السلام عليكم و رحمة الله و بركاته,,,

بجد مش عارفه ابتدي منين .....كل الناس في مصر طبعا فرحانين و شغلهم الشاغل الماتش الجاي في السودان و اللي هيحصل فيه
انا معاهم ان الفرحه حلوه والشعب بيحاول يلاقي اي حاجه تحسسه بالتفاؤل و الامل و تخرجهم شوية من مود التعب و قله الحيله و الظروف الصعبه و ........و.......و.....طبعا مشاكلنا مالهاش نهايه

الغريب ان الترفيه يتحول من متعه و ترويح عن النفس لتعصب و اخذ بالثار
بعد انتشار اشاعه بين المنتديات الجزائريه ان في 6 مااااااااااتوا ووصلت جثثهم النهارده الجزاير بعد تعرضهم لضرب شديد ادي لموتهم ولسه في 11 في الطريق!!!!!!!
و بالفعل انا اتكدت بنفسي و دخلت منتديات تابعه للجزائريين بيترحموا فيها علي شهدائهم و بيدعوا علي الظلمه و القتله
واللي يقول انا كنت في الجنازه..... و كمان ضايفين صور

ازاي نسمح ليهم بنشر اشااااااااااعاااااااااااااااات عننا تسئ لينا للدرجه دي ........وما حدش حاول ينفي الكلام دا و تعاملوا معاه بتجاهل تام ودا اتفسر بان السكوت علامة الرضا
بجد في ايه؟؟؟ كراهيه وتدمير وحقد علي مجرد لعبه يخليهم الوقتي الوقتي حالا محاصرين مصريين عايشين ف الجزاير وبتعرضوا ليهم بالضرب و كور من النار
للاسف و بكررها للاسف يتحول المسلمين لاعداء وبينهم دم علي كورة ازاي يوصل بينا الحال للدرجه دي
دا محدش مننا بيقف ضد الصهاينه و لا اعداءنا الحقيقين بنفس الحماسه ومتخيلين كمان ان الموت في سبيل الكورة شهاده
مش قادره اقول غير حسبنا الله و نعم الوكيل فيكو يا عرب