ده كلامي

[Dr. Sahar]

مش هندم يوم علي القدر
ولا هبكي علي واحد غدر
علقني بقلبه ورحل
وفي ليله وفي عز المطر
قالهالي من غير خوف ولا خجل
وحكالي عالوعد الي اتكسر
يوميها قلبي انفطر
فرطت فيه وبهبل
اديته لمارد من البشر
معزش ولا صان السهر
وسافرت لبلاد اقرب للشمس من القمر
وسنين عدت من العمر
وقلبي خلاص اتحول حجر
وسبحان من خلق الحجر
بيثبت بيه ارض البشر
ومش هندم يوم عالقدر



انا عارفه انه حزين وكئيب بس انا عازه رايكم بجد ينفع اكمل واكتب اشعار ولا ايه؟

[dano_90]

وقلبي خلاص اتحول حجر

بصى بجد يعنى القلب اللى بيحب عمره مابيتحول حجر!!!

مهما الايام والهموم بتعدى عليه,,,

انا معاكى ان الجرح صعب وبيقسى

لكن لو قلوبنا من جواها حلو الجرح هيتعبك فتره لكن عمره ماهيقسى قلبك علطول!!!!

مش معنى انك اتجرحتى مره ان خلاص قلبك بقى حجر ..ادى قلبك الفرصة انه يستعيد نفسه من تانى

انا بعتبر قلبى ده"مملكة "مش اى حد اسمحله بدخولها!!!


الانسان اللى يستاهل بس هو المسموح ليه بكده ..حب بجد مش تسالى ..

ومش هندم يوم عالقدر

مظبوط ياجميل ..قدر الله وماشاء فعل..ومين عالم الخير فين,,

معلشى طولت عليكى...
//

بس بجد كلام جميل اوى..ليكى مستقبل جااامد..

استمرى

[Sincerity]

بجد أكتر من راااااااااائع ومعبر جدا ...
تسلم ايدك يا سحر

بصى بجد يعنى القلب اللى بيحب عمره مابيتحول حجر!!!

مهما الايام والهموم بتعدى عليه,,,

انا معاكى ان الجرح صعب وبيقسى

لكن لو قلوبنا من جواها حلو الجرح هيتعبك فتره لكن عمره ماهيقسى قلبك علطول!!!!

مش معنى انك اتجرحتى مره ان خلاص قلبك بقى حجر ..ادى قلبك الفرصة انه يستعيد نفسه من تانى

انا بعتبر قلبى ده"مملكة "مش اى حد اسمحله بدخولها!!!


الانسان اللى يستاهل بس هو المسموح ليه بكده ..حب بجد مش تسالى ..

بالظبط كلامك يا دانو ...
انا معاكى ف ان القلب اللى يحب عمره ابدا ما يتحول لحجر ...
حتى مهما كان الحب دى ذكرى سيئه للانسان بس فى يوم من الايام أحلى حاجه فى حياه الانسان ...

[Mahmoud_Seif]

ماشاء الله كلمات جميله ................ تسلمي عليها.....

[Dr. Sahar]

شكرا ليكي يادونا كلامك مضبوط فعلا بس انا قصدت باتحول حجر يعني معدش فيه اي مشاعر اتجاه الشخص الخاين ده وعلي فكره دي مش تجربه شخصيه بس تجربه قريبه مني اوي اوي واثرت فيا بجد بس بجد شكرا الف شكر لكل الي رد ورفع معنوياتي وكل الي مردش كمان معلومه بس انا مش حابه ادخل نفسي في متاهة الحب وانا مش سهل ابدا اني اشارك بيه حد وعمري ما هحب غير الي هتخطبله وبس دا مبدأ في حياتي

[dano_90]

شكرا ليكي يادونا كلامك مضبوط فعلا بس انا قصدت باتحول حجر يعني معدش فيه اي مشاعر اتجاه الشخص الخاين ده وعلي فكره دي مش تجربه شخصيه بس تجربه قريبه مني اوي اوي واثرت فيا بجد بس بجد شكرا الف شكر لكل الي رد ورفع معنوياتي وكل الي مردش كمان معلومه بس انا مش حابه ادخل نفسي في متاهة الحب وانا مش سهل ابدا اني اشارك بيه حد وعمري ما هحب غير الي هتخطبله وبس دا مبدأ في حياتي

ايوه كده هو ده الكلام ياسحر ,,,ومفيش اجمل من العلاقات اللى ف النور ...ربنا يوفقك يادكتورة ...

[Allah Morady]

بجد جميل اوى يا دكتورة سحر
استمرى فمستقبلك اضيىء من القمر
و لا تخافى من احد من البشر
فلكى موهبة طوريها يا سحر يا سحر يا سحر
طب قولولى انا اكمل فى الشعر ولا ايه ههههههههه

[Dr. Sahar]

هههههههههههه كمل لو انت حاسس اني في حاجات كتير نفسك تعبر عنها بكلمات بص الشعر ده ترجمة احاسيس وتجارب مش شرط تكون انت الي مريت بيها بس كفايه انك حسيت بيها اوي واثرت في نفسك وبجد عمر الشعر ما هيكون جميل والناس هتعجب بيه غير لما يكون طالع من القلب وان كان يادكتره علي حكمي فمدام البيتين دول ليا اكيد هيكون مميزين ورائعين مش محتاجه كلام يعني