تخاريف مذاكرة ... قصاصات شعرية

[rose smile]

باختصار دى عبار عن كلمات كانت بتيجى ف دماغى وانا بذاكر فبكتبها زى ما هى من غير ما أفكر هى تطلع إيه ... يارب تعجبكم

بيقولولى حضنك دفا
مع انى برده مخوناك
خايفه تملى أتوجع
وقلبى يندم انه نداك
لكنه مخنوق بالأوى
ونجاته يمكن تكون معاك
...
مش حب فيك ..
ولا شوق اليك..
لكن هروب ..
من حياتى المؤلمه
فيا هل ترى؟
هتكون عوض؟؟
ولا ف عذابى مكمله؟
ولا اقولك
ليه اجرب؟؟
او حتى اجازف؟؟
ما انا عايشه اهو ومستحمله...

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

أنـا مَن نطق الحصى بأحرفى
وراح يرتعد من وقعها
انـا مَن توَّجْتُ الأحاسيس
وعلى عرش الحروف أجْلَستُها
أنـا مَن أدْمَعْتُ العيون بكلماتى
حين تجلَّى ألقاؤها
أنـا أميرة دولة الشعر
أنا مَن قُـدس قلمها
أنا وإن لا أكن الفاتنة أبقى
مَن سحرت القلوب بروحها
أنـا المغرورة إن شئت
او من تخفى بالغرور انكسارها

.................................................. ............

تكرار المشهد
مبقاش يوجع
بحفر بس
للذكرى مكان
حتى الالم
اصبح عنوان
تميز بيه
الكائن انسان
عادى بقى
كله تعبان
اضحك اوى
على نفسك يلا
قول للدنيا
ايه جاى كمان

.................................................. ........................

ليه كدا يافارما بجد
ليه بتبهدلى فينا
بنصحى بخوف يفوق الحد
وننقش فشلنا باايدينا
واه م القسم وعاميله
واه م اللى الامتحان شايله
واه رفع عالى لفوق
ولسه الكف مش ضامنه
يافارما تهت انا فيكى
وتوهتينى ف دواييكى
اموت لو شلت معاليكى
وليه كدا يافارما بجد

.................................................. ............................

كلمة إخوّة
ساعات بتخفى
حاجات كتير
وكلام مابينا
بعيد اوى
عن نبض مدفون
جوَّا بير
خايفين نقرَّب
نتوجع
ولو نغرَّب
نتوجع
راضين بحالة
الانتظار
واخر الطريق
نرجع نفوق
على انه كان
محض اهتمام

.................................................. ...........

أحلام كتير اضّفَّرِت .. على وش بنت زى القمر
كل الضفايـر اتفككـِّت .. لما الـزمـان يـوم أمـر
طريقنا كله كان عطش .. جوَّا متاهه وبـعـتـره
ويوم ما حنيتوا ب ميه .. جبتوها ليه متعكره؟

.................................................. ...............

مِصرُ التى ما عادت تحترم كوْنِى آدمى
مِصرُ التى صارت اشجانًا ملأت عالمى
أ للرقي سيبل ام أبقَى أبدِى مُنحنِـى؟؟

.................................................. ............................

تقبلوا تخاريفى ... ولنا معاها لقاء اخر .. أمــــــــــــــــroseـــــل إبراهيم