اوكازيون اوكازيون !! ارخص أب وأم للبيع !!!!!!!

[قناع الذهب]

سلامو عليكوا ازيكوا يا جماعة طبعا الف الف مبروك لكل الناجحين وربنا يطمن بقية الناس
انا قرات موضوع مهم قوى قوى وحبيت اننا نتكلم فية سوا واعرف رايكوا
مش عارفة ابتدى منين لكن دلوقتى احنا لسة شباب وعندنا كل حاجة صحة وشباب وامل واهل ياخدوا بالهم مننا ومش ناقصنا اى حاجة الحمد لله
وكل واحد فينا او اغلبيتنا عارف اد اية الاب والام تعبوا عشان خاطرنا وضحوا اد اية عشان يربونا ويوصلونا للى احنا فية
بس اللى بفكر فية يا ترى بعد التضحية والعذاب 20 سنة ولا 30 سنة او اكتر ايا كان يعنى الاب والام دول بتهاجمهم الشيخوخة وبيكبروا بس للاسف فية بعضنا مابيطيقش الاب والام بعد لما بيكبروا ويوصلوا للمرحلة دى
فية ناس بترمى ابوها وامها فى دار مسنين
وفية ناس حتى مش بتطيق تسمع اصواتهم العاجزة المريضة المتوسله الينا اننا نساعدهم فى ابسط الحاجات اللى ياما عملوهالنا
يا ترى هوا دا البر اللى ربنا امرنا بية احنا كدة هنبقى بنردلهم الجميل فكرت شوية وسالت نفسى وقلت اسالكوا كمان
اية رايك فى الشاب العاق والعاصى لاحب الناس الية _(الوالدين )؟؟؟؟
اية رايك فى الشاب اللى بيرمى ابوة وامة فى مستشفى ولا دار مسنين ؟؟؟
ياترى اية اقل واجب نقدر نعملة للوالدين لما يكبروا ؟؟؟
مستنية ارائكوا يا شباب

[black]

موضوع جميل د/قناع الذهب كالعادة زى كل موضوعاتك
اول موضوع اقرأه وانا مش عارفة هقول فية اية انا بستغرب جدا على واحد او واحدة يسبب والده او والدته وهما فى حاجة ليه
*ممكن يكون اصلا الغلط من الام والاب اللى معرفهوش ازاى يخاف ربنا بجد..احتمال!!!!!؟؟؟
دا ربنا قال(اما يبلغن عندك الكبر احدهما او كلاهما فلا تقل لهما اف ولا تنهرهما).
يعنى فى رعايتك زى ما عشت كتير فى رعايتهم.
*وممكن يكون الاهل اصلا كان كل علاقتهم بابنائهم ما هى الا تمويل مادى فقط وبالتالى اما يوصلوا للاستقلالية المادية بيستغنوا عنهم....
*ممكن كمان سوء فى اختيار ازواج الابناء يعنى كل ابن لما يستقل فى حياتة ويكون شريكه جاحد او اتربى بطريقة فيها خطأ من السابق او غيرة مثلا هوكمان بياثر ....
وبرضة لازم كل واحد يحسن اختيار شريك حياته لان بيكون تاثيرهم على بعض حتى اقوى من تاثير الاهل يعنى ممكن يكون ابن متربى كويس جدا بس زى ما يكون ربنا رزقه بشيطان جمبه على طول...
(بس برضة مش عارفة الاقى تفسير مقنع للجحود واللى بقى منتشر اوى ايا كانت الظروف الظاهر ان البشر نسيوا انه كما تدين تدان)

[same7]

هوة فعلا موضوع خطير
لكن ساعات بكون مع والدين صالحين فدة يمكن يكون ابتلاء
وساعات بيكون دين
ويمكن يكون سؤء تربيه
ويمكن يكون بسبب اصدقاء السوء
وفعلا دى حاجه وحشه جدا لان مش هيبقى كفايه انهم كبروا ومش قادرين لكن كمان لاقين ابنهم عاق بيهم بجد دة بيزيد اكيد بيزيد همهم
واعتقد ان لو الواحد لو عاملهم بكل بساطه مش هيحس بحاجه ابدا وهيرضى ربنا وكمان هيرضيهم
اعتقد ان كلمه حاضر سهله قوى
بجد جرب تعاملهم حلو وعامل كل اللى حواليك حلو هيحبوك بجد وهتبقى سعيد

[قناع الذهب]

وممكن يكون الاهل اصلا كان كل علاقتهم بابنائهم ما هى الا تمويل مادى فقط وبالتالى اما يوصلوا للاستقلالية المادية بيستغنوا عنهم....

اولا بشكرك على ردك اللى هوا اول رد على الموضوع وردك جميل جدا وانا فعلا بستغرب من الشباب اللى بيعملوا كدة فى اهاليهم ومش مدركين انهم ممكن يتعمل فيهم كدة فى يوم من الايام
مع ان عقوق الوالدين الحاجة الوحيدة اللى ربنا بيعجل بعقابها فى الدنيا قبل الاخرة لان ربنا قال تانى حاجة بعد الاسلام هوا طاعة الوالدين فما بالك بقة باللى بيرمى امة وابوة مش هقوللك مش بيطيعهم ولا بيعاملهم باسلوب مش كويس لا دا بيرميهم يعنى بيستغنى عنهم بعد لما خلاص انتهت مهمتهم بالنسباله مش عارفة انسان زى دا نقول علية اية اكيد عديم الاحساس ومعندوش ادراك
بشكرك تانى لمرورك يا قمر

[قناع الذهب]

هوة فعلا موضوع خطير

لكن ساعات بكون مع والدين صالحين فدة يمكن يكون ابتلاء
وساعات بيكون دين
ويمكن يكون سؤء تربيه
ويمكن يكون بسبب اصدقاء السوء
وفعلا دى حاجه وحشه جدا لان مش هيبقى كفايه انهم كبروا ومش قادرين لكن كمان لاقين ابنهم عاق بيهم بجد دة بيزيد اكيد بيزيد همهم
واعتقد ان لو الواحد لو عاملهم بكل بساطه مش هيحس بحاجه ابدا وهيرضى ربنا وكمان هيرضيهم
اعتقد ان كلمه حاضر سهله قوى
بجد جرب تعاملهم حلو وعامل كل اللى حواليك حلو هيحبوك بجد وهتبقى سعيد

شكرا على ردك ومداخلتك يا د\ سامح وانا رايى ان فعلا كل العوامل دى بتبقى السبب فى عقوق الوالدين وخصوصا سوء التربية لان لو الام والاب دول من الاول ربوا اولادهم على ان ربنا رقم واحد وهما رقم 2 عمرة ما كان هيفكر يعمل فيهم كدة انما الدلع وتلبية كل الطلبات من الصغر هيا اللى بوظتة وخلاص لما معدش لهم لزمة ماديا بالنسباله رماهم زى البنك اللى فلس بالظبط ومش عارف ربنا هيعاقبة ازاى وهيعمل فية اية

وكمان اصدقاء السوء عامل اساى لان الواحد بطبعة بيتاثر باللى حوالية بيشوف اصحابة بيتعاملوا ازاى مع اهاليهم واكيد لو صاحبة بيعامل والدة ووالدتة كويس هوا نفسة هيستكسف يعامل اهلة وحش اقل ما فيها هيقول يعنى هوا احسن منى غى اية والعكس طبعا
بشكرك لمرورك تانى د\ سامح على اسم دكتور الاسنان بتاعى ههههههههههه

[pharmacistina]

انتي بتقرأي أفكاري سبحان الله ..
أنا لسة كاتبة حاجة عن الموضوع دة ..
طيب عشان خاطرك هنزلها دلوقت ..

كنت سايباها للأسبوع الجاي ..

بس انتي موضوعك خلاني أستعجل و أحطها ..

ابقي اقريها بقى لأنها متعلقة بالموضوع دة ..

http://www.pharma-board.com/board/sh...839#post110839


بجد الموضوع دة يبكي أي حد ..

طول عمر أهلنا تعبانين عشاننا و بيعلمونا و بيصرفوا علينا و بيشتغلوا عشاننا واحنا مش عايزين نفرحهم ..
أقل حاجة نجيب نتيجة كويسة ..
والله المفروض نحطهم جوا عنينا لما نكبر ..
الدنيا بحالها ولا تساوي حاجة جمب رضاهم و الله ..
أنا أتعس لحظات حياتي لما بابا أو ماما يكونوا تعبانين ..
أتمنى اني ييجي فيا أي حاجة هما بيشتكوا منها و الله ..
صحيح أنا أحيانا كتير بتعصب وبخرف لكن هما أغلى شيء في حياتي بجد ..
موضوع دار مسنين دة بيوجع القلب و الله ..
ازاي أصلا الأب و الأم هما اللي عاملينا بني آدمين ليهم قيمة - معلش في الكلمة يعني - لكن دي حقيقة ..
لأن هما اللي علمونا و صرفوا كتير جدااا على التعليم و طبعا في الكلية ما شاء الله بجد لو مكانهم مش عارفة كنت عملت ايه .. و بعد كدة أصلا بيوتنا اللي هنعملها تقريبا هيكون كلها اللي شاريها أب و أم سواء للزوج أو الزوجة ..
ازاي تبقى بيوتنا من فلوسهم و ما نعرفش نستقبلهم فيها ..
على فكرة اللي بيعمل حاجة في الأب و الأم بتنعمل فيه لااااازم ..

أشكرك ع الموضوع الجميل ..

[قناع الذهب]

انتي بتقرأي أفكاري سبحان الله ..
أنا لسة كاتبة حاجة عن الموضوع دة ..
طيب عشان خاطرك هنزلها دلوقت ..

كنت سايباها للأسبوع الجاي ..

بس انتي موضوعك خلاني أستعجل و أحطها ..

ابقي اقريها بقى لأنها متعلقة بالموضوع دة ..

http://www.pharma-board.com/board/sh...839#post110839


بجد الموضوع دة يبكي أي حد ..

طول عمر أهلنا تعبانين عشاننا و بيعلمونا و بيصرفوا علينا و بيشتغلوا عشاننا واحنا مش عايزين نفرحهم ..
أقل حاجة نجيب نتيجة كويسة ..
والله المفروض نحطهم جوا عنينا لما نكبر ..
الدنيا بحالها ولا تساوي حاجة جمب رضاهم و الله ..
أنا أتعس لحظات حياتي لما بابا أو ماما يكونوا تعبانين ..
أتمنى اني ييجي فيا أي حاجة هما بيشتكوا منها و الله ..
صحيح أنا أحيانا كتير بتعصب وبخرف لكن هما أغلى شيء في حياتي بجد ..
موضوع دار مسنين دة بيوجع القلب و الله ..
ازاي أصلا الأب و الأم هما اللي عاملينا بني آدمين ليهم قيمة - معلش في الكلمة يعني - لكن دي حقيقة ..
لأن هما اللي علمونا و صرفوا كتير جدااا على التعليم و طبعا في الكلية ما شاء الله بجد لو مكانهم مش عارفة كنت عملت ايه .. و بعد كدة أصلا بيوتنا اللي هنعملها تقريبا هيكون كلها اللي شاريها أب و أم سواء للزوج أو الزوجة ..
ازاي تبقى بيوتنا من فلوسهم و ما نعرفش نستقبلهم فيها ..
على فكرة اللي بيعمل حاجة في الأب و الأم بتنعمل فيه لااااازم ..

أشكرك ع الموضوع الجميل ..

شفتى ان انا بقرا افكارك بس على فكرة موضوعك وكلامك تحفة تحفة ماشاء الله بجد
انا فعلا معاكى فى كل كلمة بتقوليها ومعاكى ان احنا احيانا بنتعصب وبنعمل حاجات ملهاش لزمة بس انا احيانا مش كتير بس يارب مانوصل ابدا للدرجة دى من الجحود دا لو الام والاب دول كانوا بيربوا كلب او حيوان هيكون وفى ليهم عن كدة لان اللى بيحصل من اهمال والقاء فى دار المسنين وياريتهم بيرموهم ويسالوا عليهم لا خلاص بيعتبروهم اتدفنوا اللى بيحصل دا غدر وخيانة
انت لو حد قدملك جميل بتعممله اية مش بتشكرة وتفضل تتنطتلة وشكرا شكرا
فما بالك اللى هما سب انك جيت الدنيا وبقالك اسم مش هقوللك صرفوا عليك وسهروا وتعبوا عشانك وربوك كفاية بس انهم جابوك بس فعلا اللى زى دول العاقين اكيد اخرتهم لنار ومش اى مكان فيها اكيد اخر مكان واسفل مكان لان اللى عملوة مش قليل
انا بشكرك مرة تانية يا قمر ةنورتييييييييييييييييييييييييييينى

[قناع الذهب]

مع انى كنت فاكرة ان كلنا هندخل ةنشارك بس واضح ان كلنا يا اما قلقان من النتيجة يا اما بدا يدح هههههههههه انتوا رحتوا فين نمتوا ولا اية ؟؟؟
عايزة اعرف بجد رايكوا فى الموضوع

[Mohamed Al Gohary]

نعمل ايه بقى ما احنا مطمناش زى ناس نتيجتهم حلوه اوى

[قناع الذهب]

نعمل ايه بقى ما احنا مطمناش زى ناس نتيجتهم حلوه اوى

هههههههههههههههههههه ربنا يطمنكوا يارب وتطلع نتيجتكوا حلوة قوى قوى
على فكرة سنة تانية سهلة ولما تروحوا تالتة تعرفوااااا
ومستنية ردكوا