يوميات BoNbOoNa في الصيدلية !

[MoCo 3001]

ما شاء الله عليكي يا بنبونة

دايماً مجتهدة حتي في الأجازة

ان شاء الله هحاول انزل الصيدلية تاني

كل يوم قاعد مع الصيدلي بس بره الصيدلية

بس هاخش قريب

لما اخواتي يخلصوا بس

أصل أنا شغال بودي جارد عليهم دلوقتي

علي كتابك يابني وعلي كتابك يابنتي

ههههههههههههه

ربنا معاكي يا بنبونة

وشكراً ليك يا دكتور أحمد علي التوضيح

أنا عملتله كوبي

وربنا يوفقكم كلكم

سلام

[BoNbOoNa]

جزاكم الله كل خير يا أخوتي

ما شاء الله عليكي يا بنبونة

دايماً مجتهدة حتي في الأجازة

ان شاء الله هحاول انزل الصيدلية تاني

كل يوم قاعد مع الصيدلي بس بره الصيدلية... (كويس ..فيه تقدم برده )

بس هاخش قريب

لما اخواتي يخلصوا بس

من بعض من عندكم يا MoCo ...
ربنا معاهم و معانا كلنا ...انا كمان اختي في 3 ثانوي ..ادعيلها الفيزياء يوم الخميس ان شاء الله

أصل أنا شغال بودي جارد عليهم دلوقتي

علي كتابك يابني وعلي كتابك يابنتي

ههههههههههههه

انا كمان بعمل كده ...بس باخد في سناني علي طول

ربنا معاكي يا بنبونة

اللهم آمين
---------------------

الله عليكى

تحففففففففة

كملى كملى ..
و كلمينا عن التعامل مع الناس كمان

ميرسى خالص

منوراني يا نوني ... هتكلم انهاردة باذن الله متقلقيش خالص

---

شكر خاص لد\ أحمد شبند
جزاكم الله خيرا لإثرائك الموضوع بهذه المعلومات القيمة
انا كمان عملت copy و حفظته عندي
والحمد لله فهمت معظم الكلام
و باذن الله يكون في ميزان حسنات حضرتك
--------------------------------
--------
شكرا علي تشريفكم صفحتي المتواضعة جميعا
أحبكم في الله

[حنين الأمس]

ما شاء الله عليكي يا بنبونا
جزاااااااااااك الله ألف خير وحفظك
تابعيييييييي

وبارك الله فيك يا د/أحمد شبند
أنا عملت كوبي
وفهمت شوية
جزاك الله ألف خير

[Asmoaa]

ماشاء الله طريقة عرضك جميلة جدا.........وبجد انا استفدت جااااااااااامد بليز كملى بس انصحك سميها( يوميات بنبونة فى الصيدلية) احسن..........تسلمى يا قمر

[BoNbOoNa]

ما شاء الله عليكي يا بنبونا
جزاااااااااااك الله ألف خير وحفظك
تابعيييييييي

أهلا بأغلي صديقة ... دعواتك و باذن الله نكممممممل

ماشاء الله طريقة عرضك جميلة جدا.........وبجد انا استفدت جااااااااااامد بليز كملى بس انصحك سميها( يوميات بنبونة فى الصيدلية) احسن..........تسلمى يا قمر

جزاكم الله كل خير ... تم تعديل العنوان بناء علي رغبة المشاهدين
شكرا علي الاطراء ...افضل و اسهل طريق لقلوب الناس هو ان تتكلم بتلقائية و من القلب
------------
اعتذر عن تأخري نظرا لان المنتدي كان خارج نطاق الخدمة بالأمس

[BoNbOoNa]

... Day 5

قبل ما اتكلم عن الروشتات
في شوية حاجات استفدتها حبيت اقولكم عليها
احيانا... وليس دائما ... ممكن تعرف الدواء ده بيتكون من ايه و فايدته ايه بمجرد انك تقرأ اسمه
!! ازاي يعني؟؟
بصوا و احكموا انتم

دول " مكملات غذائية " ... يعني للي مش بيتغذي كويس ..غالبا توصف في حالات سوء التغذية و الانيميا
زي ما انتم شايفين كلهم بيبدأوا بالمقطع Ferro
اذن هما اكيد في الاصل لعلاج نقص الحديد و فعلا ده صح
شطارتنا بقي اننا نخمن الجزء التاني معناه ايه
يا ريت تطلع فوق و تفكر شوية.. و بعدين اقرأ الاجابة
اممممممممممم
خلاويص ؟؟؟
.
.
.

Answer
1- FerroCAL = calcium >>>فيه نسبة عالية من الـCalcium و بتكون في صورة CaCO3
2- لتقوية الدم Ferro-6 = 6 materials mixed together >>> و هم : Iorn - vitamin C - Copper - Folic cid - vitamin B12 - Manganese
(عدّهم هتلاقيهم ستة........يا سبحان الله )
3-"FerroZinc-c" >>ده بيشمل حاجتين بنسبة كبيرة الي جانب الحديد و هما الZinc و Vitamin C اللي بنسميه Ascorbic acid زي ما درسنا
4-FerroFOL >> ده فيه Folic acid بنسبة كبيرة
_________

vitamens <==== Eye Vit مفيدة لتقوية النظر
_______________
___

.:: حاجة تانية بقي ::.
اثناء ترتيب الادوية انهاردة شفت "بالصدفة" الـــEnema
(Enema = حقنة شرجية)
و سبحان الله شكلها غير ما كنت متخيلاه خاااااالص
"تأملوها و تغزلوا فيها" ...زي ما د\هاني بيقول علي شرايح الهستولوجي

تستخدم لتفريغ الbowel قبل العمليات و الاشعة و ممكن لعلاج الـ constipation
و يعرف هذا النوع بــevacuation Enema أي enema التفريغ
فيه نوع تاني اللي هو Retension enema اللي بنحتاج انها تفضل في الجسم فترة و ليها خواص علاجية باختلاف الدواء اللي فيها ..بس دي مش في الصيدلية .. بتكون موجودة في المستشفيات و تتعلق بطرق خاصة زي المحاليل كده..
-----------

فيه اقراص مشهورة اوي و بتتطلب كتير اسمها Cataflam
دي بتستخدم كــ مسكن و مضاد للالتهاب
(Analgesic and Anti inflammatory)
اللي علي يمينك في الصورة اسمه Catafast
ده نفس الCataflam بالظبط و نفس المواد و التركيز برده 50 mg
لكن معمول في صورة حبيبات بندوبها في مية و ناخدها ..بتكون اسرع في المفعول
لانها بتنتشر مباشرة مش محتاجة يحصلها disintegration ولا deaggregation زي الCataflam tablets
عشان كده لما واحد ييجي يقولك انا عاوز كيس cataflastمتستغربش...
_________

دي صورة للsoft gelatin capsules
اعتقد واضح فيها ان جواها سائل و لما تمسكها هتلاقيها بتضغط في ايدك زي الjelly cola بالظبط
احيانا بتتكتب باختصار كده ( S.G.capsule)
------------------
كده انا خلصت الجزئية دي... الحمد لله
-------------
----
نيجي بقي للروشتات... وما ادراك ما الروشتات .. و ما أروع خطوط الدكاترة .. و الحول الحول يا صديقي

قراءة الروشته اللي غالبا بتتكتب بالعبري بدل العربي
مشكلتها ان الدكتور بيكتب اول 3 حروف و لو كريم اوي ممكن يوضح اخر حرف... و اقرأ بقي يا حلو !

عشان كده ممكن نقول ان قراءة الروشتة اللي مش ولابد تعتبر " فن " لا بد من اتقانه ....
ازاي؟؟
1-من اهم الحاجات ان اسم الدواء يكون عدي عليك قبل كده
مهم جدا جدا جدااا و انا حتي الان معظم الاسامي اللي شفتها و جت روشتات عرفت اقرأها اما لو مشفتش الاسم قبل كده صعب اوي
عارفين زي ايه ؟
لو قلتلك
تفــــــ~ـــــا ــة
هتحس انها تفــاحة
برتــــ~ـــالة
هتحس انها ... برتقالة
لان عقلك بيقدر يصورلك الحروف الناقصة من خبرتك السابقة بالفواكه
2-شوف اسم الدكتور...اغلب الروشتات بتكون من العيادات اللي جنب الصيدلية و دكاترتها انت بتكون عارفهم
د\ اشرف بتاع الاطفال
و د\ عادل بتاع العيون
و د\محمد بتاع الاسنان
مثلا يعني ..
فلو شكيت بين كذا دواء ..الاحتمال الاكبر بيكون للي بيخدم التخصص بتاع الطبيب .. دي مش قاعدة لكن غالبا يعني...
مش هتصدقوني لو قلت مرة روشتة طبيب اسنان لاقيت مكتوب فيها دواء للمغص
ولما سألت أ\"صاحب الروشتة"... قال انه اشتكي للدكتور ان بطنه بتوجعه فكتبله الدواء ده
3- لو شكيت بين دوائين ممكن تعرف الدوا الصح بالاستبعاد ..
مثلا لو مكتوب انه دواء شرب :syrup ممكن واحد بس من اللي انت شاكك فيهم يكون كده
نفس الكلام بالنسبة للتركيز و للdoasge form نفسها ..هل هو لبوس ولا مرهم ولا قطرة ..النقطة دي بتفيدك في بعض الحاجات بس مش كلها لان شركات كتير بتنتج الدواء بـdosage forms مختلفة

4- بعض الادوية ممكن تتعرف من خلال طريقة الاستخدام اللي الدكتور كاتبها .. لكن ده محتاج خبرة شوية عشان يتلاحظ و انا حسيت بالحكاية دي من مدرباتي لكن طبعا انا معنديش الخبرة دي بتاتا ...
_______
بس عشان محدش يتشائم
احيانا ... بتيجي روشتات خطها بس الله ما شاء الله جميل جدا و كل الحروف واضحة وضوح الشمس ...حتي لو دواء مشتفوش قبل كده سهل انك تتعرف عليه
و فـــــــــــــي بقي
روشتات مكتوبة بالكومبيوتر...تحفة طبعا و ربنا يكتر من امثالها ..قولوا آميييين
للأسف هي واحدة يتيمة بس اللي شفتها بالكومبيوتر...لكن الامل في ربنا كبير ..
___
ده بالنسبة للروشتات ... في ناس تانية (تمثل نسبة 40-30 % في بعض الايام و 60% اياما اخري) مش بيكون معاها روشتات
و دي هنقسمها ل4 أنواع
____الأول____
ناس بيكون معاها علبة قديمة للدواء اللي هما عاوزينه
____الثاني___
ناس بيكون معاهم ampoule أو شريط للدواء اللي هما عايزينه
بنعمل ايه؟؟
بنبص علي ظهر الشريط بنلاقي اسم الدواء مكتوب عليه
لو أمبول نقرأ اسم الدوا من عليه
____الثالث____
ناس بتكون معاها اسم الدواء مكتوب في ورقة او نوتة مش روشتة
غالبا الخط بيكون واضح و سهل انك تقرأه باذن الله
_____الرابع_____

ناس بتقولك اسم الدواء "شفاهيةً "
غالبا بتحتاج انك تكون عارف الدواء قبل كده
و الا هتعد تقول: هـــــــا ؟؟ نعم ؟؟ ايه؟ افندم ؟؟!!
و ساعات بيكون العيب مش منك و بيكون المريض هو اللي مش عارف ينطق اسم الدواء صح !!...و ده بيحصل غالبا لما يكون اللي جايلك ولد او بنت صغيرين و ساعات بنضطر نرجعه البيت تاني يتأكد من الاسم او يجيبه مكتوب في ورقة
-------------------------------------
--------------
طيب... لو حد بقي جالك و كان عاوز يرجع دواء مش يشتري...
قاعدة اساسية قبل اي حاجة :
"أدوية التلاجة مبرتجعش"
..مهما كان السبب ..لو حتي لسه متباعة من 5 دقائق طالما خرج برة الصيدلية خلاص No Way انها ترجع
أدوية التلاجة مبترجعش...احفظ الجملة دي لانك هتستخدمها كتير
طيب ليه مبترجعش؟؟ ما احنا لازم نفهم برده !
ايه هي أدوية التلاجة الاول؟؟
حتي الان انا اعرف : الهرمونات .. اشهر حاجة الانسولين طبعا
والhuman albumin بياخدوه مرضي الكبد ..عافانا الله و إياكم
---------
المشكلة بقي ان الحاجات دي لازم تتحفظ جوه التلاجة لان الحرارة بتبوظها و انت مش ضامن ان الدواء تم التعامل معاه بشكل صحيح بعد بيعه ...فنظرا لحساسية الدواء الفائقة ..الدواء بيجي الصيدلية في تلاجة و يتحط في تلاجة الصيدلية و يخرج بعد كده مع المريض بلا عودة

لو الدواء مش بيتحفظ في التلاجة ..
ممكن تسمح برجوع الدواء خلال يوم او يومين
لان ممكن المريض يكتشف مثلا ان لسه عنده زيه في البيت
او يكشف عند طبيب تاني فيوصفله دوا مختلف فيبدل القديم بالجديد
لو كان عميل او شخص معرفة يعني احيانا بيُسمح بــ 4-5 ايام طالما انك واثق من الشخص ده
-----
اذا الدواء مكنش اتلمس و متاخدش منه حاجة ...بنستبدله بالدواء التاني و بنحسب الفرق بين الدوائين سواء بالزيادة او النقصان
و علي هذا الاساس يتحدد اذا كنت هتدي للمريض فلوس ولا هو هيدفعلك الزيادة
-----
لو المريض كان واخد قرص مثلا من احد شرايط العلبة
بيتحمل ثمن الشريط و بياخده معاه و بعدين نعمل نفس العملية الحسابية بس بنـكنسل الشريط ده
------

المرة الجاية ان شاء الله هتبقي في صورة "مواقف"
هتكلم فيها عن ما استفدته من صرف الروشتات
و الاخطاء اللي كنت بقع فيها و اتعلمت منها ايه
______

سامحوني علي الاطالة....ولكن كان لا بد منها

~تم بحمد الله~

[dr.noody]

جزاكى الله خيرا يا دكتورة
وربنا يجعله ف ميزان حسناتك

[BoNbOoNa]

جزاكى الله خيرا يا دكتورة
وربنا يجعله ف ميزان حسناتك

و اياكم يا د\ نودي
جزاك الله خيرا علي المرور ...

[حنين الأمس]

هيه دي بنبونتي حبيبتي
تابعيييييييييييي

[pharmacistina]

أولا أشكرك ع الموضوع الممتاز ..
ثانيا .. ماشاء الله لا قوة الا بالله ..
ربنا يبارك فيكي يا رب .. و الى الأمام دائما ..
واصلي بنفس العزيمة يا بنبون
وبجد موضوعك مفيد و رائع ..
اتعلمي من الصيدلية قد ما تقدري ..
و أتمنى ان كلنا نكون كدة عشان نقوم بدورنا صح وربنا يرضى عننا جميعا .. آمين ..

قبل ان ابدأ اليوم الرابع..اللي هو كان انهاردة في الحقيقة
في سؤال جه علي بالي...انا قلت ان الــ Hydroxocobalamin بيستخدم كــAntidote للpoisoning wtih cyanide
المشكلة ان الحقن دي IM ...ازاي واحد عنده تسمم نديله علاج IM المفروض يكون IV زي الEDTA مثلا ..؟!!

في حالات تسمم الشخص بالـ Cyanide و في حالات أخرى من التسمم بيحاولوا يلحقوا المريض بحاجة تدي مفعول سريع , و بعدين يعطوه حاجة لتمام الشفاء ..

فعلا زي ما انتي قلتي الـ I.M هتاخد وقت يكون المريض مات من التسمم و شبع موت ..

فبيعطوا حاجة اسمها Amyl nitrate .. دي حاجة زي الأمبول بتتكسر و المريض يحبس نفسه و يستنشق منها كام نفس شديد ..
الدواء دة استخدامه الرئيسي أصلا هو الـ Angina pectories الذبحة الصدرية .. بس برده يستخدم لانقاذ مريض الـ cyanide poisoning ..

انتي بتقولي I.V عشان المفعول السريع ..

أهو الـ Amyl nitrate عن طريق الاستنشاق بيعطي مفعوله في خلال 30 ثانية .. أسرع كمان م الـ I.V يمكن ,,

غير ان الـ EDTA عشان تعطيها I.V عايزة حد متخصص جداااااا جدااااااا .. لأن الـ EDtA احنا عارفين انها بتعمل chelation كمان للكالسيوم و للحديد اللي في الدم .. ممكن أوي الجرعة الزيادة عن المفروض ياخده المريض تخليه يموت فورا ..

EDTA is administered directly into the blood veins and must be administered in a medical office

لازم تعطى في مستشفى و اللي يعطيها متخصص عشان يحدد الجرعة حسب السن و حالة التسمم ..
و انتي في حالة التسمم يا تلحقي يا ماتلحقيش .. صح ؟؟

يبقى نعطي Amyl nitrate inhalant for first control of cyanide poisoning

وبعديها على طول الـ Hydroxocobalamin .. حقنة I.M زي ما قلتي .. بتعمل slow release و تخلص الجسم من الـ cyanide لأنها بتكونلك Cyanocobalamine و دة فيتامين مش حاجة وحشة ..
تحياتي ليكي .