تحب تفضفض لمين؟

[Dr nour]

أوقات كتير بنبقى مجروحين أو بنشعر بالتعب والحزن تتكاثر علينا الهموم ومش بنقدر نتعايش من غير لما نتكلم والا هنتعب قوى وطبعا لازم يكون فى شخص بتثقى فيه والاهم انه بيقدر يسمع ويحتوى انا عن نفسى عندى اشخاص كتير قوى ممكن اتكلم معاهم وافضفض ممكن مع والدى مع والدتى بس الاكتر مع اخويا واختى واصحابى وتقريبا بختار الشخص اللى افضفض معاه على حسب الموضوع وانه يقدر يفيدنى أكتر فيه بس المشكله ان فى أوقات بنبقى تعبانين فيها جدا بس للأسف مش المفروض نتكلم ونحكى مش لعدم الثقه فى الآخرين لأ دا بيكون لأنك فى حاله مش قادره تتكلمى فيها
وميرسى يادكتوره على التوبيك الجميل دا

[د///*مطحونة*\\\]

انا بفضفض لنفسى او للحيطة
وباشكى حالى لرب العالمين
ولله الحمد
:::::::::::::::::::::::::::::::::::::
شكرا على الموضوع
جميل اوى

[same7]

انا بفضفض مع مامتى الاول
وبابايا بس مش كتير
وفى خالتى وواحد صاحبى

شكرا يا جميل على الموضوع

[SHYMAA]

انا بفضفض مع مامتى الاول

وبابايا بس مش كتير
وفى خالتى وواحد صاحبى

شكرا يا جميل على الموضوع

شكرا لمرورك يا سامح ويا ريت تفضفضلى انا كمان ما هو انا زى اختك برده
وشكرا لكل اللى عدى على الموضوع

[same7]

شكرا لمرورك يا سامح ويا ريت تفضفضلى انا كمان ما هو انا زى اختك برده
وشكرا لكل اللى عدى على الموضوع

انتى تأمرى يا دكتوره ده اسم شيماء ده عزيز على اوى واى حد اسمه شيماء كمان

وانتى اختى فعلا

[سندريلا]

انا بقة بافضفض لربنا كتير جدا
وعياط بقة
بس اقرب حد ليا هى أختى الكبيرة بأفضفض معاها
بس دلوقتى انشغلت شويه
يبقى نفضفض لربنا

[SHYMAA]

شكرا ليكى يا سندريلا
على اول مشاركه ليكى معايا
وكمان اجدع شكر لاخويا سامح انا فى الخدمه اى وقت

[*محبة رسول الله*]

سلام عليكم..انتى عارفه يا شوشو انا بجد بجد اتمنى الاقى صديقه تستاهلنى,,تستاهل اخلاصى وحبى ليها بس لسه ملقتهاش بس ان شاء الله هلاقيها. بجد اوقات ببقى تعبانه وعاوزه اتكلم مع حد ,,,تعرفى بتكلم مع مين وبفضفض لمين بفضفض مع الملك المهيمن الذى لا معطى لما منع ولا مانع لما اعطى ,,,بتكلم مع ربنا ,,بجد يا شوشو هو اللى حاسس بينا وارحم بينا من اى حد حتى من اباءنا وامهاتنا ,,هو اللى يقدر يديكى اللى انتى عاوزاه بكرمه لانه رحيم بيكى وعالم بحالك. يا رب رايى يعجبكو يا جماعة. والسلام عليكم

[SHYMAA]

سلام عليكم..انتى عارفه يا شوشو انا بجد بجد اتمنى الاقى صديقه تستاهلنى,,تستاهل اخلاصى وحبى ليها بس لسه ملقتهاش بس ان شاء الله هلاقيها. بجد اوقات ببقى تعبانه وعاوزه اتكلم مع حد ,,,تعرفى بتكلم مع مين وبفضفض لمين بفضفض مع الملك المهيمن الذى لا معطى لما منع ولا مانع لما اعطى ,,,بتكلم مع ربنا ,,بجد يا شوشو هو اللى حاسس بينا وارحم بينا من اى حد حتى من اباءنا وامهاتنا ,,هو اللى يقدر يديكى اللى انتى عاوزاه بكرمه لانه رحيم بيكى وعالم بحالك. يا رب رايى يعجبكو يا جماعة. والسلام عليكم

شكرا ليكى يا قمر وبعدين اعتبرينى صاحبتك وفضفضيلى واحنا دايما موجودين

[انجالى]

بصراحه مش بحب افضفض لاى حد مهما كان الحد ده بقه مين يعنى بخلى اى حاجه جوايا انا