لماذا أنت طالب فى كلية صيدله .. أرجو الدخول

[Dr.Sheko0o0o]

أنا عن نفسي كنت جايب مجموع طب بس من وانا صغير وانا مخطط على صيدلة

حاسس انها كلية عالية كده وكلاسيك

وعجبتني جداااا وعمري ما هندم ان شاء الله اني دخلتها

وفي رأيي هي أحسن من طب

قلنا بأه يا ميدو انت دخلتها ليه ؟

[WhiteBird]

--مع ان ضربه جامد اوى

بس برده بنحبه على الرغم انى كنت داخله صيدله لانها كليه قمه واقل من طب فى عدد سنين الدراسه بس دلوقتى لو رجع الزمن وكانت صيدله عشر سنين هدخلها برده

[ريـان]

انا صراحه كنت عايز هندسه قسم الكترونيات..او على الاقل حاسبات ومعلومات...بس العيله بقى طب طب طب..فانا فلت منهم واتنين من اخواتي دخلوا طب ..ههههههه...وانا الحمدلله يعني متاقلم نوعا ما ..مع ان دماغي في البزنس...يعني كان داخل الصيدله كان بها ..برا صيدله مفيش مانع..
وطبعا مع الاراء الي بتقول ..ننهض ونغير من تفكير الناس عننا ..ونغير من اسلوب المهنه او طريقه التعامل على الاقل

[santaklose]

انا اخترت كليه الصيدله بناءا على رغبتى اولا وثانيا رغبه والدى
وبصراحه هيا كليه لذيذه وطعمها حلة اوى بصراحه
وربنا يسهل انشاء الله ونأكلها كلها من غير ...... لا قدر الله
شكرا على التوبيك ده

[Mohamed Al Gohary]

اسف يا جماعه عن عدم الرد عليكم فى التوبيك الفتره الماضيه .. وهقو لكم انا دخلت صيدله ليه وازاى ..

بصراحه اول ما دخلت تانيه ثانوى .. كانت فى تجربه سابقه فاشله مع علمى علوم فى ى البيت فزى ما تقولوا كده كان فيه عقده .. فخدت كيميا فى تانيه .. وكنت ناوى اكمل رياضه واخشن هندسه .. بس لما جبت 97.6 فى تانيه كله قال خساره المجموع ده فى رياضه .. ففكرت واستخرت ربنا .. وربنا هدانى برسايل كتيره لانى اكمل علمى علوم .. وكان فيه عوامل مساعده كتير على كده .. ماشى يا SeverePain .. ودخلت احياء وربنا كرمنى .. ومن ساعتها وانا عاوز صيدله وكنت ساعات بتردد واقول لا انا هخش اسنان .. لحد ما النتيجه طلعت وجبت 99% فى السنتين .. فكله قال طبعا هيخش طب ... وانا رفضت .. ونفس العوامل المساعده برضه جت هنا ولعبت دورها .. لحد ما دخلت صيدله .. وبرضه واجهت اللى الكل واجهه ان اللى كان فى دماغنها عن الدراسه فى الكليه وجدنا غيره تماما على ارض الواقع ..

بس برضه انا سعيد جدا فى صيدله .. ولو الزمان رجع بيا تانى لورا هختار صيدله ..

[Aésmaïl]

السلام عليكم يا شباب .... موضوع اختيارى صيدله ده موضوع كبير اوى ..
بس هقول بس سبب واحد بس من الأسباب .. اولا انا جايب أعلى من مجموع طب والحمد لله ... بس انا قولت بدل منا ادخل طب واخدها فى 10 او 14 سنه ...
يبقى ادخل صيدله واخدها فى 7 او 8 سنين ... ويادوب الواحد يوفر شويه

[Mohamed Al Gohary]

ايه التفاؤل ده كله يا دوكتور ..

[jewels_4]

بسم الله الرحمن الرحيم

دخلت صيدلة الحمد لله لان كان نفسي ادخلها

لو رجع بيا الزمن احتمال كنت افكر في هندسه عمارة أو فنون تطبيقية - دا احتمال-

بس بجد بحب صيدلة وبحمد ربنا اني دخلتها


الحمـــــــــــــــد لله

[El_Daly]

أنا داخل كلية صيدلة برغبتى والحمد لله
ومجموعى كان مساعدنى يعنى الرغبة الأولى وبس والباقى كان سد خانة يعنى

[do3a2_alganna]

انا عمرى ماحلمت انى أكون صيدلانية دايما كنت شايفة نفسى طبيبة بس انا مجموعى دخلنى صيدلة غصب عنى بصراحة ماكنتش طايقة الكلية بس دلوقت بحمد ربنا انى دخلتها الكلام دا عن اقتناع دلوقت ولو الزمن رجع تانى ............. هاختار صيدلة فعلا الخيرة فيما اختاره الله.