الدنيا دي وحشة أوي!!!!.....

[The Best Pharmacist]

ببقى شايفه الناس وكانها انا ... مش ممكن تخون مش ممكن تخدع مش ممكن تأذى غيرها

بالظبط كدة

...وده غلط جدااااا

للأسف الشديد

ف انتى حاولى تهديها بجد لان حاجه زى ده هتأثر على نفسيتها جدااا فوق ما تتخيلى

طبعا أكيد..إذا كنت انا نفسي متضايقة عشانها ..فزمانها ربنا اللي عالم بحالها دلوقت

وادعيلها كتير وحاولى تفهميها ان ربنا عمل كده عشان بيحبها

أكيد طبعاوالا ماكانوش انكشفوا ف الوقت المناسب

...وانه هيعوضها باحسن منهم ... وكويس انهم ظهرو فالوقت ده مش بعدين

طبعا ..لأن الناس معادن والانسان الكويس بيبان معدنه ف المواقف اللي زي دي

...وكمان تقوليلها مش كل الناس وحشه والحمد لله لسه الخير والاخلاص والوفاء موجودين

بجد مش عارفه اقول ايه غير ربنا يهون عليها

اللهم آمين

مرسي كتير لمرورك وردك يا هنودة ..نورتيني بجد

[yojeena]

انتي عارفه ان الدنيا فيها كل شيئ و نقيضه
بس الاكيد ان الشر بقي هوا الاكثر انتشارا
وللاسف الوقتي اصبح التعامل مع الناس كلها بحسن نيه ما ينفعش خالص
حتي مع اقرب الناس مش بعيده عنهم الخيانه والغدر
و لان مرارتهم ما بتتمحيش حتي مع مرور الزمن فلازم نغير احنا نفسنا
مش بقول نبقي زيهم لأ
لكن غيري طريقه تعاملك مع الناس
اتكلمي مع دي و دي و اسمعي منهم
لكن احذري انك تمنحيهم ثقتك
يعني يكونوا في نظرك انتي(مع انهم يمكن يكونوا بيعتبروكي صديقه) صحاب مش اصدقاء
و في وسط الزحمه دي ممكن تلاقي الصداقه الحقيقيه
بس مش انتي اللي كنتي بتسعي ليها ,,,,, هيا اللي كانت بتسعي ليكي
و صدقيني ده الاحسن لاني برده اتعرضت لمواقف زي دي
و كنت بتالم جدا لدرجه اني بكتئب و ابكي علي حالي
و اقعد الوم في نفسي اني انا اللي غلطانه
لكن الحقيقه مش انا اللي غلطانه
الدنيا ما بقتش هيا الدنيا اللي ربنا خلقها
انا اكيد مش هتغير للاوحش عشان اقدر اعيش فيها
لكن هحافظ علي نفسي و احساسي و مبادئي بس بطريقتي
انا اسفه اني طولت عليكي لانه بجد موضوع حساس جدا و حيوي

[moslma]

هما الناس فعلا بقوا وحشين والله بس مشكلهم اكيد لسا الدنيا بخير وفيهم ناس كويسين........ بس ملحوظة ........مش معني ان الواحد اتخدع في حد كان قريب منه اوي انه ميقدرش يكمل معاه بالعكس ما محبة الا بعد عداوة ممكن اوي غفرانه لخطا صاحبه يخلي صاحبه يندم ويفوق ويوقف الظلم وخلي صاحبتك حاطة في بالها انها فالاول وفالاخر بتتعامل مع بشر يعني اكيد فيهم عيوب واكيد هي كمان فيهاعيوب وبدل لماتحط ايديها ع خدها خليها تفوق وتشوف الاسباب الي تخلي صاحبتها تعمل كده وتحاول تتصرف ع الاساس ده.......انا اتعرضت لموقف انيل من ده والله مع اعز صديقة ليا بس والله سامحتها ورجعنا احسن من الاول وهي قدرت ده وتخلت عن الصفة الوحشة دي معايا ومع غيري

[moslma]

لأن ببساطة إللي مش بيغلط مش بيتعلم
يعني عمرك ما هتعرفي ان الوردة دي بتشوك .. غير لما تجرحك

.,,[/quote]
بجد الكلمة دي تحفة اوي انا اول مرة اسمعها بس اثرت فيا اوي

[احمد شبند]

للاسف ده بيحصل لان كل واحد مش بيختار اصحابه صح
والحمد لله انا مش بواجه الكلام دخالص غير اثناء الشغل فقط لكن فى حياتى العامة الحمد لله

[جمال الشافعي]

الدنيا لسه بخير فعلا مش شعار ولا تقليد لاي زميل قال الكلام دة من قبلي مهما قابل الانسان من شرور ومساوئ في حياته هيلاقي خير ولو بنسبه بسيطه يديله بارقه امل ولو حتي لوقت مش كبير بس معظم المشاكل اللي زي اللي حضرتك بتتكلمي عنها دي بتبقي فعلا سوء اختيار للاشخاص او للاصحاب ودة وارد وبيحصل جدا "احنا بشر "
في بس نقطه تانيه لازم ننتبه ليها وهي ان الزمن اللي احنا فيه يستوجب اننا نبقي حريصين في معاملاتنا لاقصي درجه و "حسن النيه دايما تعتبر سذاجه " ...... ايوة لازم البني ادم يبقي عنده حسن الظن والنيه بس كدة علي طول مينفعش خالص يا جماعه
انا حصلي موقف مشابه مع احد الاصدقاء اللي كان قريب مني جدا وفجاة لقيته اتقلب حاله 180 درجه معايا بس انا ريحت دماغي خالص احنا فعلا علاقتنا مبقتش زي الاول زي ما بيقولوا كد " صباح الخير يا جاري انت في حالك وانا في حالي " ازيك الله يسلمك و الكلام معاه بحساب
الدنيا مش هتقف علي شخص واحد بس اللي فعلا بياثر في البني ادم انه بيحس انه اختار غلط او بتتهز ثقته في نفسه لما يلاقي اقرب الناس فجاة بقي اكثرهم كرها ليه ؟ وهو دة حال الدنيا
معذرة للاطاله بس ياريت تقوليلها انها تريح بالها وتنسي كل من اساء ليها في يوم من الايام

[انجالى]

بصى هاقولك انا قعلا مريت بالموقف ده وكتير جدا مش مره ولا مرتين فبنصحك تقولى لصحبتك ان اللى غدروها دول من الاحخسن انها تقطع العلاقه بيهم لان ازاى مسميين نفسهم اصحاب وفيهم صفه الغدر اما لو اعترفوا وتاسفوا واعتزروا ليها على اللى عملوه فهى تسامحهم بس فى نفس الوقت ماتديش الامان ليهم تانى يعنى مش هتتعامل معاهم بنفس الاسلوب اللى كانت بتتعامل معاهم فى الاول لازم تكون استفادت من التجربه
اما انا انتى بتسالينى ليا اصحاب ولا لاء انا هقولك على حاجه انا اعرف كل اللى فى المدرج اللى فى مجموعتى اعرف اسماءهم اعرف كلهم بس ابقه اكدب عليكى لو قلتلك ان فى واحده منهم صاحبتى لان انا مش بعتبر حد مهما كان تبقه صاحبتى لان بصراحه مش بثق فى اى حد اطلاقا ولا عندى استعداد انى ابدا بتجربه واصادق الناس لان انا مش عارفه العواقب رغم ان فى ناس كتير بيلومونى على كده فانا بحب اعيش فى الوحده والانطواء والعزله بتاعتى عن انى اختلط بحد

[Chimera]

غريبة .. لما تقريباً كل إللي دخلوا طيبين و عندهم حسن نية كبير ..
امال مين إللي بيخون .. مين إللي بيكذب ؟؟!!

.,,

[The Best Pharmacist]

الدنيا ما بقتش هيا الدنيا اللي ربنا خلقها
للأسف ..الناس اتغيرت كتير أوي وماعادش حد بيتمنى الخير لغيره الا من رحم ربي!!!
انا اسفه اني طولت عليكي لانه بجد موضوع حساس جدا و حيوي

بالعكس يا دكتورة انتي نورتي الموضوع

[The Best Pharmacist]

اكيد لسا الدنيا بخير وفيهم ناس كويسين........

ياريت هي تقتنع بكدة

بس ملحوظة ........مش معني ان الواحد اتخدع في حد كان قريب منه اوي انه ميقدرش يكمل معاه بالعكس ما محبة الا بعد عداوة ممكن اوي غفرانه لخطا صاحبه يخلي صاحبه يندم ويفوق ويوقف الظلم وخلي صاحبتك حاطة في بالها انها فالاول وفالاخر بتتعامل مع بشر يعني اكيد فيهم عيوب واكيد هي كمان فيهاعيوب وبدل لماتحط ايديها ع خدها خليها تفوق وتشوف الاسباب الي تخلي صاحبتها تعمل كده وتحاول تتصرف ع الاساس ده.......انا اتعرضت لموقف انيل من ده والله مع اعز صديقة ليا بس والله سامحتها ورجعنا احسن من الاول وهي قدرت ده وتخلت عن الصفة الوحشة دي معايا ومع غيري

شكرا جزيلا لردك يا مسلمة ..نورتي الموضوع