لن اتزوج......زميلى

[SHYMAA]

اهلا وسهلا بيكم عايزه اخد رايكو فى حاجه
كنت قاعده مع اصحابى وبعدين اتناقشنا فى
موضوع حيوى جدااااااااااااااااااااااااااااااااااااااااااا
وبما اننا كلنا اصحاب عايزه اخد رايكو
كان يامكان ايام زمان ايام ماكان البنات لسه بنات كانت البنت من دول بتحلم تدخل الجامعه
علشان تحصل على شهاده ومش بس كده لا كمان كانت بتحلم تخرج بعريس من زمايلها تعيش معاه قصة حب وتبنى معاه عش العصفوره حتى لو كان حبيب القلب لا يملك سوى الاحلام
ولكن الان بما ان الدنيا اتغيرت وبقى لونها بمبى
اصبح قصر الوااااااااااااااااااااااااااااااااااااااااااااااا ااقع
اهم كتيييييييييييييييييييييييييييييييييييييييييييير
من عش الخياااااااااااااااااااااااااااااااااااااااااااااا اااال
فاغلب البنات يرفضن الارتباط بمن يقاربهن فى السن وتبحث عن العريس الناضج الجاهز المسئول حتى لو كان اكبر منها سنا بل ان ذلك هو عز الطلب حتى يعطيها الخبره والضمان والامان والاحتواء

يا ريت يا جماعه عبرو عن رايكو بكل صراحه وخاصة البنات
واكيد طبعا الاولاد هيقولو رايهم ولو الموقف ده حصل معاهم هيه اللى ممكن يعملوه

[Amira]

بالعكس خالص انا اتمنى ان ربنا يرزقنى بواحد سنه قريب من سنى مش كبير عنى يعنى

شكرا على الموضوع

[ELANDALEEB]

لو البنت فعلا بتختار
يبقى لازم تختار حد اكبر منها ويكون جاهز وناضج وكل الكلام ده صحيح

بس الحب مفيش فيه اخيار ولا سن
اجمل حاجة فى الدنيا انك تعيش فى قصة حب
وتحاول توصل بالقصة دى الى بر الامان وهو النهاية الشرعية

اما بالنسبة لو ولد حب واحدة فى نفس سنه....والمفروض العادى بتاع اى بنت انها تتجوز بعد اتخرج اما الولد لسه عنده الجيش وكمان يحاول يحاول يحصل على شغل مناسب ....لو عاوزين الموضوع يستمر فعلا اكيد اهل البنت هيتعاونو معاه يعنى على الاققل ممكن يخطبها حوالى سنة لغاية مايكون قدر يكون نفسه ... ويتحقق حلمهم ...

يادكتورة لو الانسان بيحب فعلا.... مش هيقدر يستغنى عن حبيبه ..... وهيعمل المستحيل علشان يعيش معاه العمر كله .... واهم حاجة انهم يكونو على صلة بربنا ويتيقنوا ان ربنا قادر على اى شىء

معلش انى طولت
تقبلى تحياتى
العندليب

[MaZeN]

اممممممممم الكلام المنطقي بيقول انه مش هينفع لو اتنين في نفس السن زمايل يعني هيقدرو يستمرو لغاية انهم يرتبطو و ده لأن الشاب مننا لسه وراه جيش و تكوين نفسه و تظبيط حصالته عشان يبقى قادر يفتح بيت و يتحمل مسؤلية و البنت من دول اول ما العريس بيجي و يكون جاهز من مجاميعه بتنسى بقى الحب و الكلام ده و بتقول اهو ضل راجل ولا ضل حيطة خصوصا مع ضغط اهلها عليها........ بس مين اللي قال ان دايما الحياة بتمشي بالكلام المنطقى انا عن نفسي ضد هذا الكلام المنطقى و مفيش ابدا مشكلة ان البنت ترتبط بزميلها بس لما الشخص يكون اكبر منها بسنتين تلاتة كده و ده مش فرق كبير فده بيكون احسن عملاً بمقولة اكبر منك يوم يعرف عنك بسنة
ودمتم يجعله عامر.. و منجلكوش ابدا في حاجة وحشة و عقبال عندكو جميعا

[3alam Semsem]

بصراحه انا رايى من راى مازن

[dr/dina]

و الله أنا مش مقتنعه ان اتنين فى سن بعض انهم يرتبطو
و ف نفس الوقت برده ميبقاش فرق السن بينهم كبير يعنى max. 4 سنين مش أكتر عشان يبقى فى اتفاق بينهم
و زى ما انتو قولتو الولد لما يتخرج لسه هيدور ع شغل و جيش و مواااااااااااااال كبييييييييير و ربنا يكون ف عونهم صراحه يعنى

[olia2010]

السلام عليكم
انا عن نفسى فعلا احب ان زوجى يبقى اكبر منى 6 سنين على الاقل و9 سنين على الاكثر
يكون ناضج وفاهم ويتحمل المسئولية لانى اعتقد ان الشباب فى سن صغير مش بيبقوا متحملين مسئولية خالص وعقولهم بتبقى صغيرة لسه مش كلهم طبعا بس الاغلبية كده

[chocolata]

الموضوع جميل ياشيماء وانا واصحابى اتكلمنا فيه قبل كده واختلفنا فيه انا بفضل اكيد انى ارتبط بحد اكبر منى سنا شويه على الاقل سنتين تلاته بس اكيد مش هتوصل لعشرة اللى بتحتاجه البنت انسان ناضج عاقل مش برده كبيرة بس فيه ولاد فى نفس السن بيبقى الواحد منهم مش مستعد انه يدخل قصه حب المفروض تنتهى بارتباط او يكون اساسا خلاص طلع عليهم اشاعه فى الكليه ان فلانه دى تبع فلان والعكس لا فيه ولاد بتبقى لسه عايزة تعيش حياتها مينفعش يتحمل مسئوليه زى دى وخصوصا ان مسئولياته بعد التخرج اكبر لكن انا شايفه لو الحب حقيقى مش مجرد احساس موجود والطرفين متاكدين يبقى انا اوصل لاهلى ان فيه حد معين فى حياتى بس لازم كل الناس تعرف بينا على الاقل لغايه لما ربنا يجعلنا نصيب مع بعض ومن الناحيه التانيه هو لازم هيتحمل مسئوليه ادام اهلى ان على الاقل يبقى فيه ارتباط رسمى عشان كده انا معرفش ايه اللى ممكن يحصل بعد كده بس المهم انى مرتبطش بعيل ممكن يبقى فى نفس السن بس عاقل وناضج وساعات يبقى اكبرمنى بس عيل بطريقه رهيبه معلش على الشرح الطويل دا اتمنى يكون فيه حد موافقنى

[Hedy]

يادكتورة لو الانسان بيحب فعلا.... مش هيقدر يستغنى عن حبيبه ..... وهيعمل المستحيل علشان يعيش معاه العمر كله .... واهم حاجة انهم يكونو على صلة بربنا ويتيقنوا ان ربنا قادر على اى شىء

هو ده فعلا رأيى ..انا متفقه معاك يادكتور عندليب...

[أمــ هـنـد ــة الله]

انا شايفه ان الجواز مش فيه مقياس و لا حاجه معينه الكل يلتزم بيها

وايه يمنع لو فيه شخص كويس جدا ومحافظ ويتقال فعلا انه راجل ..ليه نعقد امور تانيه ونقول لا السن او

الامكانيات محدوده والكلام ده ...

وزى ما قال حبيبنا محمد اللى ابلغ من اى كلام ممكن نقوله

(‏ ‏إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد ‏ ‏عريض )

سبحان الله الحديث مش حدد لينا سن معين ..الرسول ذكر اهم حاجه واللى اكيد كل بنت تتمناها ف الشخص اللى تحب ترتبط بيه ألا وهى الدين والخلق