لقاء مع عميده الكليه -- واخبار عن 10 درجات أعمال السنه
السلام عليكم
من يومين كنت عند عميده الكليه انا واحمد اسماعيل
واتكلمنا في حجات كتير جدا
بس من اهمها يمكن اللي شدني ,, الكلام بالنسبه ل ال10 درجات اللي خرجوا من الشفوي واتحطوا كاعمال للسنه
فقولت للدكتوره اننا كطلبه قلقانين من حوار الابحاث دا اوي لاننا مش مدربين عليها يعني
وقولتلها ان المشكله لو ان ال 6 اقسام حبوا يعملوا كلهم ابحاث يبقي عندنا 6 ابحاث ومش هنزاكر ونقعد نعمل ابحاث
فاحمد قال ان الدكتور شحته قاله انه هيجيب ال 10 درجات بتوعه كلهم شيت
فقالت ان هو هينزل قرار موحد يعني لو قالوا 5 درجات شيت و5 ابحاث يبقي كل الاقسام زي بعضها ومش كل قسم هيشتغل لواحده علشان ميحدش يصعب علي الدفع
قولتلها كدا يبقي لو قولنا بحث يبقي اكيد عندنا 6 ابحاث
فقالت كويس انك لفت نظري لنقطه زي دي وهيعيدوا النظر في توزيع العشر درجات دول علي اي اساس
وان شاء الله يتم توزيعهم بطريقه جيده ومرضيه لينا كلنا
حبيت بس اطمنكم لان شايف ان دفتعنا من اكتر الدفع قلق وتوتر
وعلي فكره يا جماعه انا بمشي من الكليه يوميا بعد الساعه 8 مساء علشان شغل الحفله ,, والدكتوره ماجده بتبقي الوحيده من استف الدكاتره كلهم والاداره اللي بتبقي موجوده في الكليه
وكل يوم بنمشي وهي لا موجوده ,, ربنا يعينها بجد
وربنا معانا كلنا
