يوميات BoNbOoNa في الصيدلية !

[BoNbOoNa]

بما ان في ناس مش هتنزل الصيدلية السنة دي
قررت اعمل الموضوع ده اتكلم فيه عن اللي بتعلمه في الصيدلية
لعل احدا يستفيد
و الموضوع متجدد باذن الله
و ارحب بأي حد يحب يشارك بنصيحة ..بموقف .. بتعليق .. اي حاجة ....بشرط ألا تخرج عن نطاق الموضوع

انتظرونا قريبا باذن الله
تحياتي

فهرس اليوميـــات
- - - - - - - -
1st Week
Day1 - Day2 - Day3 - Day 4 - Day 5 - Day 6 - Friday
=-=-=-=-=-=-=
2nd Week
Day7 - Day8 - Day9 - Day10 - Day11 - Day12 - Friday
=-=-=-=-=-=-=
3rd Week
Day13 & Day14 - Day15 part1 - Day 15 part 2 - Day16 - Day17 - Day18
=-=-=-=-=-=-=
4th Week
Day19 - Day20 - Day21 - Day22 - Day23 - Day24 - Day 25
=-=-=-=-=-=-=
5th Week
Day26 - Day27 - Day28 - Day29(QUIZ) - Day30

[الشربيني الوادع]

أشكرك يا بنبونة على مجهودك اللي بتعمليه في المنتدى ده وحاسس أن لك مستقبل في الصيدليه إن شاء الله بما أنك في كليه الصيدله الأكلينيكية جامعه المنصورة الأكلينيكية

وشكرااااااااااااااا وفقك الله وسدد خطاك ورفع درجتك في جنات النعيم اااااااااااااااااااا

[MoCo 3001]

مستنيينك يا بنبونة

أنا لسه معتبتهاش من ساعة الربع ساعة

بس يمكن أدخل قريب

ادعوولي

[BoNbOoNa]

جزاكم الله خيرا د\شربيني و MoCo
----------------
---
اول يوم في الصيدلية

ارجع معايا لورا شوية ...فاكرين اول يوم في الكلية كنا منبهرين بهذا الكم الهائل من البشر.. انا كنت حاسة بنفس الاحساس بالظبط بس منبهرة بالكم الهائل من الادوية
******
اولا اتعرفت علي البنات اللي واقفين...و اعدت اتكلم معاهم ما يقرب النصف ساعة
بمرور الوقت الخجل بيقل و مش بيبقي في حاجز بينك و بين مدربيك و هيبقوا اصحابك اوي

بعد كده ,
واحدة منهم اعدت تفرجني علي اماكن الادوية في الرفوف
الtablets واخدة اكبر مساحة تقريبا كده الثلث
شفت اماكن الامبولات و الvials
والsuppositories
والdrops
كل حاجة مترتبة ابجدي
A , B , C ....
___

بعد كده سابوني لوحدي اعيش حياتي !
رحت عند الtablets
كنت بحاول اعرف الحيز الي كل حرف شاغله
و محاولتش أقرأ غير اسم اخر دوا في كل حرف
فضلت الف زي النحلة علي ال6 ضرف و اجيبهم من الاول للاخر و من الاخر للأول
لغاية ما الحمد لله ثبت المكان الي حد ما
الكلام ده استغرق حوال 3-4 ساعات
********

بعد كده جه ميعاد "رص " الادوية
النواقص بتجيلك من المخزن و حضرتك بترتبها و تحطها مع الادوية اخواتها
ازي بقي؟
FOR EXAMPLE
اقراص Azomycin
تروح عند مكان الtablets عند حرف الA
الاسم : A بعدها z اذن توقع انه هيكون في اخر الA
و هو فعلا عندنا اخر واحد في الA
تاخد علبة من اللي already موجودين علي الرف و تقارين تاريخها بتاريخ العلب اللي معاك
بحيث ان العلب اللي هتتحط لجوه تكون اللي تاريخها ابعد (2011 مثلا) واللي ع الوش تكون الاقرب (2010)
و علي هذا الاساس لما بتطلع الدواء للمريض مش محتاج تشوف تواريخ ولا حاجة بتاخد اللي في الاول

اعدت بعد كده اراقبهم من بعيد و هما بيبيعوا الادوية و انتهي اليوم الاول...

~تم بحمد الله~

[BoNbOoNa]

Day 2

بعد يومك الاول في الصيدلية ستشعر بتغير ملحوظ و تحسن في مستواك ....... ولكن طبعا ليس بالقدر الكافي الا انه لا يزال تغيرا جيدا... الحمد لله
بدأت هذا اليوم بمراجعة ما قد تعلمته بأن افرق بين اماكن الادوية المختلفة (tablets , ampoules & vials , syrup , creams , suppositories , ..)
بعد كده راجعت اماكن الtablets النسبية كما ذكرت من قبل
و بعدين عملت نفس الحكاية مع باقي الdosage forms
******
نيجي للجزء المشوق !!
شفت الNarcotic drugs
مهم جدا تبقي عارف اساميهم
:: Examples ::
----
Calmepam
Valpam
ثلاثة يبدأوا بــ Tra
(Tramal , Tramadol , Tramax)
----------------
طبعا زي ما درسنا ممنوووع يطلعوا بدون روشتة
و لو واحد شكيت فيه او حسيت ان روشتته مضروبة تكلمه بمنتهي اللباقة و تقوله الصنف ده ناقص حاليا او مش متوفر
حذاري تتعامل باسلوب يخالطه هجوم او اتهام او صرامة معاه والا ..انا الله و انا اليه راجعون !!
*******
كمان شفت المية ...عندك 3 انواع

1- sterile water for injection 5ml
2- sterile water for injection 2ml
3-water لعمل الـsuspension زي الـantibiotics (ممنوع تتحقن طبعا)
***********
بعد كده ميعاد " الرص" و اكتشفت بعد كده ان ده بيحصل كل يوم !
مهم جدا انك ترتب الدواء بايدك ..لان بمرور الوقت بتبقي الادوية familiar معاك اكتر
بدأت أقرأ الروشتات ...أو بمعنى أصح "أحاول" أقرأها ... مرة في مرة هتقدر تقرأ الادوية خصوصا اللي عدت عليك قبل كده سواء اثناء ترتيب الدوا في الصيدلية او من خلال دراستنا زي الatropine مثلا ..هتقدر تقرأه ان شاء الله
و بكده انتهي اليوم التاني

~تم بحمد الله~

[BoNbOoNa]

Day 3

الجديد في هذا اليوم هو ان احدي مدرباتي احضرت ورقة و كتبت فيها جميع الادوية اللي فيها مادة الAmoxycillin (مضاد حيوي) و طلبت مني ابحث عنهم
كان اهمهم : Augmentin - E.moxclav - Flumox - Flucamox
بعد كده ..طلبت منها تكتبلي مجموعة ادوية مشهورة و بتتطلب كتير ...
الحكاية دي فادتني اوي .. و بحاول اكررها كل يوم
ولما دواء يلفت نظري لاي سبب كان بفتح الـpamphlet بتاعته و أقرأ عنه شوية
---------
هقولكم اكتر مثال ثبت معايا .. ويا رب متزهقوش مني
3 أدوية عبارة عن فيتامين B12
Depovit = Depofort = Depolux
كلهم مكتوب ان فيهم 1000 mcg
(Hint : mcg means Micro grams)
اوووووووك
vitamen B12 موجود في صورة اكثر مركب ثابت ليه
..اسم المركب غريب حبتين بس هقوله و أمري لله
Hydroxocobalamin
دي عبارة عن أمبولات IM و بالتالي بتدي prolonged effect and continous supply of vitamen B12
مميزات الحقنة دي انها مش بتحرق no irritation و مش بتوجع painless...هما اللي كاتبين كده انا مليش دعوة !!
يمكنك الاطلاع علي الفوائد من هنــــا
هكتفي بذكر اكتر فائدة شدتني و هي انها
Antidote لحلات التسمم بالcyanide الناتج من عوادم السيارات او من الـNa.Nitroprusside ( يا تري فاكرينه )
----------------
حاجة تانية حبيت اقولها ... tablets كتير من اللي شفتها بتبدأ بـNeuro كانت عبارة عن فيتامين B1 B6 B12 و احيانا معاهم Folic acid
::Examples ::

Neuroton

Neurorubuine
و كمان
Neurovit
و
Neurobion
-------
باقي اليوم كالعادة ارتب ادوية الطلبيات... مش هذكر الموضوع ده تاني خلاص لانه بيحصل كل يوم
و كنت بحاول برده أقرأ الروشتات...اعترف اني بحس بشوية احباط لكن ... ادها و ادود ان شاء الله..وربنا يكرمنا
هذا بالنسبة لليوم الثالث

~تم بحمد الله~

[lovely princess]

مبروك يا بونبونه ...
و عقبالنا اما ننزل الصيدلية ...لو كان لينا نصيب يعني

و ربنا يوفقك

[BoNbOoNa]

قبل ان ابدأ اليوم الرابع..اللي هو كان انهاردة في الحقيقة
في سؤال جه علي بالي...انا قلت ان الــ Hydroxocobalamin بيستخدم كــAntidote للpoisoning wtih cyanide
المشكلة ان الحقن دي IM ...ازاي واحد عنده تسمم نديله علاج IM المفروض يكون IV زي الEDTA مثلا ..؟!!
كان فيه دواء ..مش فاكرة اسمه بس اعتقد concor ..بيشتغل علي حاجة اسمها beta blocker .. مكتوب ان لو الدواء مداش نتيجة بالجرعة المحددة غير الدواء و متزودش الجرعة بس مش مكتوب ليه ؟؟! .......ماعلينا ....

--------------------
----
Day 4 ...Today

انهاردة شفت الsoft gelatin capsules

شكلها عسول اوي

:: Examples ::

Be active : Nutrition Supplement
**********

Colomint : antispasmodic +carminative = antiflatulent
**************
شوية ملاحظات ع السريع كده
****
اشهر contraindication
(موانع الاستعمال)
hypersensitivity لاحد الcontents بتاعة الدواء

*******

اشهر side effects
Dizziness - headache - Nausea

*******

فيه نوع special من الtablets اسمه effervescence tablet
ده شبه الفوار ...مفعوله أسرع من الtablets العادية و الside effects اقل..

***********

الanti Histaminics نوعين

نوع بسبب النعاس = sedating مثال الــ Delarex
و نوع لايسبب النعاس = non sedating مثال الـ Decongess-L

***********

تأثير ال coated tablet بيكون ع الـ intestine مش الـ stomach

******
الantioxiadants بتحتوي فعلا علي نسبة كبيرة من فيتامين سي = ascorbic acid
بالاضافة الي فيتامين A , E
زي مثلا الــ Antox

__________________

بقية اليوم ركزت ع الروشتات و التعامل مع الناس
انتهي عملي هذا اليوم
في أمان الله

~تم بحمد الله~

-----

مبروك يا بونبونه ...
و عقبالنا اما ننزل الصيدلية ...لو كان لينا نصيب يعني

و ربنا يوفقك

ربنا يخليكي يا برنسس ... بالتوفيق ليكي انتي كمان ان شاء الله

[NonY]

الله عليكى

تحففففففففة

كملى كملى ..
و كلمينا عن التعامل مع الناس كمان

ميرسى خالص

[احمد شبند]

السلام عليكم ورحمة الله وبركاته

انا شايف ان الموضوع ده اكتر من رائع وان شاء الله هتستفيدو منه

بالنسبة للconcor

دا دواء لعلاج الضغط بيشتغل عن طريق قفل ريسيبتورز اسمها beta

البيتا تو دى عبارة عن مستقبلات موجودة فى الاوعية الدموية والقلب والمخ
وال

لما بقفلها بيحصل الاتى .........
1- بقغل بيتا واحد فى القلب فيقل cardiac out flow
2- بقفل بيتا اتنين فى المخ فقلل sympathatic out flow

وبالتالى بقلل الضغط

طب ايه الى يحصل لو زودت الجرعة شوف بقى .........

الراجل يا عينى بدل ما كنت هنزلو الضغط ضغطه هيعلى جدا مش بس كدا شوية والشعيرات الدموية الى فى المخ تفرقع وينزف ويموووووووووووووووووووت


طب ازاى مش هى بتققلل الضغط ازاى تزودواااااااااا..........

ركز معايا كويس

بص يا سيدى فى حاجة اسمهى بيتا اتنين موجودة بكثرة فى الا ورطى وبكمية قليلة فى الاوعية الدموية الطرفية

ولما بعملها استميولاشن بتؤدى الى اتساع الوعاء الدموى وده سبحان الله شئ جميل جدا ربنا خلقو علشان سعتك لما تكون بتجرى بتحتاج ان الدم يجرى بسرعة كبيرة علشان يوصل اكسوجين كتير للعضلات
واثناء الجرى الى بيشتغل جهاز اسمو الثمبثاوى وده بيعمل استميولاشن للبيتا 2

فيؤدى لتساع الاورطى قيخرج دم كتير من القلب وفى نفس الوقت كميتها قليلة جدا فى الاوعية الطرفية فتاثير الجهاز ابثمبثاوى عليها هيكون ضعيف فنضمن ان الاوعية تفضل ضيقة ويفضل الضغط عالى ويفضل الدم يوصل بسرعة للعضلات فسيتك تعرف تجرى....


لو انت بقى زودت الجرعة بتاع البيتا بلوكار اخخخخخخخ

هتاثر بشدة على البيتا 2 الى فى الاطراف فمش هيقدر الجهاز الثمبثاوى يعملها استميولاشن ( فتضيق ) فيزيد الضغط اكتر

وبرده فى الاورطى هيضيق فيزيد الضغط فالراجل يتكل على الله ويموت


يا رب اكون قدرت اكون وصلتلكم حاجة


والله دى بجد مش غرور

بس الى انا شرحته ده فى ناس كتير فى بتخرج من كلية الصيدلية من غير ما تعرفوه

وبجد لو مفهمتش حاجة اعمله كوبى ولما تخش تالتة ان شاء الله ابقى اقراه وهتعرف معناه كويس جدا

وبتوفيق لكم جميعا ان شاء الله

-----

بالنسبة للANTOX

الفايتامينات الى ذكرت فعلا كلها مهمة جدا علشان تشتغل كANTI-OX

بس فى حاجة تانية مهمة جدا وهو عنصر SELENIUM

وهو مهم جدا بل اهم حاجة فى الدوا وده يعتبر احدث اكتشاف للانتى اوكسيدانت لانه بيشتغل مباشرة

ولانه كميته محدودة جدا فى الجسم

لكن باقى الافيتامينات موجودة تاريبا فى معظم الاكل ومن احسن الاكلات الى موجودة دلوقتى واحنا فى الصيف وانصح الجميع باكلها هو العنب بس العنب الاحمر الكبير ده ملييييييييييييييييان انتى اوكسيدانت وطبعا الانتى اكسيدانت مهمة جدا لينا جميعا علشان ربنا يحفظنا جميعا ومحدش يجله CANCER فى المستقبل ان شاء الله