السلام عليكم ...
الموضوع بكل بساطة انى كان عندى سكشن medicinal امبارح و رحت اجيب الادوات بتاعتى لقيت الدواليب مش موجودة !!!
انا قولت انا دخلت مكان غلط و لا حاجة
سألت الناس ... فين يا جماعة الدواليب ؟؟!
قالوا اتعلق ورقة بان الدواليب هتتشال و تانى يوم شالو الدواليب هيلا بيلا !!!!
و حسب كلام ناس كتير انهم يوم ما كان الوزير موجود العمال كانو مغطيين الدواليب و قالو للناس محدش يشيل ادواته لأن مش هنشيل الدواليب اليومين دول !!

انا دلوقتى مش بس خسرت بحوالى 200 جنيه ادوات و ممكن اكتر ... كمان هشترى ادوات جديدة بقى !!!!!!
انا كتبت الموضوع ده علشان اللى حصل معاه نفس الموقف يدخل و يمضى هنا علشان نشوف ايه الحل فى الموضوع ده ... يعنى اللى عنده اقتراح يتفضل يقوله

و بعدين نشوف د/ محمود بكر ايه رأيه

ملحوظة : انا ضفت تصويت علشان الناس المتضررين بس يصوتوا علشان يبقى زى احصاء لعدد المتضررين
بمعنى تانى محدش من الناس اللى بعيد عن الموضوع يصوت "لا"

شكرا