ايدي في ايدك 0000يلا نفتح قلوبنا

[..::ciZar_Resala::..]

مشاركتك جميله ياد/mido بس ليه انت مخلي الموضوع نظرات ياريت تصارح وانت هاتلاقي رد فعل
بس من غير مصارحه ماتنتظرش حاجه لان البنت مهما كان حياءها يمنعها من انها تصارح الولد بحبها

فى موضوع فى قسم المناقشات .. كان بيتكلم عن حياء البنت .. و هل تقبل بحب بنت .. لو هى اعترفتلك بحبها الأول .. و إنت مكنتش بتفكر فيها أساساً ؟؟ .. و لا إيه نظرتك للبنت دى ؟؟ .. هل ممكن تفكر فيها ؟؟ .. و لو كان الكلام تلميح ؟؟

طب لو إنت كلمت بنت و صدتك ؟؟؟ مش لأنها مش بتحبك .. لأ بتحبك .. بس خايفة من شكلها قدام زميلاتها و زمايلها فى الكلية .. هيكون إيه تصرفك ؟؟؟

و لو إنت حبيت واحدة للأسف .. و لقيتها كل يوم بتصاحب ده .. و بتكلم ده .. و بتقف مع ده .. و تضحك مع ده .. إيه نظرتك ليها بعد كده ؟؟

اللى فتح باب المناقشة .. كلامكوا يا SSS

[sokar-resala]

انا يمكن مادخلتش علي قسم المناقشات قبل كده بس الموضوع شكله حلو وشكرا علي المشاركه وانا هاقرأ الموضوع التاني

[بنت مصر]

والله يادكتور الموضوع جميل جدا جدا لان فعلا فى مشاكل ومواضيع بالمناقشه بتوضح وبنكتشف اننا كنا مكبرينها وبنكتشف حل للمشكله وبنبقى محتاجين حد نتناقش معاه بس فعلا المشكله زى ماقال دكتور ياسر اننا فعلا مش هنقدر نقول مشاكلنا بصراحه فممكن نتكلم بشكل عام شكرا يادكتور على الموضوع

[sokar-resala]

عموما ياجماعه بشكل عام او بشكل خاص المهم اننا نتكلم في المشكله اللي مضيقانا
واننا نلاقي لها حل
وهو ده الهدف من الموضوع اننا نلاقي حل للمشكله مش اننا نعرض المشاكل علي الفاضي
وطبعا رأين احسن من راي ولو كان الكل بيشارك اكيد مش هانغلط عشان لو كان في واحد بيفكر غلط اكيد الباقين هايصححوا له الغلط ده
بمعني ان مش كله هابغلط وبجده نكون وصلنا لحل اكتر صحه من الراي اللي انت فكرت فيه لواحدك
وياريت حد يجرب ويعرض مشكله حتي لو مش بتاعتوا بس ادينا هانتعلم من مشاكل الاخرين

[midoo1987]

اولا انا معرفش ولا واحد على المنتدى بجد على الرغم من انى عارف ناس كتير اوىاوىاوىاوى فى دفعتى وفى دفعات تانيه كتير وده بفضل اله عليا والحمد لله
ثانيا اناعايز اعرف يا sss سؤال بيراودنى كتير
ازاى اروح اصارحها بحاجه زى كدة وأنا عمرى ما وقفت معاها ولا حتى كلمتها قبل كده الا اذا اتقابلنا فى مواقف معينه ابدا اكلمها واصارحها بمدى اعجابى وحبى ليها؟؟؟؟؟؟؟؟؟؟؟
وشكرا لاراء الناس كلها
وسلاااااااااااااااااااااااااااااااااام

[sokar-resala]

انت ممكن تحاول انك تخلق الفرصه الليتسمحلك انك تتكلم معاها
يعني مثلا تقف معاها مع اصحابها
وتتكلم معاهم كلهم
ومره تانيه ممكن انك تفتح موضوع وتسألها علي رايها فيه ومره في مره تلاقي العلاقه بينكوا خدت شكل حلو شويه
يعني ممكن تقابلك في الكليه تقولك صباح الخير وكده يعني
وبعد مالموضوع يكون مش محرج انت ممكن تقولها انك عايزها في شئ مهم وتقولها علي كل اللي انت عايزه ببساطه وبصراحه وقولها علي كل اللي انت حاسس بيه وممكن تلاقيها هيه كمان معجبه بيك بس مش قادره تبدا هيه بالكلام
بس قبل كل اللي فات ده انت لازم تتأكد الاول انها مش مرتبطه بحد تاني لانكوا في سنه رابعه وده شئ وارد
وده ممكن يكون عن طريق حد تاني قريب ليها منعا للاحراج من الطرفين
وكمان انت لازم تكون عارف الظروف بتاعتك كويس قوي يعني انتوا لو اتنين زمايل هل ظروفك الماديه والبيت يسمحلك انك ترتبط بواحده من زمايلك ولا انت لسه قدامك المشوار طويل
انت لازم تسأل نفسك كل الاسئله ديه قبل ماهيه اللي تسألهالك
ولو ماقدرتش انك انت اللي تقواها حاول انك تلاقي حد قريب ليك وقريب ليها في نفس الوقت او حد من اصحابها وخليه يقولها علي اعجابك بها او علي الاقل يلمح لها بحيث انه يمهد ليك الطريق انك تتكلم معاها
بس خلي الاقتراح ده اخر ملاحله علشان انت ماتدخلش حد بينكوا
وكمان الموضوع ده ممكن يكون محرج
وعلشان كده انت ماتلجأش للحل ده الا في الاخر خالص