هلموا الى لجان التطوير

[Dr. Atallah F. Ahmed]

من الأمور الهامة فى تحقيق ضمان جودة التعليم هو اشراك الطلاب كمكون اساسى للمؤسسة التعليمية فى عمليات التطوير و اجراءات ضمان الجودة. و على هذا ادعوكم بناء على موافقة السيد الفاضل الأستاذ الدكتور عميد الكلية ان تتقدموا للمشاركة فى تطوير كليتكم. فعلى من يرى فى نفسه الرغبة و الحماس للإنضمام للجان المختلفة للتطوير ان يبادر بتسجيل اسمه و اسم الفرقة و رقم التليفون و البريد الالكترونى (مع بيان السيرة الذاتية) لوحدة ضمان الجودة و الإعتماد بالدور الرابع بالمبنى الإدارى. و سيسكن الطلاب بعد اجراءات معينة فى عديد من لجان التطوير و الجودة بالكلية و التى ستشمل لجنة التعليم و الطلاب و لجنة المشاركة المجتمعية و تنمية البيئة و لجنة الأمان و إدارة الأزمات و لجنة التوظيف و التعاقد و لجنة التنمية و التدريب و غيرها. فها الفرصة امامكم لتطوير الكلية بسواعدكم فهيا تفضلوا.

[تابعة محمد]

بسم الله الرحمن الرحيم
طبعا فى الاول شكرا لحضرتك على هذه المبادرة .
بس ممكن اعرف دورنا هيبقى ايه بالضبط ؟

[dr_Eucalyptus]

جميل قوى الموضوع ده د/ عطا الله

اننا يكون لينا فعلا دور مفعل فى الكليه

جـــزاكم الله عنا خـــيرا د/ عطا الله و حضراتكم د/ محمود

وكل من يساهم فى عمليه التطوير.

بس دورنا هيكون ايه بالظبط؟

[..::ciZar_Resala::..]

أنا رحت للأستاذ ياسر الشربينى النهاردة فى الوحدة حوالى الساعة 4 .. و بالصدفة كانوا متواجدين عشان كان فى لجنة أيزو بتمر ..

قعدت معاه ما يقرب من الساعة .. و شرحلى كل حاجة .. و الحقيقة مرحب بينا جداً .. و الإعلان لسة متعلق فى الكلية النهاردة ...

و إن شاء الله أكون من أول المشاركين لأن كان نفسى ف كده فعلاً ..

شكراً للدكتور عطاالله ..

و شكراً للدكتور محمود بكر اللى أتاح لينا الفرصة

[dr/noony]

والله شئ عظيم جدااااااااااااا
ربنا يجزيكم عنا كل خييييييييير

[Dr Mahmoud]

و إن شاء الله أكون من أول المشاركين لأن كان نفسى ف كده فعلاً ..

ان شاء الله تكونوا كلكم مشاركين
دور الطالب فى تطوير الكلية مهم جدا .. ولو فيه وقت نتقابل فى لقاء طلابى قريبا

[Ramy Saad]

ماشاء الله
أفكار جميلة

بإذن الله نشارك كلنا

[خادم أبى القاسم]

جزاكم الله عنا خيرا..وإلى الأمام بإذن الله

[sa3dany20002002]

ان شاء الله تكونوا كلكم مشاركين
دور الطالب فى تطوير الكلية مهم جدا .. ولو فيه وقت نتقابل فى لقاء طلابى قريبا

السلام عليكم
========
د/ محمود ,,
انا سعيد جدا بمتابعه حضرتك
وياريت ينضم لينا د/ سرى
علشان نكمل معاه الى بداناه مع د/ عطا الله

شكرا لحضرتك
وان شاء الله نكون عند حسن ظن حضراتكم

[sa3dany20002002]

بسم الله نبدا
=========
مؤتمر الدروس الخصوصيه

ياريت حد يفكرنا بالتوصيات الى خرجنا بيها من المؤتمر
والى المفروض انها كانت تبقى معلنه
لانى مش فاكر حاجه من المؤتمر
غير مجموعات تقويه او درس جوه الكليه
و فكره زميله لينا
عن امتحانات اعمال السنه
بدلا من الشيتات نمتحن اعمال سنه
وهيبقى امتحان موحد وهنشوف فيه نظام الامتحان

حاجه تانيه

لائحه الكليه ولائحه اتحاد الطلبه
هل ستعلن ام ستبقى top secret
انا مش عارف ليه محدش عاوز يتكلم فى الموضوع ده

حاجه كمان احب انوه عنها

هل فيه بند فى الائحه يجبرنى على شراء الكتب؟!!
وهل كتب العملى عليها درجاااااااااات زى ما المعيدين بيقولوا؟؟!
وهل من الممكن الفصل بين كتب النظرى وكتب العملى ؟؟
وهل الورقه الملونه الى فى اخر الكتاب( الشيييت )
والى بشترى الكتاب مضطر عشان الورقه دى !!
هل الشيت ده عليه درجات ولا لا ؟؟
ولو عليه درجات هل هذه الدرجه محدده بنسبه معلومه
ومدرجه فى الائحه ومتفق عليها ومعروفه للجميع ؟؟
ولا الحكايه ماشيه بالبركه ؟؟!!

وفيه حاجه كمان
توزيع الدرجات .. عملى ونظرى وشفوى
الشفوى 20 %
العملى 26.7 %
النظرى 53.3 %
دى النسب الى احنا شغالين بيها
اعتقد من وجهه نظرى المحدوده
لو هنطبق نظام اعمال السنه هتكون النسب الى هنمشى بيها
25%شفوى+25%عملى+10% اعمال سنه+40%نظرى
هل من الممكن ان يحدث مثل هذا التغيير؟!!!!!!

نكتفى بهذا القدر ... وللحديث بقيه

==============================
شكرا لسعه صدركم
واسف على الاطاله
==============================