هل الجامعه ام المدرسه؟؟؟؟؟

[Amira]

ياترى يااميره لما كنتى بتكونى فى طابور المتأخرين كان نوع العقاب عندكم ازاى؟؟؟ اصل احنا كان نوع العقاب عندنا من نوع تانى خالص كان اللى بيتأخر كان بيدفع اما ربع جنيه او نص جنيه اعتقد عقاب جديد من نوعه مش هيخلى حد يجى متأخر تانى عشان ما يدفعش فلوس بس على فكره الفلوس دى كان بيعملوا بيها حاجه حلوه مش بياخدوها ليهم كانوا بيجيبوا بيها طباشير

والله ده كان احسن من الطابور التانى كانوا بيخلو المديره تقف شويه تقعد تكلم كده اى حاجه واحنا نهزر عما تخلص كلام ناخد بعض ونمشى بس

كان فى دكتور بيعاقبنى بما انى الوحيده اللى بتاخر فى الفصل كان بيسمينى حسونه(صاحب بكار ده لانى كنت بوقف الحصه )

وبعد كده الفصل كله بقى له اسماء (بكار ورشيده........)

[SmSm]

دلوقتي بقول فين أيام ثانوي بصراحة كان الحلو فيها راحة البال لأني ماكنتش بقلق نفسي بحاجة ولا بدخل في مشاكل
بس أولى ثانوي هي أيام الروقااااااااااااااااااااااااااااااااان بالنسبالي
أما الجامعة..
فدي ليها طابع خاص..
بحلوها و مرها..
الترم الأول في اعدادي كان فوق الوصف..
بس بعد كده قربت من الناس أكتر .. و اتخدعت في ناس كتير كنت راسمالهم صور كنت فاكراها حقيقة.. وابتدت الهموم تهل واللي مزعلني انها على أعز الناس..
بس برده بحب الكلية أوي ساعات بقول امتى أخلص ..بس أنا عارفة انها أيام عمرها ما تتعوض

[BoNbOoNa]

مفيش وجه مقارنة الجامعة احلي بكتييييييييييييييييييير
كفاية اني بتعلم حاجة انا بحبها و كمان في شغل عملي كتير و طبعا الدكاترة ناس زي الفل من اكبر دكتور لاصغر معيد
في المدرسة مشفتش المكروسكوب غير مرة واحدة لما كنا بنشوف الbread mould fungus (عفن الخبز) و كان كل واحد ايديه ورا ظهره و اللي يسند حتي علي البنش كان بيتضرب !
و ايام ثانوية عامة كانت كلها توتر و اكتئاب و دروس دروس دروووس .....كفاية الادب بتاع العربي...
و لكن هذا لا يمنع ان فيه حاجات حلوة زي الاصحاب و المدرسين و الفيزياء انا كنت بحبها جدا و بذاكرها بمزااااج ولكن برده الجامعة احلي ..... شكرا علي الموضوع .. والله زمااااااااااااااااان

[محمد سمير]

والله ده كان احسن من الطابور التانى كانوا بيخلو المديره تقف شويه تقعد تكلم كده اى حاجه واحنا نهزر عما تخلص كلام ناخد بعض ونمشى بس

كان فى دكتور بيعاقبنى بما انى الوحيده اللى بتاخر فى الفصل كان بيسمينى حسونه(صاحب بكار ده لانى كنت بوقف الحصه )

وبعد كده الفصل كله بقى له اسماء (بكار ورشيده........)

على رأيك طابور المتأخرين كان احسن من طابور المديره ياحسونه قصدى ياأميره انا بهزر معاكى

[محمد سمير]

دلوقتي بقول فين أيام ثانوي بصراحة كان الحلو فيها راحة البال لأني ماكنتش بقلق نفسي بحاجة ولا بدخل في مشاكل
بس أولى ثانوي هي أيام الروقااااااااااااااااااااااااااااااااان بالنسبالي
أما الجامعة..
فدي ليها طابع خاص..
بحلوها و مرها..
الترم الأول في اعدادي كان فوق الوصف..
بس بعد كده قربت من الناس أكتر .. و اتخدعت في ناس كتير كنت راسمالهم صور كنت فاكراها حقيقة.. وابتدت الهموم تهل واللي مزعلني انها على أعز الناس..
بس برده بحب الكلية أوي ساعات بقول امتى أخلص ..بس أنا عارفة انها أيام عمرها ما تتعوض

على رأيك ياسلمى اولى ثانوى دى كانت حاجه لوحدها كده على الرغم ان كان فيها يجى 15 ماده بس كانت سنه لوزززززززززز اوى

[wh_kaboo]

هما الاتنين احلى من بعض

ايام الثانوى ايام الشغب اصلى احنا كنا 9 فى فصل الاحياء قصدى فصل المشاغبين كانت ايام جامدة موت وكانت كلها شغب وطبعا ايام ايام المذاكرة الطحن علشان كده احنا هنا

ايام الكلية ايام الفرفشة وتكوين صداقات العمر يمكن فيه ناس مش حابه الكلية دلوقتى بس بعد كده فعلا هتبقى منها الذكريات الجميلة بس زى ايام الثانوى

[قناع الذهب]

الثانوى والاعدادى كان معايا احلى صحاب قابلتهم فى حياتى والحمد لله زى اخواتى وبحبهم قوى لحد دلوقتى انما الجامعة طبعا حاجة تانية برغم اننا بنتعب فيها جامد بس جميييييييييييييييييييله واصحابى فيها كمان زى العسل ربنا يخلينا على وش بعض علطول
وكل مرحلة فى حياتنا اكيد فيها حاجات جميله

[marooo]

تسلم يا دكتور محمد على الموضوع اللذيذ ده انا كل مرحله فى عمرى سواء ابتدائى او اعدادى او ثانوى بس خاصه اولى ثانوى كنت بحبها جدا عشان كنت مشاغبه جدا واحلى اصحاب كانت شله الضياع اما الكليه ديه حاجه تانيه خالص انا ساعات بيعدى على وقت اتمنى ادبلر من كتر حبى فى الكليه وجوها واصحابى خصوصا اللى دبلروا عموما الاصحاب هما اللى بيخلوا الايام حلوة

[محمد سمير]

تسلم يا دكتور محمد على الموضوع اللذيذ ده انا كل مرحله فى عمرى سواء ابتدائى او اعدادى او ثانوى بس خاصه اولى ثانوى كنت بحبها جدا عشان كنت مشاغبه جدا واحلى اصحاب كانت شله الضياع اما الكليه ديه حاجه تانيه خالص انا ساعات بيعدى على وقت اتمنى ادبلر من كتر حبى فى الكليه وجوها واصحابى خصوصا اللى دبلروا عموما الاصحاب هما اللى بيخلوا الايام حلوة

نورتينا يامارو مرورك على التوبيك هو الاحسن وفعلا كلامك مظبوط ان الاصدقاء بيخلوا لحياة الواحد طعم

[sunshine]

ايام ثانوى كنت بقول يااااااااه امتى ادخل الجامعه بقى ........ بس دلوقتى بقول ولا يوم من ايام الثانويه العامه بجد كانت احلى ايام وخصوصا ثالثه ثانوى واللى احلى منه كمان التيرم الاول السنه اللى فاتت زى ما سلمى بتقول بالضبط كان تيرم فوووووووووق الوصف بس يا خساره الحلو ميكملش تحديدا من تانى اسبوع فى التيرم التانى حصلتلنا مشاكل ما يعلم بيها الا ربنا كلها ظهرت تقريبا ف التوقيت ده ولسه لغاية النهارده بتزيد مش بتقل يللا ربنا معانا كلنا و الحمد لله عل كل شىء.....

بس حقيقى حلو اويييييييى الموضوع ع الاقل خلى الواحد يطلع شويه من اللى جواه