سجل ملاحظاتك عن المنتدى

[M_S_SH]

انا معاك يا دك
لية كل التغيرات دة حصلت هوا احنا المفروض نتغير للاحسن ولا للاسوء
بتهيقلي الحاجات الصغيرة دي مكنتش هتفرق مع الادارة بس الصراحة فرقت معانا احنا كتير
يا ريت حد من الادارة يقولنا لية كدة

[سامح هادى]

والله مش عارف انا حاسس ان التغييرات اللى انت بتقول عليها مش مؤثرة اوى على اداء المنتدى

لكن بالنسبة للتغيرات الأخرى

just wait,.

[dr queen]

أنا معاك د/ وليد فى الفكرة جدااااااااا ،

وأكتر حاجة أثرت معايا هى شريط أخر مشاركة ..

وحكاية الاعضاء اللى قاموا بمشاهدة الموضوع دى كنت متضايقه منها الاول لكن
دلوقتى حاسه ان كده أفضل لانها كانت بتعمل مشاكل .. الادارة أدرى منى بيها ..

وكان فيه أعضاء معينين بدون ذكر أسماء كانوا بيقولوا
ليه يا فلان قرأت وما ردتش وليه يا علان ما قلتش رأيك
( طبعا كل واحد وعارف ظروفه وفيه اللى ممكن يخليه يقرأ موضوع وما يردش عادى ، سواء الوقت أو أى حاجة تانيه )
ووصلت لانهم بقوا بيبعتوا رسايل خاصه للأعضاء كمان عشان يسألوهم ليه ما ردوش على مواضيعهم ..

وبالنسبه للتوقيع فعلا ،
نفسى أعرف ليه منعوه رغم ان الناس كانت توقيعاتها محترمة جدا ،
واللى ماكنش عاجبهم كانوا ممكن يشيلوه ..

[سامح هادى]

أنا معاك د/ وليد فى الفكرة جدااااااااا ،

وأكتر حاجة أثرت معايا هى شريط أخر مشاركة ..

فى عنوان اسمه المشاركات الجديدة جنب المحاضرات والتقويم بتهيألى بيقوم محل الشريط

اللينك ده http://www.pharma-board.com/board/search.php?do=getnew

[dr queen]

أنا واخده بالى د/ سامح ،
بس التانى كان أسهل وممكن تشوفه من غير ما تفتح صفحه جديده

وكمان هنا كل ما تفتح الصفحه شرط تنتظر 100 ثانيه لو جيت تبحث عن حاجة تانى او تفتحها تانى ..

لكن أنا شايفه ان التانيه كانت أسهل بكتير ..

ده رأيى ..

[BoNbOoNa]

التوقيــــــــــع لاننا كنا بستغله في كسب الحسنات و كمان بيعبر عن شخصياتنا و مش شايفة سبب مقنع لمنعه

[M.tal3t]

السلام عليكم ورحمة الله وبركاته ..

أولا أشكركم على إستفساراتكم

لكن ليه كل واحد بيبص للموضوع من ناحية حاجات ناقصه وبس ؟

أنا كعضو .. هدفي ان كل الخيارات متوفره ليا بأحسن صورة .. وده حق لكل شخص هنا..

لكن لازم نعرف اننا مش لوحدنا في المنتدى ..

كل واحد فيكم عاوز كل حاجه زي ما كانت .. وانا .. وغيري .. والف والفين ..

اولا :
كان فيه فى الاول شريط ((اخر مشاركة )) بيعرفنا اخر المواضيع المشارك فيها بدال ما اقعد ادور على المشاركات الجديدة فى كل المنتدى واضيع الوقت .

ثالثا :
الاعضاء اللى شافوا المواضيع ؟؟؟
ودى كانت بتعرفنا اللى شاف مواضيعنا من غيره ؟؟؟؟
علشان ما يجيش واحد يقول انه بيشوف وقرأ وهوه لا؟؟؟

ردا على النقطه الاولى والثالثه .. وكمان نقطتين من عندي

4- المتواجدون خلال 24 ساعه
5- من مواضيع العضو اللي كانت تحت المشاركة .

---------

المنتدى الحمد لله بيزوره يوميا ما بين 800 لـ 1000 زائر

عدد الصفحات اللي بتتفتح يوميا وده خلال الامتحانات .. يعني كل يوم في فرقه كامله مش متواجده زي اليوم اللي قبله عشان اكيد ليلة امتحانهم ..
لان العضو ساعتها مش هيعد عالمنتدى ليلة امتحانه زي اليوم اللي قبليه او اللي قبليه .. تمام !

عدد الصفحات لا يقل عن 5000 صفحه .. وبعد الامتحانات بتزيد ما بين

5000 - 10000 .. الضعف تماما ..

لو جينا نشوف الضغط الهائل اللي بيعمله النقاط اللي فاتت على قاعدة البيانات ..

هيوقف المنتدى .. وده كان سبب توقفنا آخر مره ..

فايه اللي يهم دلوقتي .. اداء كويس بدون التأثير على الهدف الاساسي ولا توقف مستمر !

طيب دلوقتي هل في بدائل ؟

المشاركات الجديده فوق .. بتغني عن اخر 10 مواضيع ..

وقت ما تدخل تضغط عليها وتشوف الجديد اللي اتكتب وحضرتك مكنتش موجود على المنتدى .

المتواجدون الان واللي دخلوا الموضوع مش مؤثره على الهدف الاساسي اللي حضرتك داخل المنتدى عشانه ..

وهو النقاش .. مش مطلوب ان كل شخص عرف مين اللي دخل موضوعه ويشوف مين اللي رد او اللي مردتش او لأي سبب كان ..

وحكاية الاعضاء اللى قاموا بمشاهدة الموضوع دى كنت متضايقه منها الاول لكن
دلوقتى حاسه ان كده أفضل لانها كانت بتعمل مشاكل .. الادارة أدرى منى بيها ..

وكان فيه أعضاء معينين بدون ذكر أسماء كانوا بيقولوا
ليه يا فلان قرأت وما ردتش وليه يا علان ما قلتش رأيك
( طبعا كل واحد وعارف ظروفه وفيه اللى ممكن يخليه يقرأ موضوع وما يردش عادى ، سواء الوقت أو أى حاجة تانيه )
ووصلت لانهم بقوا بيبعتوا رسايل خاصه للأعضاء كمان عشان يسألوهم ليه ما ردوش على مواضيعهم ..

ده مكانشي في تفكيرنا نهائيا .. لكن من رأي الدكتوره مثلا شايفه ان ده افضل من ناحيه معينه .. واحنا شايفين انه افضل من ناحيه تقنيه ... لان اللي يدخل ومايردش دي حريته .. لانه مش ملزم انه يرد على كل موضوع يشوفه .

ثانيا :
التوقيــــــــــــــــــــــــــــــــــع
الل كان بيعبر عن كل وجه نظر كل فرد دلوقتى مقتصر على المشرفين بس ليــــــــــــــــــــه ؟؟؟؟؟

التوقيع متوقف عند الكل حاليا .. ماعدا أعضاء هيئة التدريس


السبب اللي قلناه عشان وقفنا التوقيع .. سوء الاستخدام

لو كل عضو ملتزم باللي قلناه كان كل حاجه هتبقى تمام

لكن مره عضو حاطط صورة ديسك توب كامله .. مخليه الصفحه كيلو شمال وكيلو يمين ؟

مش معقول ..

الصور اللي بتحط في كتير منها مخالف ...وكل شويه نعدل ونحذر ومفيش فايده

حتى التواقيع المناسبه في محتواها.. لكن الطول مش مناسب ؟؟؟

يعني عامل توقيع لكن عشان تنزل من رده للـ رد اللي بعديه مضطر تعمل scrolling صفحه كامله ...

التوقيع حاليا بنظبطه .. وهيرجع ان شاء الله طالت الفتره او قصرت

لكن مش هيرجع زي الاول أبدا

هيرجع بأوبشن محدده هتلائم شكل ونظام المنتدى والتصفح المناسب..

-----------------

وكمان هنا كل ما تفتح الصفحه شرط تنتظر 100 ثانيه لو جيت تبحث عن حاجة تانى او تفتحها تانى ..

ده طبيعي في كل منتدى ان فيه وقت انتظار بين كل عملية بحث والتانيه ..

النقطه دي ليه ... ليه اسباب تقنيه في حماية المنتدى اكتر ماهي اسباب للتضيق على الاعضاء زي ما انتوا فاكرين ..

لان في عالم التقنيه في شباب بيصنعوا حاجات اسمها bot وظيفته ان يسجل اتوماتيك ..

ويدخل يشتغل بحث ورا بعضه في المنتدى لحد ما المنتدى يقع !!

زي لما تيجي تسجل .. الصوره اللي بتكتب حروفها مش عاملينها لمجرد اننا بنختبر نظر الشخص اللي بيسجل !

لأ هدفها ان في تسجل اتوماتيك بيحصل ببرامج معينه فمعموله عشان تتأكد ان الشخص اللي بيسجل ده إنسان حقيقي


-----------

التوقيــــــــــع لاننا كنا بستغله في كسب الحسنات و كمان بيعبر عن شخصياتنا و مش شايفة سبب مقنع لمنعه

يادكتوره حضرتك لو كنتي بتستعمليه بشكل مرضي او مجوعه ..مش شرط ان الغالبيه العظمى بتستعمله لنفس الغرض ؟

--------------



كمان يا دكاتره احنا مش بنعمل حاجه الا لما نفكر فيها 100 مره قبل ما نعملها ..

واننا الحمد لله متابعين المنتدى لاقصى درجه واننا بنحاول نطوره في كل ثانيه .
mt-

[Mohamed Al Gohary]

شكرا دكتور محمد على اهتمامك وتوضيحك .. وياريت يكون الاعضاء تفهموا .. واكيد الاداره هدفها مش تطفيش الاعضاء او مضايقتهم ..

[:|©؛°¨¨°؛©الصيدلى الذهبى©]

شكرا دكتور محمد على اهتمامك وتوضيحك .. وياريت يكون الاعضاء تفهموا .. واكيد الاداره هدفها مش تطفيش الاعضاء او مضايقتهم ..

[wh_kaboo]

شكرا يا دوك mt على التوضيح وان كان فيه بعض الكلام هنوضحه بعدين ؟؟؟