سجل ملاحظاتك عن المنتدى

[M_S_SH]

شكرا يا دك علي التوضيح

[monosh]

ألف شكر يا دكتور محمد ع التوضيح.

وشكرا لكل الناس اللى بتتعب عشان المنتدى وعشان يكون فى أجمل شكل ومضمون ويظهر بصورة نقدمها لكل الناس وتشرفنا احنا (كلية الصيدلية).....جامعة المنصورة.

انتم مش متخلين يا جماعة احنا مميزين قد ايه....فى كليات تانية نفسها فى منتدى نصف اللى احنا فيه ده.

كان الله فى عونكم......وإن شاء الله ديما فى تطور مستمر.

جزاكم الله كل خير.

[wh_kaboo]

انا اسف انى رجعت هنا تانى وكتبت هنا تانى !!!!!
بدال لسه المعاملة السيئة دى ؟؟؟؟؟؟

وبعدين لو مش عاجبكم الموضوع احذفوه مش كل شويه مشاركة تنحذف

على العموم انا اسف مرة تانية

سلام اللى الابد للناس اللى فاكرة ان المنتدى ملكهم!!!

[wh_kaboo]

امال فين حرية الراى والتعبير ؟؟؟
ههههههههههههه
كل واحد فاكر نفسه ايه ؟؟؟؟ رقيب علينا ولا ايه ؟؟؟
احنا مش عيال صغيرة
ولا علشان الناس مش بتتكلم


جميع ما يطرح بالمنتدى تحت مسؤولية كاتبه ...ولا يعبر عن رأي الكلية او الموقع إطلاقا

((( نكتة جامدة )))

[:|©؛°¨¨°؛©الصيدلى الذهبى©]

امال فين حرية الراى والتعبير ؟؟؟
ههههههههههههه
كل واحد فاكر نفسه ايه ؟؟؟؟ رقيب علينا ولا ايه ؟؟؟
احنا مش عيال صغيرة
ولا علشان الناس مش بتتكلم

جميع ما يطرح بالمنتدى تحت مسؤولية كاتبه ...ولا يعبر عن رأي الكلية او الموقع إطلاقا

((( نكتة جامدة )))

وبعدين كمان كل الاعضاء هنا طلاب فى كليه الصيدله يعنى الرأى واصل واصل مفيش حد غريب كلنا زمايل

[wh_kaboo]

وبعدين كمان كل الاعضاء هنا طلاب فى كليه الصيدله يعنى الرأى واصل واصل مفيش حد غريب كلنا زمايل

معلش ياعم على اصل فين ناس فاكرة ان المنتدى ده ورث من عند بابا ؟؟؟؟؟

[Mohamed Al Gohary]

السلام عليكم

د.وليد

كل اللى حصل ان حضرتك كتبت مشاركتين وراد بعض الاولى هى عباره عن اول سطر فى المشاركة التانيه .. فطبيعى ان المشاركتين دول اندمجوا فى مشاركة واحدة وتم حذف الجملة المكررة .. اعتقد ده اجراء اشرافي عادى خالص ..

شكرا يا دوك mt على التوضيح وان كان فيه بعض الكلام هنوضحه بعدين ؟؟؟

مفيش اى مشاركات اتحذفت .. وياريت تقول لنا نص المشاركات اللى انت بتقول انهم اتحذفوا دول ؟

وان كنت انا شايف ان الغرض من الموضوع اللي اتعمل رد على استفسارات ، واترد على كل الاستفسارت ..... يبقى ليه هنحذف ردود بالرغم من السخريه في اخر ردودك بطريقه مش مقبوله ؟

[تابعة محمد]

بسم الله الرحمن الرحيم
لو سمحتم يا جماعة سؤال واحد او اتنين :-
1- اولا التغيرات الى حصلت سهلت من استعمال المنتدى و التنقل فيه و لا لانى مكنتش بدخل من اول ما اتعمل ؟
2-ثانيا ما هى المشكلة فى حذف التوقيع اذا كان فى ناس كتير مبتقراش التوقيع و ناس تانية بتحط صور مش مناسبة ان البنت تشوفها او الولد .
لو سمحتم يا جماعة قبل ما نقول حاجة و نحط فى بلنا ان دايما الحكومة مبتحبش الشعب شوف الحاجة ديه هتفيدك و لا لا مين عارف مش ممكن يغلطوا مرة و يفيدوك ؟!!!!!!!!! اوعى تستعجل .

[mr_toxic]

ياجماعة

هوا احنا اعداءكم

اى مشرف هنا والادمن
اى حاجة بنعملها غرضها تسهيل التعامل فى المنتدى

مش التعقيد

وبعدين احنا منتدى رسمى
يختلف عن اى منتدى اى حد مشترك فية
ياريت بردة ناخد بالنا من النقطة دى

[pharmacistina]

صح يا جماعة المشرفين زمايلنا وزميلاتنا .. محدش يبصلهم على انهم متحكمين فينا وخلاص يعني ..
الأمور بسيطة .. وبالراحة اللي مزعله حاجة يقولها و محدش يزعل ..
أنا اتحذفلي كلام من مشاركة قبل كدة ..
وبالنسبة للاشراف
أنا فاكرة في أجازة الصيف كان معمول اعلان في المنتدى .. ( مطلوب مشرفين لجميع الأقسام )
عادي كان ممكن أي حد عايز يبقى في الاشراف .. فعادي مانكبرش الأمور كدة ونزعل من بعض و نسيب المنتدى خالص .. عشان ايه بس ؟؟!! احنا كبار نكبر عقولنا بقى