كيف تجعل الشيطان يوقظك لصلاة الفجر؟

[أمــ هـنـد ــة الله]

كيف تجعل الشيطان يوقظك لصلاة الفجر؟

أولا
الاستعانة بالله.

ثانيا
تتكلم مع الشيطان وتقول له اذا ضاعت مني صلاة الفجر في يوم
فسأعاقب نفسي وأعاقبك بأشياء حلال من صدقة وصيام وقراءة القران
واستغفار وتوبة وذكر وصلة رحم..... حتى تندم يا ابليس أني لم أصلي فجر
هذا اليوم وذلك كل يوم تضيع عني فيه صلاة الفجر.

ثالثا
ان الشيطان همه فوات الثواب الأكبر علينا فلو وجد أن بضياعك
لصلاة الفجر ستفعل كل هذه الحسنات فسيكون أول من يوقظك للصلاة.

رابعا
يجب أن تعلم أن الشيطان سيختبر مدى جديتك أستفعل هذا مرة واحدة
أم أنك على العهد... فان وجد منك العزم والقوة والجدية فسيكون
أول من يقوم بايقاظك للصلاة. و هذا العزم ناتج عن تحديك للشيطان،
و عدم رضاك بأن يغيضك أمام الله تعالى

خامسا
من الممكن أن تجعل هذه الطريقة مع أي ذنب يستصعب عليك تركه.


لكن و أقولها مع كل أسف شديد، قليل هم من سيتحدون الشيطان
و يبعدوا عن أنفسهم طغيانه
لكن هناك فئة يستعصي عليها تجنب مسالك الشيطان
أتدروون لماذا
هناك إجابة واحدة
إيماننا ضعيف

فهيا يا اخواني معاً نقوم بإغاظة الشيطان ...
ونضحك منه كما ضحك منا..
ولنري الله منا خيرا.

منقـــــــــــــــــــــــول

[pharmacistina]

أضيف حاجة مهمة يا هنودة ..
الاستعانة بالصحبة الحلوة ..
الكل يرن على بعضه أو اتصال قبل الفجر بفترة ..
دقيقة موبايل عشان تصحي مسلم لصلاة الفجر ثوابها كبير ان شاء الله ..
النوم بدري بقدر الامكان ..
والاستعانة بالله و النية لما الواحد ييجي ينام ..
ان شاء الله هصحى للفجر ان شاء الله ..
تلاقي نفسك تصحي ع الآذان قبل ما المنبه يضرب كمان ..
وشوية شوية الساعة البيولوجية هتاخد ع الوضع وتنضبط ..
مش عارفة ازاي انسان مسلم ينام وما يقومش يصلي الفجر ..
لو حصلت معايا بصحى كارهة نفسي و الله ..

( أَقِمِ الصَّلَاةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا )
صلاة الفجر أجمل صلاة لأنها في هدوء تام ..
ركعتين يعني مش هنتعب وركعتين سنة ..
ركعتين تشهدهم ملائكة الليل و ملائكة النهار ..
وبعدين اشمعنى في الصيف بنسهر قدام التيليفزيونات للفجر ..

يا رب ديمها نعمة يا رب ..
وارزقها كل من ليست عنده ..

أشكرك ع الموضوع جزاكم الله خيرا

[أمــ هـنـد ــة الله]

أضيف حاجة مهمة يا هنودة ..
الاستعانة بالصحبة الحلوة ..
الكل يرن على بعضه أو اتصال قبل الفجر بفترة ..
دقيقة موبايل عشان تصحي مسلم لصلاة الفجر ثوابها كبير ان شاء الله ..
النوم بدري بقدر الامكان ..
والاستعانة بالله و النية لما الواحد ييجي ينام ..
ان شاء الله هصحى للفجر ان شاء الله ..
تلاقي نفسك تصحي ع الآذان قبل ما المنبه يضرب كمان ..
وشوية شوية الساعة البيولوجية هتاخد ع الوضع وتنضبط ..
مش عارفة ازاي انسان مسلم ينام وما يقومش يصلي الفجر ..
لو حصلت معايا بصحى كارهة نفسي و الله ..

( أَقِمِ الصَّلَاةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا )
صلاة الفجر أجمل صلاة لأنها في هدوء تام ..
ركعتين يعني مش هنتعب وركعتين سنة ..
ركعتين تشهدهم ملائكة الليل و ملائكة النهار ..
وبعدين اشمعنى في الصيف بنسهر قدام التيليفزيونات للفجر ..

يا رب ديمها نعمة يا رب ..
وارزقها كل من ليست عنده ..

أشكرك ع الموضوع جزاكم الله خيرا

ربنا يكرمك يارب يا فارماسيستينا على ردك المفيد ده

وافتكر لما كان المسجد اللى ف الكلية موجود كانو بنات عاملين لوحه واللى عايز يكتب رقم موبايله فيها

وبيطلو ان اللى يشوف الارقام دى يرن عليها ساعة الفجر

بس ما اجمل الصحبه اللى بتشجع بعضها على كده

الفترة اللى فاتت كنت متفقه مع واحده اننا نصحى بعض الفجر بس حاليا ف حالة وضع وسبحان الله والحمد لله عدت منتظمة الى حد ما لصلاة الفجر
وبالنسبه لما تصحى محتقرة نفسك عشان مش صليتى فده اكيد وبيحصل معايا كده مش بحس براحه بس انتى عارفه ان ربنا كريم وبياخد بالنية

[sunshine]

جزاكى الله كل خير يا هنوده الموضوع حلوووووووو اوى وربنا يجعله فى ميزان حسناتك

[دينا سالم]

جزاكي الله خيرا .فاثقل صلاة ع المنافقين الفجر والعشاء.ارجو من اخواني ان يدركوا معني هذا جيدا ان المنافق من؟ هو من يظهر الايمان ويبطن الكفر. والله اعلم انكم لستم هكذا ولكن من قال هذا الحبيب المصطفي وما ينطق عن الهوي.واستعينوا بالله واصدوقوا النية وقراءة القرآن قبل النوم وبخاصة اخواني سورة تبارك.ففي فضل سورة الملك عن ابي هريرة رضي الله عنه قال:قال صلي الله عليه وسلم"ان سورة من القرآن ثلاثون آية شفعت لرجل حتي غفر له وهي تبارك"رواه احمد وابو داود والترمذي وغيرهم وروي الترمذي عن ابن عباس قال صلي الله عليه وسلم:"هي المانعة,هي المنجية تنجيه من عذاب القبر"

[Amira]

وبالنسبه لما تصحى محتقرة نفسك عشان مش صليتى فده اكيد وبيحصل معايا كده مش بحس براحه بس انتى عارفه ان ربنا كريم وبياخد بالنية

فعلا الواحد بيحتقر نفسه جداااااااااااااااا لما يصحى الصبح ومكانش صلى الفجر وبتضايق جدااااااا


شكرا يا هند وجزاك الله خيرا

[mesery]

انا اتعود على الحكاية دى ..فى فترة الامتحانات اللى فاتت كنت الحمد للة بصلى الفجر شهر الامتحانات كلة
ولحد دلوقتى ...اتعودت علها ومواظب ...فالحكاية كاية تعود ونية صادقة فقط
وادعولى انى استمر واحافظ عليها

[SmSm]

جميل جدا الموضوع و أنا عقدت العزم بعد قراءة موضوعك على اني أنا و صديقتي نشجع بعض على كده
ربنا يهدينا جميعا

[أمــ هـنـد ــة الله]

ربنا يرزقنا الاخلاص جميعا وسبحان الله صلاة الفجر دى ليها اثر كبير ف حالة الانسان زى مثلا راحه ف الصدر نور ف الوجه ....وربنا يرزقنا اجر صلاة الفجر كل يوم
جزاكم الله خيرا على الردود بجد اسعدتنى جدااااااا ويارب بجد كلنا نستفيد ونحاول نشجع بعض واى بنت ناويه تقوم تصلى ممكن نشجع بعض ونصحى بعض

[monosh]

يارب ثبتنا وثبت قلوبنا على دينك.

الحمد لله ...ربنا يقوينا على الشياطين ويعينا عليهم ان شاء الله.

ويهدى الجميع وينعم على المسلمين جميعا بصلاة الفجر حاضر.

وقتها بس حياتنا كمسلمين هتتغير جامد.

شكرا هنودة....جزاكى الله كل خير.