلنا ...

غالبا السبب في استصعاب التدريب بيكون نابع من جوانا احنا ...
طبعا تدريب اللي درس pharmacology و medicinal يفرق عن اللي لسه في أول سنة زيي كده
ارمي الكلام ده علي جنب دلوقتي....و ابدأ صفحة جديدة خالص
مش هقول من الصفر.... لأ ....هقول من "الأول" و علي أساس كويس
براحة كده .... و مننساش كلمة التدريج

انت كل يوم بتتعلم معلومة بسيطة ..
و بمرور الوقت بتتراكم المعلومات البسيطة دي و تكون الخبرة التي ترنو اليها
...............
انا عاوزاكم كلكم تاخدوا الخطوة و تنووا انكم تنزلوا ان شاء الله ...
و الحاجات اللي تقف في ايدنا و عايزين نستفسر عنها نجمعها و في آخر اليوم نسأل الصيدلي ..

لو مقدرتش ...يبقي نكتبها هنا ...و نحاول ندور علي الحلول بهدوء ...
و اخواتنا الكبار ربنا يكرمهم مش مقصرين في حاجة ..
و رجاءً
اللي شايف اني في جزء معين مغطتوش بشكل كويس او موضحتوش يا ريت يقول لي ,,,
لأني حاسة ان في حاجة ناقصة و مش عارفة هي ايه ؟؟!!؟

-=-=-=-=-=-=-=-=-=-=-=-=-=-=-=-=-=-=-
.:: ختاما ::.

يا شباب ،,, عمركم عزيـــز .... و مفيش في هذه الدنيا أعز من الإسلام نهديه هذا العمر


لا تنسوني من صالح دعائكم


سبحانك اللهم و بحمدك...أشهد ان لا اله الا انت ...أستغفرك و أتوب اليك




~تم بحمد الله~

[toqaa]

نحن في غاية الشوق يا بونبونة.جزاكم الله خيرا ونفعنا واياك بهذه المعلومات القيمة

[Dr/Asmaa]

مستنياكى ومتبعاكى يابنبونة بارك الله فيكى