فتح باب الترشح لانتخابات النقابة

[بحلم ببكره]

بسم الله الرحمن الرحيم


الزملاء الأعزاء


حبيت أنقل لكم الخبر السعيد للي لسه معرفوش



بقالنا سنين البلد كلها بتحلم بإن النقابات في مصر تتحرر وتقدر تعمل انتخابات لضخ دماء جديدة في العمل المهني المنهك في مصر..


كان في نقابات مفروض عليها الحراسة زي نقابة المهندسين

ونقابات مجمدة زي الأطباء

ونقابات مخطوفة زي المحامين والزراعيين والمعلمين

ونقابات معلقة زي الصيادلة (كان في محاولة السنة اللي فاتت لفرض الحراسة عليها لكن فشلت والحمد لله)

وكل ما أبناء مهنة يتحركوا الحكومة كانت تقف في وجه أي محاولة ليهم

وقبل الثورة بفترة وجيزة

صدر الحكم القضائي الحاسم بإلغاء القانون 100

ودا بيقول إيه؟؟

بيقول إن إجراء انتخابات في اي نقابة من النقابات هو من اختصاص رئيس محكمة جنوب القاهرة فقط

وجناب رئيس المحكمة كان رافض أي انتخابات في اي نقابة تقريبا

وبسقوط القانون تم الاتفاق علي فتح باب الترشح لانتخابات نقابة الصيادلة يوم 14/2

لكن الثورة أوقفت كل شئ


لذا نعود من جديد


ولأول مرة من 16 سنة


فتح باب الترشح لانتخابات نقابة الصيادلة يوم الثلاثاء القادم 12/4/2011


والانتخابات نفسها يوم 6/7/2011

باب الترشح مفتوح لمدة 10 ايام فقط

الأوراق المطلوبة:

1- صورة البطاقة الشخصية
2- صورة الكارنيه
3- ملء استمارة الترشيح

لابد لمن يرغب في الترشح او التصويت أن يكون مسددا لاشتراك النقابة حتي 2010

يعني دفعة 2010 معانا في القصة دي

.
.
.
ياريت يا شباب نعرف الصيادلة اللي في البلاد بتاعتنا لأن كدا كدا دفعتكم مسددة

وياريت نشارك

المجلس مكوّن (إن لم تخني الذاكرة) من:
1- النقيب
2- أمين عام النقابة
3- أمين الصندوق
4- عدد 2 عضو فوق السن
5- عدد 2 عضو تحت السن
.
.
.
كدا دول 7 بيكوّنوا المجلس كله



نتمني نشارك يا جماعة



بالتوفيق
.
.
.