مخصوص عشان ماتش مصر و الجزائر
هنزلكوا __ بعد طول غياب__ المرة دى حاجة وصاية كدا مخصوص عشان الماتش كان نفسى أنزله من قبل كدا بس أنا لسه راجعة البيت النهاردة للأسف ما علينا خليكوا معاه بقى مطولش عليكوا.gif "Fop (29)")
:
حرقنا العلم يا أبويا
على إسم العروبة هتفنا و دعينا
و على روح الأصالة كبرنا و وعينا
عهد واحد رب واحد
و بقلب واحد بيجرى دمنا فينا
هم واحد فرح واحد
و بصبر واحد ثابتة مراسينا
فجأة فى ثانية لقينا كل دا بينهار
علم العروبة قدامى بيتحرق بالنار
على لعبة.......... بعنا الحلم و بنينا بينا جدار
على لعبة.............. رمينا وحدتنا فى بير ماله قرار
و عشانها خلينا العروبة فى قلبنا أسيرة
صدق اللى سماها ساحرة مستديرة
خليتنا نخرج نهتف ضد بعض
خليتنا ننسى بينا أى وعد
خليتنا نسينا القدس تخيلوا
بقينا ننام و عارفين إنهم فى الأقصى بيهدموا
دى لا كرامة و لا شرف مش عارفة إمتى هتندموا
عشانها خرجنا بسرعة أمم نهلل فرحانين
و عشان القدس نمنا و قلنا :
الفرج سيأتى و لو بعد حين !!!!!!!!!!!!
مالكوا كدا سكرانين مش دريانين
شربتوا من كاسها
و لا بعصايا سحرية سحرتكوا ناس تانيين
متفرقين متشردين تايهين
صدقونى الماتش ضاع علينا من سنين
و مهما كان الفايز
فصفارة الزمن هتعلن ....... هزيمة الفريقين
رد مع اقتباس