هل صادفت شخص بهذه الشخصية من قبل ؟؟؟

[Nayroz]

انا كمان شوفت شخصيات زى دى بردوا فى حياتى ممكن مايكنش فيهم كل الصفات الوحشة دى بس اللى انا متاكدة منه انى بفهم الناس بسرعة الحمد لله وده الحمد لله بيجنبنى التورط معاهم اكثر

[قناع الذهب]

الموضوع جميل اوى بس الحمد لله ماقابلتش شخصية زى دى لانها شخصيه صعب التعرف عليها

طيب الحمد لله ويارب ماتقابلى ابدا
لان فعلا الانسان اللى الواحد بيتصدم فية ممكن ياثر فى نفسيتة جامد بعد كدة ويتعقد من الناس ومن اى حد
بس انتى بتقولى صعب التعرف عليها بالعكي الانسان لو واخد باله من اللى حوالية هيعرف مين الكويس ومين الوحش
وميرسى ليكى على ردك نورتى الموضوع

[قناع الذهب]

]هــــــل صادفت هذا الشخص؟
فى منهم كتير وربنا يكفينا شرهم بس فى زماننا ده صعب الواحد يلاقى صديق بما تحمله هذه الكلمه من معانى سامية وميرسى يا دوك على الموضوع الحلو ده

لا بالعكس والله مش صعب ولا حاجة
عارفة احنا بنعامل الناس بنيتنا ومستنين منهم المعامله الكويسة وبنلاقيها وقليل قوى لما بنصادف انسان مش كويس ودا بيبقى عندة مشكله ف شخصيتة ومش عارف يتعامل كويس
لانة بيقابل الاحسان بلاساءة ودا طبعا هياثر على معامله الناس معاة وارتباطهم بية لان محدش بيقدر يخبى نفسيتة طول الوقت اكيد هيجيله يوم ويتكشف
وشكرا على ردك يا مارووووووووووووووووووووووووو

[قناع الذهب]

فى حياتى انا قابلت شخصيات لكن موصلتش للسوء دا ممكن يبقى عندها حاجه واحده او اتنين على الاقل لكن حاليا عرفت ان ليا صديقه عزيزة قالتلى ان ليها واحده كانت فاكراها صاحبتها نسخه من الشخصيه دى وتقريبا حطه صاحبتى فى دماغها وناويه تدمرها ربنا يحفظنا من الناس دى كل كلمه منهم بتبقى سم بيتغرز فى سمعتنا اللى منملكش غيرها شكرا على فتح الموضوع دا يا قناع الذهب

لالا واحدة تحاول تدمر وكلام من دا الحمد لله ماقابلتش ويارب ماقابلش لانى معرفش اتعاما معاها ولا اتصرف معاها ازاى
انا بتكلم عن انسان يبقى جواة غير اللى بيبينهولك يعنى ممكن لما تشوفك تقوللك ازيك يا حبيبتى وتديكى احلى كلام ومن وراكى تقول عليكى اوحش كلام وللاسف الكلام يوصللك انا بتكلم عن الشخصية دى
بتبقى بوشين ومش سهل انك تتعرفى عليها ولو اتعرفتى عليها مش عارفة هتتعاملى معاها ازاى
ربنا يحفظنا من الشخصيات دى لان بجد نفوسهم بتبقى مش كويسة وشكرا يا شوكولاتة لردك الجميل

[قناع الذهب]

انا بقى للاسف قابلت الاشخاص دول كتير جدا لكن ده ما يمنعش ان في برضه ناس كويسين لكن دول قليلين اوي وصعب ان الواحد يلاقيهم لذلك يا جماعة نصيحتي ان الواحد يكون حذر شوية في تعاملاته مع الناس لحد ماتتأكد من حقيقة الشخص اللي قدامك ده بجد لأن طبعا الانسان لابد ان يتعلم من تجاربه ولا يلدغ مؤمن من جحر مرتين...
شكرا يا سمسمة على الموضوع

فعلا والله الانسان المفروض يتعامل بحذر مع الناس لحد ما يعرفهم كويس بس مشكلتنا اننا بنتعامل مع الناس بنيتنا يعنى بنعاملهم كويس جدا وبعدين يبان لينا العكس مع ان الطبيعى ان المعامله بالمثل يعنى لو عاملناهم وحش ماشى انما المشكله الظاهر انها فينا احنا وفى معاملتنا الكويسة

[قناع الذهب]

معلش يا سمسمة انا كنت نسيت اقول حاجة

اي شخص يعد يكلم معاك عن حد تاني في غيابه بمعنى انه يعد يقول لك ده فلان بيقول عنك كذا وكذا

اعرف على طول انه بيسحبك في الكلام عشان تتكلم عنه برضه كلام وحش وبعدين يروح من وراك وينقل له الكلام ده ويوقعكوا ف بعض(طبعا يا جماعة لكل قاعدة شواذ بس انا باتكلم عن حاجات حصلت معايا قبل كدة وارجو انها تفيدكم)....

حصلت معايا انا كمان بس ساعهتها مش ببقى عارفة اصدق ولا لا بقول طيب اللى وصلتلى الكلام دا مصلحتها اية يعنى وببقى حاسة ان اللى قالت عليا الكلام دا قالتة فعلا بس بحاول اكدب احساسى دا وارجع اتعامل معاها تانى بحسن نية وعااااااادى ولا كان حاجة حصلت لحد ما اتقرص تانى وهكذا دواليك يللا ربنا يستر
والف شكر على ردك الجميل

[د\بوسى ربيع]

انا فى واحده كده اعرفها بالفعل بس عامله كنترول بصى الغلطه الاولى بتكون غلطتنا اننا بنثق فى اى حد مينفعش انى ادى لحد نقاط ضعفى مهما كان قريب منى لانه ممكن يستخدمها ضدى ويعملى مشاكل حتى ولو كنت واثق فيه

[قناع الذهب]

موضوع رائع يا سمسمه
والحمد لله مش قابلت حد من دول خالص ويارب ما اقابل خالص

وبجد زى ما فيه الحلو فيه الوحش بس قليل ودى نعمه من ربنا والا كانت تبقى كارثه

الحمد لله يا هنودة فعلا انا حاسة ان الكويسين اكتر من الوحشين كتييييييييير

[قناع الذهب]

أنا فى حياتى صادفت شخصيات كتيره قوى بعضها كان سئ لدرجه اتصورت فيها ان مفيش اسوء من الشخصيات دى
بس بمواصفات الشخصيه اللى انتى عارضاها ياسمسمه واللى عمرى ماصادفت شخصيه شبيها لها واتمنى انى ماصادفهاش تعتبر الشخصيات اللى قابلتها شخصيات عاديه جدا

مافيش حد بيبقى سيىء من كله بيتهيالى يعنى بيبقى فية حاجة او اتنين او تلاتة مش كويسين بس لو هو ذكى يعرف يصلح من نفسة ويكون انسان كويس انما مشكله الانسان دا انة مش بيتعامل حتى مع نفسة بذكاء وبالتالى مش عارف يتعامل مع الناس او بيتعامل معاهم وبيتكشف وبيبعدوا عنة مع ان ممكن يكون فية على الاقل حاجة واحدة كويسة
وشكرا يا قمر نورتى الموضوع

[قناع الذهب]

الحمدلله ماشفتش حد كدا كل اللى اعرفهم كويسين

طيب الحمد لله يبقى اكيد انتى كويسة عشان كدة ربنا بيحط فى طريقك ناس طيبين
وميرسى يا دعاء على ردك