عامان على منتدى كلية الصيدلة (كل سنة وانتم طيبين) ...

[M.tal3t]

بسم الله الرحمن الرحيـم

السلام عليكم ورحمة الله وبركاته ..

الحمد لله وحده والصلاة والسلام على من لا نبيّ بعده



أعضاء المنتدى : أساتذتي وزملائي الكرام

في يوم 25/3/2007 م كانت بداية منتدى كلية الصيدلة - جامعة المنصورة على شبكة الإنترنت ..

و بحمد الله يعتبر المنتدى أكبر تجمع لمنسوبي كلية الصيدلة بجامعة المنصوره من أساتذه .. طلاب .. خريجين .. وأيضا الموظفين ليضم أكثر من 3600 عضو ينتمي لكلية صيدلة المنصورة فقط دون غيرها.


جمعنا المنتدى لنٌناقش الكثير من الأمور الخاصة بكليتنا وأيضا حياتنا الإجتماعية فكان منها المُفرح فتبادلنا التهاني والإبتسامات .. وكان منها المُحزن فكانت المواساة والصبر في مشاعرنا أكثر من كتاباتنا ..

عامان هي عٌمر منتدانا الغالي الذي إجتمعنا بين صفحاتِه .. وتعرّفنا على الكثير من أعضائه ..

اليوم 25 / 3 / 2009 م نودّع عامنا الثاني ونبدأ العام الثالث بإذن الله ..

تقبلوا مني تلك الكلمات البسيطه التي لا تكفيها صفحات المنتدى ..

أهنيء جميع أعضاء منتدى كلية الصيدلة بتلك المناسبه الغاليه داعياً الله ان يوفق الجميع لما يحبه ويرضاه وان تنالوا أرقى وأزكى المناصب في حياتكم الدراسية والمهنيه

أتقدم بالشكر .. للأستاذ الدكتور محمود بكر العشماوي عميد كلية الصيدلة .. لمتابعته ومشاركته في المنتدى ..

والشكر الجزيل وخالص الإمتنان لأعضاء هيئة التدريس والأساتذه المساعدين والمعيدين بكلية الصيدلة على إهتمامهم ومساعدتهم للطلبه ..

ونتقدم بجزيل الشكر للمشرفين لوقتهم ومجهودهم ..

أيضا

شكر خاص جداً للأستاذ الدكتور / عطا الله أحمد (Dr. Atallah F. Ahmed) .. والدكتور / محمد العوضي (:HOPE:) لدعمها للمنتدى وحرصهما على الإفاده منذ بدايته 2007 .. لكم مني أطيب تحيه ..

كما أشكر صديقي وزميلي العزيز المدير العام للمنتدى

محمد العيسوي M.3esawy ..

أخيراً .. الأخطاء هي عادة من عادات الانسان اليوميه التي يجب ان يتعلم منها ..

لذلك نحن كإداره ومشرفين نتعلم كل يوم وننظر للمستقبل ..

لنرقى بهذا المكان رغم جميع العقبات ..

تقبلوا مني تلك الهديه ..





أنا عارف إنها مش هتكفي

بس اللي عاوز يجيب ... إحنا أطباقنا جاهزه

----

Mohamed Talaat

-mt

[Alaa_Resala]

كل سنة وانت طيب يا د/ محمد

شكرت الجميع

بس لك منا جزيل الشكر

بجد انت ود/ محمد العيسوي بتتعبوا كتير عشان المنتدى

نشكركم أولا على فكرة المنتدى

ثانيا على جهودكم لرفعة المنتدى والإرتقاء به خلال العامين الماضيين دون تعب أو كلل

ثالثا : على روحكم الطيبة والمعاملة الحسنة مع الجميع ومحاولة إرضاء جميع الأذواق

ودي بقى عشان تكفينا كلنا:

[Ramy Saad]

ماشاء الله
عدى سنتين بسرعة كدة
كل سنة والمنتدى من تقدم لآخر
كل سنة والمنتدى أكثر رقيا وفعالية

شكرا لإدارة المنتدى على المجهود الكبير اللي بذلوه في المنتدى عشان يبقة بالصورة ديه
ونسأل الله لهم التوفيق والسداد ومحاولة تلافي المشاكل والعيوب وتخطيها

وطبعا الشكر موصول لأعضاء هيئة التدريس المتواجدين معانا باستمرار

[Dr Mahmoud]

شكرا لك يا د. محمد على مجهوداتك ولزملائك فى المنتدى
وعلى غرس روح الانتماء للكلية عند الغالبية من الطلاب
جزاكم الله كل خير
والعقبى ل 100 سنة

[s.m.e]

happy birth day

وان شاء الله للاحسن دايما

[M_S_SH]

كل سنة وانت طيب يا منتدانا العزيز
وعقبال 100 سنة في تقدم وريادةان شاء الله

[pharma princiss]

كل سنه وكلنا طيبين
طبعا التهنئه لد/محمد العيسوى ود/محمد طلعت فى البدايه
على نجاحهم الكبير فى اداره المنتدى لمده سنتين
والف شكر لتعبهم معانا خلال السنتين دول
هو انا صحيح لسه جديده على المنتدى وماليش مشاركات كتير بس بجد المنتدى بيحسسنى انى لسه فى االكليه وانا فى البيت علشان كده انا بدخل اعوض عدم وجودى فى الكليه
وباشكر اولا اساتذتنا الكرام على تواجدهم معانا وزمايلنا اللى بجد بيساعدونا وبيوصلولنا الاخبار الجديده وكل شكر تانى لمديرى المنتدى على احدث الاخبار اللى دايما موجوده هنا قبل اى مكان
ويارب يعينهم دايما ويحسب جهدهم فى ميزان حسناتهم
شكرا

وعقبال 100 سنه منتدانا العزيز

[DR/Moaa]

كل سنه وكل اعضاء المنتدى الكريم طيبين

HAPPY BIRTH DAY

[NonY]

كل سنة و المنتدى طيب و جميل
و يتربى فى عزنا ان شاء الله

و كمان بردو بشكر كل الدكاترة اللى تعبوا معانا هنا فى المنتدى و ربنا يكرمهم يا رب ...

بالنسبة للتورتة انا هاخد نص التورتة الأولانية و الدور الأخير من تحت من التورتة التانية
و لما تجيبوا الحاجة الساقعة هاخد الصندوق اللى ع اليمين ان شاء الله

[WhiteBird]

ان شاء الله للاحسن دايما..وكلمات الشكر لكل ال ساهموا فى قيام المنتدى واستمراره مش كفايه والله..
د.محمد طلعت ود.محمد العيسوى جزاكم الله كل خير على اهتمامكم وومجهودكم..
وجزيل الشكر للاستاذ الدكتور محمود بكر على تواصله معنا واهتمامه بالطلبه..جزاه الله كل خير عنا..
وكل سنه وانت طيب يااحلى منتدى ..وعقبال 100سنه:d ..