أشهر جمل بيقولها الأب و الأم
موجودة فى كل بيت
اكيد انت سمعت كتير منها

انت فاكرنا لاقين الفلوس دى في الشارع .

والله ما انت فالح .. وادي دقني أهه .(محصلش والله)

ما تنمش غير لما تغسل سنانك .

ما تلزقش في التلفزيون كده .. نظرك هيضيع .(كتييييييير)

سلم على عمك كويس يا ولد .

يا ابني محدش هينفعك .

ما تطلعش ايدك من الشباك .

ربنا يرزقك بعيل يوريك اللي ورتهوني .(كتييير خصوصا على الاكل ههههه)

ما تطلعش على الملايه النظيفه و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني .

ايه اللا مبالاه و الاستهتار اللي انت عايش فيهم دول .

قوم يابنى ذاكر لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول ولا ايه ؟

بلاش أكل بره .(يوووووووووووووووووووه كتير ولكن لا حياه لمن تنادى)

كلمنا لما توصل .احيانا)

عيـــب ... لازم تحترم اللي أكبر منك .

لو شفت خناقه مالكش دعوة بيها .امشى بعيد )

اوعى تكدب عليا كده تاني مرره .(لا محصلش)

اوعى حد غريب يديلك حاجه تاكلها أو تشربها و تاخدها منه .(اوعى تركبى تاكسى وهو فاضى يعنى هعد انقى ولا ايه هو حد لاقى تاكسى دلوقتى)

يا ابني كلم خالتك العيانه اسأل عليها .

بلاش لعب في الشارع .لا خالص)

ما تعليش صوتك .(ولا دى برده بل العكس)

وانت فاكر ان احنا مستنيين منك حاجه .

المسلسل مش هينفعك ...قوم ذاكر .يعنى ساعات)

ما تقعدش قدام المروحه وانت مستحمي .

كفايه رغي في التليفونات .(هههههههههههههههههه كتير)

بلاش وقفة الشبابيك و البلكونات .
.. كل كل اللى قدامك.(اههههههههههههههههه كتير لغايه لما حفظتها وبرضه مش بسمع الكلام)

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك .كتير

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك (اه)

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .(ههههههههههههههه)

ومالها الكتب بتاعة الوزاره ؟!لا بصراحه عمرهم ماقالوا كدة)

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .
تقعد في أول صف قدام السبوره .

مالكش دعوة بالسياسة .. وماتمشيش في مظاهرات .÷هههههههههههههههههههههههههه

التهديدات المخيفة شكلا و الكارتونية مضمونا : مثل: هأقطم رقبتك أو هأقطع
ايدك أو هأقطع لك لسانك أو هأدبحك دبح .

ووطبعا محدش مننا ينكر ان كل ده علشان هما بيحبونا وخايفين علينا