نبذه بسيطه عن الترم الثاني لسنه تالته

[Alaa_Resala]

ازيكو يا سنة تالتة
يارب تكونوا جميعا بخير
والاجازة تكون مفيدة ليكو كلكو

اكيد كتير منكو بيسأل يا ترى هنعمل ايه الترم التاني
وهل المواد نظامها زي الترم الاول ولا ايه؟
ممكن ناخد كل مادة على حدة ونتكلم فيهم
1- الفايتو: هيكون فيها 3 أجزاء جزء glycosides وجزء carbohydrates وجزء chromatography
طبعا الفايتو هتفضل طول عمرها فايتو وان كان الاستركشرات أسهل وأقل تعقيدا من الترم الاول
كمان جز الكروما مفيهوش استركشرات وده جزء لطيف اوي وهتحبوه جدا...هتحسوا فيه انكو بتلعبوا مش بتزاكروا
2- الفارما: هتدرسوا Cardiovascular system, hormones
وعلى ما أتذكر جزء CNS
بس أصعب جزء فيهم هو جزء الكارديو
وده محتاج فهم كتير
جزء الهرمونات ..جزء سهل وبسيط وبيبقى عليه تلت درجة الامتحان وان شاء الله مضمون
3- الاساي: طبعا الاساي الترم التاني أسهل كتير جدا من الترم الاول
نفس نظام الترم الاول لكن مفيش مسائل ...كمان المنهج صغير جدا جدا جدا
4- الصيدلانيات: مش هتحس فيها بفرق بين الترم الاول والتاني ...كله بيصب على بعضه
5- الميدسنال: نفس نظام الترم الاول من الاستركشرات بس أعتقد انها محتاجة شغل اكتر
عشان تربطوا الاستركشرات ببعضها لأنك ممكن تلاقي استركشرات متشابهة جدا بس مختلفين في التصنيف بتاعهم
مثلا واحد antidepressant والتاني antiparkinsonism
6- وأخيرا البايو: دي هتعتبر في بداية الترم الكلكوعة الرئيسية فيه
رغم انها كانت من اسهل المواد الترم الاول
مشكلة البايو: انها الترم التاني مليانة cycles
والشاطر اللي يربط السايكلس ببعضها
مش ضروري تربطهم مع بعض في مخطط كبير او حاجة
بس اهم حاجة تربطهم في دماغك عشان لما تلاقي حاجة مشتركة بين السايكلس تبقى مستوعب ده كان فين وجه منين
كمان نصيحة أخيرة بخصوص البيو: كل ما هتذاكرها اكتر كل اما هتفهم فيها حاجات اكتر واكتر

وفي النهاية...أحب أقول ان تالتة دي أجمل سنة مرت عليا جوة الكلية
وانتو السنة الجاية هتقولوا زيي كده
وكل سنة وانتو طيبين

[sally89]

ميرسي علي مساعدتك لينا بس احنا ملحقناش ناخد الاجازه ونفوق من صدمه الامتحانات وحقيقي كل الناس بتقول انها الذ سنه رغم انها تقيله 0000000000 ربنا معانا كلنا

[yojeena]

شكرااااااااااااا يا الاء والله استفدت اوي من كلامك دايما بحس اني محتاجه اراء اللي سبقوني خبره يعني
بس برده انا خايفه اوي من الميديسنال لاني عاكه جامد واحتمال كبييييييييييييير يا اشيل او يدوب درجه النجاح
ومش عارفه اعمل ايه مش بفهمها خااااااااااااااالص

[summer breeze]

ميرسي كتيييييييييير يالولو على التوضيح انا فعلا اكتر مادتين كنت شايله همهم للترم التاني البيو والميديسنال واهو واضح فعلا انهم هيبقوا مكلكعين يلا دعواتكم معانا ومشكووووووووووره ياجميل ع اللفته الجميله

[wh_kaboo]

شكرا دكتورة الاء
وفعلا كل الناس بتتكلم عن البيو والميديسنال

فعلا سنة تالتة من احسن السنين كفاية الفارما وحلوتها بس تتعرف للمزاج مش للامتحانات

[dr_Eucalyptus]

شكـــــــــــــرا يا آلاء ....
فعلا رغم ان السنه دى كان الواحد شايل همها جدا .... ولسه طبعا شايل همها ... وعماله أفكر ف النتيجه.
ربنا يســــتر
بس بجد سنه لذيذه .... فعلا انا حاسه انى فى صيدله.

[..::ciZar_Resala::..]

شكراً على ألاء على المعلومات ..

[د\بوسى ربيع]

يرسى يا الاء نورتى المنتدى

[تارك الدنيا]

جزاك الله خيرا

[بنت مصر]

شكرا الاء على المعلومات
وربنا يوفقك