حدوتة بيو

[سوزران]

البيو طبعا الترم التانى زى ما احنا شايفين كلها CYCLES ربنا يستر عشان كده انا قولت نتناقش فيها يعنى اى حد عنده
طريقه او فكرة ممكن تسهل المذاكرة ونقدر نجمع الCYCLES ياريت ما يبخلش علينا بيها

يعنى عشان مثلا نفهم الCYCLES بتاعت ايض الكربوهيدرات هنحكى حكايه صغيرة
كان يا ما كان ومازال ان فيه عيلة اسمها الكربوهيدرات دخلت فى غدوة او عشوة او حتى فطار وجه واحد جعان اوى زينا كده بعد يوم مليان محاضرات وسكاشن انقض عليها بلا رحمة

اول ما الطعام يدخل الفم يصحى انزيمptyalin
SALIVARY AMYLASeويشوف مين اللى اتجرأ وقلق نومه ويضايق اوى ويتنشط عند ph 6,4-6,9 ويقولها استنى رايحة فين مين غير استئذان ويمسك الناس الكبار اوى فى عائلة الكربوهيدرات زى starch وglycogen ,وdextrinويكسرهم حتت لdextrinوmaltose يعنى مثلا الstarshبيمسكه يكسره
amylodextrin then erythrodextrin then achrodextrin then maltose
طبعا لما بقية العيله بتشوف اللى بيحصل ده وبمبدأاضرب المربوط يخاف السايب بيتناقشوا مع بعض وبيشوفو ان الجرى نص المجدعة(ده ان ما كانش كلها) وبيجروا على المعدة يحتموا بيها اصلهم عارفين انها بنت حلال وهى الوحيدة اللى هتقدر ترجع الsalivary amylase اللى خدها جرى وراهم لحد المعدة وقعد يبهدل فيهم لمدة من2-3دقايق بس بعد كدة ما بيبقاش له سلطة عليهم لان فى المعدهph 1-2 يعنى جو مش جاى على مزاج الsalivary amylase مش مناسب لعمله

بس بعد شوية ولسه باقى العيله(الناجون من ptyalin (ما ارتحتش وتبعا لقوانين الهضم الصارمة بتترحل العيلة على intestine

وهناك بيلقوا ما لم يكن فى الحسبان بيلقوا جروب مستنينهم واحد فيهم زى ما يكون توأم salivary amylase نفس الشكل ونفس الاسلوب واسم حضرته pancreatic amylase اما اسم الشهرة اللى سيادته معروف بيهamylopsin وده بيتبع نفس اسلوب ptyalinوبيشتغل على alpha glycosidic linkage سبحان الله ما تعرفش تفرق بينهم والباقى بقى اسمهم مجموعة success entericus ودول كان مسخنين ومستعدين للdisacharides واسمهم lactaseوmaltaseو sucrase ودول بقى كسروهم ل glucoseوfructoseوgalactose

بس ياترى ايه هو مصير glucoseوfructoseوgalactose وmannose وpentose دة اللى هنعرفه فى باق القصة
لوعجبكم الاسلوب نكمل ولو حد عاوز يشارك فى الفكره دى يبقى شكرا له قوى بس قولولى رأيكم فى طريقة العرض