عوده الى كرسى الاعتراف مع دكتورة BoNbOoNa

[BoNbOoNa]

جبتيلي حول باللون ده -------------------------

بعد الشرعنك
ليه كده ده الاخضر لون ثياب اهل الجنة بس هو فاتح شوية معلش

السلام عليكم و رحمة الله و بركاته
لم أرى هذه الصفات
بأمانه لو للفت انتباهك لها و انتِ عارفاني

وعليكم السلام و رحمة الله و بركاته
تمام عارفاكي ، و رحم الله امرءٍ اهدي إليَّ عيوبي
ممم .. انا كنت بتكلم بصفة عامة مش عن صفات شايفاها ف نفسي ...
ربنا يكرمك يا مرآتي ... و يا رب يصلح قلوبنا و يرزقنا القلب السليم و يديم علينا نعمة الستر ..

الله يخـليكِ يا أمنـيه
وأنتى كمـان والله وحشـانى .. ان شـاء الله نتكعبل فى بعض فى الـدراسه

الله يسـلمك ، ربنـا يكرمك يا بنـبونه

إن شاء الله

ربنا يكرمك يا أميرة ويبارك فيكي دايما يا رب

اجاابات تمااااام جدا وروعة ومنسقة
عاجبنى بجد اسلوبك فى الاجابة عن سؤال نصايح لاعدادى
اكتفى بالمشاهدة بس لان حبايبك كتير ما شاء الله وقايمين باحلى واجب
ربنا معاكى

ربنا يخليكي يا نور ده بس من ذوقك والله ..
ربنا يكرمك و يهنيكي

استنيت اهوه لحد ما خلصتى اجابه عشان اسالك كام سؤال نختم بيهم

تمام

ايه اصعب سؤال اتسال؟
مممممم ...
سؤال د. عبد الرحمن ،

كل واحد فينا بتبقى في حياته موقف او لحظة غيرت من تفكيره او غيرت من شخصيته بدرجه كبيرة

ايه اكتر حاجة ممكن حضرتك حسيتي فيها بكده ؟ لو مينفعش تقولي الموقف ده براحتك

ايه اجمل سؤال اتساأل؟

اكتر آيه تؤثر فيكي في القرآن ؟

ايه السؤال اللى ما كنتيش عاوزه تتسأليه؟
لا يوجد


ايه اللى استفدتيه من كرسى الاعتراف؟
بالتأكيد سعادتي و انا قاعدة ف وسطكم ... و كلامي معاكم ،
و حلو الانسان يقف مع نفسه شوية يتأمل في مكنوناته و يتفكر في حياته زمان و دلوقتي



ايه اللى ناقص كرسى الاعتراف وكان نفسك يبقى موجود؟
مممم كان ناقص بس متابعتي بشكل اسرع بس ظروفي مكانتش بتسمح اكون ف البيت كتير الاسبوع ده مع الاسف



اوصفلنا كل واحد من اللى سألوكى؟
ممممم كل اللي سألوني و مش سألوني أخواتي و بدعيلهم ربنا يكرمهم و يرزقهم التوفيق و السعادة ف كل خطوة في حياتهم
مش بعرف اوصف الناس ،،.. كل انسان خلقه ربنا اكيد ممبزو جميل بذاته و طبيعته


شايفه نفسك بعد سنه او اتنين ازاى؟
مش بعد سنة ان شاء الله ف بكالوريوس
بعد سنتين صيدلانية ان شاء الله ..... يا رب


ايه مفهوم الاسرة بالنسبالك؟
جنتنا ، عالم هادي و شديد الخصوصية و منفصل تماما عن كل المشاكل الخارجية ،
و لو لا قدر الله حصلت مشاكل جوه ، الاسرة تمتصها و تتناقش فيها بره لحد ما تحلها و بعدين يرجعوا الجنة تاني بسعادة و دفا و راحة بال ..
شعارها " خيركم خيركم لأهله ... و انا خيركم لأهلي >>> صلي الله عليه و سلم "


بتحلمى تربى ولادك على ايه؟
بحلم نربيهم لله وعلي حب الله و معرفته في كل حاجة حواليهم و نحافظ علي فطرتهم السليمة
و يا رب ينبتهم نبات حسن .. و يتقبلهم بقبول حسن .. و يغرس كرامتهم بيده .. و يصطنعهم لنفسه ...
و يقدرنا اننا نكون أد المسئولية دي .... يا رب



ايه مميزاتك وعيوبك من وجهة نظرك؟

مممم .. ممكن نقول اني عندي طولة بال الحمد لله و مش بستسلم بسهولة ..
عيوبي كتير جدا ،و لكن محبش اذكرها عرفانا بفضل ربنا عليا انه ساترني و يا رب يسترنا جميعا سترا جميلا كاملا فوق الارض و تحت الارض و يوم العرض عليه ..

بس بيني و بينك معرفش اشوف نفسي من غير مرايا
فأهلي و اصحابي المقربين هما اكتر ناس يقدروا يجاوبوا علي السؤال ده ..



ايه السؤال اللى كان نفسك حد يسالهولك؟
هل انا سعيدة ... و الإجابة اني سعيدة جدا الحمد لله رب العالمين ، و بتمني الف السعادة دي ف بونبوني و اوزعها ع الناس كلها


.
.
.

استأذنك يا بيبو في اقتباس السؤال ده في مشاركة مستقلة ، عشان الاجابة طويلة شوية

ايه مفهوم الحب من وجهة نظرك؟

ممممم ..
وجهة نظري تترتب و تتلخص بالضبط في المقالة دي :

==============================

الحب ... هو الرحمة التى نتعايش بها فيما بيننا
سجودنا إلى الله عز وجل وتضرعنا له حب ... حبا لله عز وجل
طاعة رسولنا الكريم واتباع سنته حب ... حبا لرسول الله

هل تريد أن تشعر بالحب؟

انظر إليه فى ضم الأم لطفلها ؛؛؛
انظر إليه فى عين أب يربت على رأس ابنه ؛؛؛
أشعر به فى قلب زوج وهو يمسك يدى زوجته ؛؛؛

هل تريد أن تعرف معنى الحب؟

اطعم حيوانا وانظر إلى عينيه وهو يشكرك ؛؛؛
اشعر به فى داخلك ؛؛؛
اشعر كم يداعب الرضا ذاتك وأنت ترسم بسمة على شفا طفل يتيم محروم ؛؛؛
اشعر به وأنت مزهو بنفسك فخور بعد طاعة أو عبادة شعرت بأنها ترضى الله عز وجل عنك ؛؛؛
اشعر به وأنت تمسك يدى طفل رضيع فيقبض أصابعه حولك ؛؛؛
اشعر به وأنت ترتمى فى أحضان أمك أو أبيك بعد غيابك عنهم ؛؛؛
اشعر به وأنت واقف تبكى على قبر عزيز رحل عن دنياك ؛؛؛

هل تريد أن تفهم الحب أن تفهم معنى تلك الكلمة؟

انظر كيف يتطير قلبك من صدرك ؛؛؛
عندما ترى عيناك الكعبة لأول مرة ؛؛؛
انظر كيف تدمع عيناك وتخر باكيا عندما ترى قبر رسول الله لأول مرة ؛؛؛

هل تريد أن تفهم الحب أن تفهم معنى تلك الكلمة؟

انظر إليه فى قلبك وأنت تحب ؛؛؛
انظر كيف يرق قلبك وتدمع عيناك ؛؛؛

الحب الصحيح الذى يحمل معان تلك الكلمة هو الحب الذى يرتقى بك ويرفع من شأنك ويدفعك أن تحسن من ذاتك حتى تكون مناسبا أن تحمل كلمه حبيب ...
إن دفعك الحب إلى أن تخطىء أو تخالف خلقًا طيبا فثق إن هذا ليس حبا ...

كلما أحسست بالطهر فى ذاتك والنقاء يتسلل إلى روحك ؛؛؛
عندما تشعر بالنور أقرب إليك من الظلام ؛؛؛

اعلم ... أنك تحب حبا بمعنى تلك الكلمة ..
عندما تشعر أنك أقرب إلى السماء منه إلى الأرض اعلم أنك عرفت معنى تلك الكلمة
==============================




.
.
.

بس كده ويارب تكونى استمتعتى بالكرسى

الحمد لله جدا ... الف شكرعلي اهتمامك يا بيبو و متابعة كل أخواتنا

تختموا بالسرعة دي هي ما لحقتيش تسأل و أسئلتها قليلة جداااااااا................

عثل

خلاص يا مون ابقي اتوصي بحنين و ضيفيها كويس لما تقعد ع الكرسي ان شاء الله
و لو احتجتي مساعدة مني ابقي صفري بس

*

*

*

يا رب اكون كنت ضيف خفيف
خالص احترامي و تقديري و دعواتي بالتوفيق لكم جميعا ... اخوتي

.. سبحانك اللهم وبحمدك ..
.. نشهد ان لا اله الا انت ..
... نستغفرك و نتوب اليك ...