تتجوزينى يا حاجه ؟؟

[The Princess]

ازيكم .....
بالرغم من الموضوع اسمه هزلي جدا الا انه موضوع جاد جدا ...
القاعدة الاساسية فى مصر ان اى راجل و مراته ( بيكون هو اكبر منها ) و على سن الستين بيتوفى هو الى رحمة الله و بالتالى بتصبح هى ارملة و معاها مثلا اولاد كبار فى السن و منهم اللى متجوز و سنة و لا اتنين من بعد وفاة الزوج بيكونوا كلهم اتجوزوا لحد هنا جميل اوى ...
لكن اللى مش جميل انهم بيتجوزوا و يسبوا الست دى عايشه لوحدها بين اربع جدران و بغض النظر عن انهم ممكن يكونوا بيسالوا عنها و مراعين ليها على الاخر و انها مش محتاجه حاجه وصحتها كويسة الا انها فى النهاية بتبات لوحدها برضه بين نفس الاربع جدران ....
تخيل بقى لو الست دى اتقدم لها عريس ... راجل محترم و مناسب ليها من كل النواحي و قالها (( تتجوزيني يا حاجه ؟؟))
رايك ايه فى الحكاية دى ؟ شايف ان دى حاجه ضرورية و لا مالهاش لازمه و لا متصحش من اصله ؟؟
و فرضا ان الست دى والدتك و حصل معاها نفس الموقف - و ده بعد عمر طويل - للوالد هتوافق و لا لا ؟؟؟
صدقوني يا جماعه الموضوع مش بسيط و خصوصا ان مفيش راجل بيفضل ارمل بعد وفاة زوجته ايا كان سنه و ظروفه الا فيما ندر و لكنه غالبا بيتجوز واحدة ليها ظروف خاصة ( عانس وصلت لسن كبير او امراة مطلقة او ارملة و غالبا بدون اولاد او لا تنجب اصلا ) ...
طيب الست دى اللى انا بتكلم عليها موقفك منها ايه ؟؟؟
فى انتظار ارائكم و مشاركاتكم ...
تحياتى للجميع

[Mohamed Al Gohary]

موضوع جميل ومهم اوى واهلا بعودتك مره اخرى ..

الحقيقه الموضوع حساس اوى .. رغم انك معاكى حق فى كل الاعذار التى وضعتيها لكن انا لا اوافق على وضع مثل هذا .. صعب ان الواحد يقبل على نفسه حاجه زى دى ..

وعلى فكره مش كل الرجاله بتتجوز ولا حاجه لو زوجاتهم توفت ..

وفيه حقيقه علميه كنت قريتها .. ان متوسط اعمار النساء اكبر من متوسط اعمار الرجال ..

شكرا على التوبيك ..

[khokha]

موضوع جميل ومهم اوى واهلا بعودتك مره اخرى ..

الحقيقه الموضوع حساس اوى .. رغم انك معاكى حق فى كل الاعذار التى وضعتيها لكن انا لا اوافق على وضع مثل هذا .. صعب ان الواحد يقبل على نفسه حاجه زى دى ..

وعلى فكره مش كل الرجاله بتتجوز ولا حاجه لو زوجاتهم توفت ..

وفيه حقيقه علميه كنت قريتها .. ان متوسط اعمار النساء اكبر من متوسط اعمار الرجال ..

شكرا على التوبيك ..

انا رأيي من رايك
فعلا صعب ست كبيره عندها ستين سنه وتروح تتجوز ازاي وبعدين بالنسبه للظروف دي ليها حلول مثلا ايه المشكله اما تعيش مع احد اولادها ؟؟؟وربنا مع الناس الكبار دول بجد فيه حالات غريبه جدا بشوفها بيصعبوا عليه وللا سف بتكون عايشه مع احد ابنائها !!ربنا يتولابهم برحمته .....اللهم امين
شكرا يا دكتوره

[قناع الذهب]

لا انا من رايى ان مش حرام ان الست او الراجل يتجوزوا بعد وفاة ازواجهم انا اللى شايفاة حرام هو قعدتهم لوحدهم من غير ونيس وخصوصا بعد زواج الاولاد
وطالما الانسان او الانسانة دى هيختاروا لنفسهم حد مناسب ومحترم يبقى اية المشكلة

[M.elsa3ed]

موضوع جميل يا دكتوره وانا شايف ان بعد وفاه الاب المفروض يعنى والى الاصول بتقوله ان الام تقعد مع اى حد من اولادها وخاصه ابنها الكبير مثلا وعلى الرغم من كده انا مش معارض فكره الزواج ليها اذا كانت هى حابه كده بس فى معظم الاحيان مش بيتجوزا فازاى الواحد يسيب امه لوحدها لازم لازم لازم تعيش مع حد من اولادها وهو ده رايى

[..::ciZar_Resala::..]

تعالوا بينا نقرب وجهات النظر شوية

ازيكم .....

الحمد لله تمام .. و كويس إنك سألتى فى أول الموضوع

بالرغم من الموضوع اسمه هزلي جدا الا انه موضوع جاد جدا ...

موضوع يستحق التفكير فيه ..

القاعدة الاساسية فى مصر ان اى راجل و مراته ( بيكون هو اكبر منها ) و على سن الستين بيتوفى هو الى رحمة الله و بالتالى بتصبح هى ارملة و معاها مثلا اولاد كبار فى السن و منهم اللى متجوز و سنة و لا اتنين من بعد وفاة الزوج بيكونوا كلهم اتجوزوا لحد هنا جميل اوى ...

القاعدة الأساسية اللى ف مصر إن ستات مصر مفتريين .. و بيخلصوا الراجل بدرى بدرى ... " خلينا نتكلم جد شوية ..

الرسول عليه الصلاة و السلام قال " أعمار أمتى ما بين الخمسين و الستين " .. مش معنى إن الست تعمر بعد ما الراجل يموت .. إن له ذنب ... لكن الأخيار فى الدنيا قليلين .. و الإنسان الخير دايما بنفقده بدرى .. و نقول يااااااااااااه سبحان الله " دا أنا كنت قاعد بشرب معاه شاى هنا من نص ساعة بس " .. و الله حصلت ..

لكن .. خلينا نفكر بالعقل .. و نقول الحق .. إزاى الراجل يتجوز و احدة أده فى السن " مش أكبر منه " .. و أساسا عقل المرأة بيكون ناضج عن عقل الراجل برغم إنهم فى نفس السن .. بيحس إنه متجوز والدته .. كل ما تقوله حاجة لازم كلامها اللى يمشى ... مش خوف ،، و لا حب .. لكن لأن رأيها فعلا هو الصح و اللى لازم يمشى .. و طبعا نسبة كبيرة جدا من المصريين عقلهم مش متفتح .. و الراجل هيحس إنها تقيلة على قلبه شوية " واحدة بتمشى كلامها عليه " .. و لنفترض إنه طلع راجل متفتح .. أهله و معارفه و كل من له اختلاط بالأمر " أصله ماشى بدماغ مراته " ... ييجى يكلم حد ف موضوع و يقوله طب استنى أفكر ،، يومين و هرد عليك .. يميل عليه صاحبه التانى و اللى قاعد معاه على نفس الترابيزة " يا عم أصل لازم ياخد الأوامر الأول .. ده خيخة ميعرفش يمشى ألا بدماغ مراته " .. سيبنا من النقطة دى ،، و الكلام فيها كتير جدا .. و نروح لنقطة تانية .. كمان الراجل لما بيكبر محتاج لواحدة تراعيه .. و تقف جنبه .. فدايما .. أو المعظم .. تلاقى الست أصغر من الراجل !!

لكن اللى مش جميل انهم بيتجوزوا و يسبوا الست دى عايشه لوحدها بين اربع جدران و بغض النظر عن انهم ممكن يكونوا بيسالوا عنها و مراعين ليها على الاخر و انها مش محتاجه حاجه وصحتها كويسة الا انها فى النهاية بتبات لوحدها برضه بين نفس الاربع جدران ....

لها الجنة ،، لها الجنة ،، لها الجنة ،، .. الرسول عليه الصلاة و السلام فى حديث فيما معناه إن صلة الرحم تطيل العمر .. و صلة الرحم ده شىء أساسى .. و مع الأم ،، ده حاجة تانية خااااااااالص .. اللى بيصل رحمه ربنا بيصله .. و اللى بيقطعه ،، اللهم عافينا .......... و خلينا ف كلمة " لها الجنة " .. الست اللى جوزها يتوفى .. و ليها أولاد .. و بنات .. و قعدت ربتهم .. " معلش يا ستى تعالى على نفسك شوية ،، و الله الخير كتير مستنيكى " .. بتزاحم الرسول عليه الصلاة و السلام فى دخول الجنة .. " سبحان الله .. شوف لدرجة إيه " .. بتدخل الجنة كتفها ف كتف الرسول .. و بتزاحمه ... مين فيكوا عاوز منزلة أكبر من كده ؟؟؟ .. تطمعى فى متاع زائل من متاع الدنيا ؟؟ و تسيبى متاع الآخرة ؟؟؟!!!!!!!!!!!

تخيل بقى لو الست دى اتقدم لها عريس ... راجل محترم و مناسب ليها من كل النواحي و قالها (( تتجوزيني يا حاجه ؟؟))

الجواز شرع ربنا مقلناش حاجة .. بس معلشى .. متروحش تتجوز واحد من دور عيالها .. مش يبقى الواد عنده 20 سنة .. و جوز أمه عنده 25 سنة " يا متجوزها عشان فلوسها .. يا متجوزها عشان فلوسها " .. و ييجى الواد ابنها يا عينى .. يصاحب الراجل ده .. طب يقوله إيه ؟؟ .. يا جوز أمى ؟؟ يا صاحبى ؟؟ يا عمى ؟؟ !!!!!!!

رايك ايه فى الحكاية دى ؟ شايف ان دى حاجه ضرورية و لا مالهاش لازمه و لا متصحش من اصله ؟؟

و الله أنا قلت اللى عندى .. و مش معنى كده إنى معارض .. أنا هسيبكوا انتوا تحكموا .. تتجوز و تاخد الدنيا ؟؟ ... و لا تراعى ربنا ف أولادها و تفوز بالآخرة ؟؟ ... و برده مش معارض .. الرسول عليه الصلاة و السلام كان متجوز السيدة عائشة " عليها السلام " .. و كانت أكبر منه فى السن بكتير ..

و فرضا ان الست دى والدتك و حصل معاها نفس الموقف - و ده بعد عمر طويل - للوالد هتوافق و لا لا ؟؟؟

الحمد لله ... مش أنا اللى مش هوافق .. والدتى هى اللى عمرها ما توافق أبدا .. و ربنا يخليهالنا و تفوز بالجنة و تزاحم الرسول عليه الصلاة و السلام .. بعد عمر طويل إن شاء الله

صدقوني يا جماعه الموضوع مش بسيط و خصوصا ان مفيش راجل بيفضل ارمل بعد وفاة زوجته ايا كان سنه و ظروفه الا فيما ندر و لكنه غالبا بيتجوز واحدة ليها ظروف خاصة ( عانس وصلت لسن كبير او امراة مطلقة او ارملة و غالبا بدون اولاد او لا تنجب اصلا ) ...
طيب الست دى اللى انا بتكلم عليها موقفك منها ايه ؟؟؟

فى ناس بتقول ع الراجل " عينه فارغة " .. أو " ما صدق خلص منها " .. أو أيا كان اللى بيتقال لما يروح يتجوز واحدة و ف نفس سنة وفاة مراته .. " لا حول و لا قوة إلا بالله " .. و تناسوا .. أو نسوا .. إن الرسول عليه الصلاة و السلام زوج أحد الصحابة فى جنازة زوجته !! ..

و تقبلوا مرورى ،،،


====================



Gohary

[..::ciZar_Resala::..]

متأسف يا جماعة إنى أطلت عليكم فى الرد

[آيه محمد]

رايك ايه فى الحكاية دى ؟ شايف ان دى حاجه ضرورية و لا مالهاش لازمه و لا متصحش من اصله ؟؟

الموضوع عادي ومش فيه اي حاجه لوحصل ده حقها

و فرضا ان الست دى والدتك و حصل معاها نفس الموقف - و ده بعد عمر طويل - للوالد هتوافق و لا لا ؟؟؟

لو هي عايزه انا عمري ما همانع

هو انا بفضل ان الست مش تتجوز
بس لو هي عايزه محدش يقدر يمنعها او يقولها كده غلط

[The Princess]

جيت ...
اولا بشكر كل الناس اللى عدت و ردت دكتور جوهرى و دكتورة سمسمة و دكتور سكونون ( تقريبا ) و دكتورة اية ...
و الدكتور ياسر بقى له رد لوحده و هعلق على كلامه جزء جزء ...

القاعدة الأساسية اللى ف مصر إن ستات مصر مفتريين .. و بيخلصوا الراجل بدرى بدرى ... " خلينا نتكلم جد شوية ..

الرسول عليه الصلاة و السلام قال " أعمار أمتى ما بين الخمسين و الستين " .. مش معنى إن الست تعمر بعد ما الراجل يموت .. إن له ذنب ... لكن الأخيار فى الدنيا قليلين .. و الإنسان الخير دايما بنفقده بدرى .. و نقول يااااااااااااه سبحان الله " دا أنا كنت قاعد بشرب معاه شاى هنا من نص ساعة بس " .. و الله حصلت ..

لكن .. خلينا نفكر بالعقل .. و نقول الحق .. إزاى الراجل يتجوز و احدة أده فى السن " مش أكبر منه " .. و أساسا عقل المرأة بيكون ناضج عن عقل الراجل برغم إنهم فى نفس السن .. بيحس إنه متجوز والدته .. كل ما تقوله حاجة لازم كلامها اللى يمشى ... مش خوف ،، و لا حب .. لكن لأن رأيها فعلا هو الصح و اللى لازم يمشى .. و طبعا نسبة كبيرة جدا من المصريين عقلهم مش متفتح .. و الراجل هيحس إنها تقيلة على قلبه شوية " واحدة بتمشى كلامها عليه " .. و لنفترض إنه طلع راجل متفتح .. أهله و معارفه و كل من له اختلاط بالأمر " أصله ماشى بدماغ مراته " ... ييجى يكلم حد ف موضوع و يقوله طب استنى أفكر ،، يومين و هرد عليك .. يميل عليه صاحبه التانى و اللى قاعد معاه على نفس الترابيزة " يا عم أصل لازم ياخد الأوامر الأول .. ده خيخة ميعرفش يمشى ألا بدماغ مراته " .. سيبنا من النقطة دى ،، و الكلام فيها كتير جدا .. و نروح لنقطة تانية .. كمان الراجل لما بيكبر محتاج لواحدة تراعيه .. و تقف جنبه .. فدايما .. أو المعظم .. تلاقى الست أصغر من الراجل !!

مش عارفه صراحة ايه علاقة كل الكلام الكتير ده بالموضوع الاساسي او بالجزء اللى انت اقتبسته انا مش بتكلم على مسالة فرق السن بين الازواج مش فاهمة بصراحة ...

لها الجنة ،، لها الجنة ،، لها الجنة ،، .. الرسول عليه الصلاة و السلام فى حديث فيما معناه إن صلة الرحم تطيل العمر .. و صلة الرحم ده شىء أساسى .. و مع الأم ،، ده حاجة تانية خااااااااالص .. اللى بيصل رحمه ربنا بيصله .. و اللى بيقطعه ،، اللهم عافينا .......... و خلينا ف كلمة " لها الجنة " .. الست اللى جوزها يتوفى .. و ليها أولاد .. و بنات .. و قعدت ربتهم .. " معلش يا ستى تعالى على نفسك شوية ،، و الله الخير كتير مستنيكى " .. بتزاحم الرسول عليه الصلاة و السلام فى دخول الجنة .. " سبحان الله .. شوف لدرجة إيه " .. بتدخل الجنة كتفها ف كتف الرسول .. و بتزاحمه ... مين فيكوا عاوز منزلة أكبر من كده ؟؟؟ .. تطمعى فى متاع زائل من متاع الدنيا ؟؟ و تسيبى متاع الآخرة ؟؟؟!!!!!!!!!!!

ماشي معاك فى كل الكلام الجميل ده لكن انا بتكلم هنا على اللى ربت اولادها خلاص لانها كبيرة فى السن اصلا و هو ده اساس الموضوع جواز المسيدات المسنات ...
اما عن السيدات الصغيرين فى السن فاذا كان ده الاولى ما كنتش زوجة سيدنا جعفر اتجوزت بعده سيدنا ابو بكر و لما مات سيدنا ابو بكر اتجوزت سيدنا عمر ( و دى طبعا اكيد مش مش داخله الجنة ) و المقصود بالحديث ان اللى بتعمل كده ثوابها كبير لكن اللى بتتجوز مش هتروح النار و لا حاجة و لا ثوابها فى تربية اولادها ناقص ....

الجواز شرع ربنا مقلناش حاجة .. بس معلشى .. متروحش تتجوز واحد من دور عيالها .. مش يبقى الواد عنده 20 سنة .. و جوز أمه عنده 25 سنة " يا متجوزها عشان فلوسها .. يا متجوزها عشان فلوسها " .. و ييجى الواد ابنها يا عينى .. يصاحب الراجل ده .. طب يقوله إيه ؟؟ .. يا جوز أمى ؟؟ يا صاحبى ؟؟ يا عمى ؟؟ !!!!!!!

و علشان كده انا قلت مناسب ليها من كل النواحي و اللى اكيد منها انه مناسب ليها سنا الفكرة هنا مسالة الجواز نفسها و اللى المجتمع يكاد يكون محرمها تقريبا ....

و الله أنا قلت اللى عندى .. و مش معنى كده إنى معارض .. أنا هسيبكوا انتوا تحكموا .. تتجوز و تاخد الدنيا ؟؟ ... و لا تراعى ربنا ف أولادها و تفوز بالآخرة ؟؟ ... و برده مش معارض .. الرسول عليه الصلاة و السلام كان متجوز السيدة عائشة " عليها السلام " .. و كانت أكبر منه فى السن بكتير ..

مش محتاجه اضرب نفس المثال بتاع زوجة سيدنا جعفر تانى و على فكرة السيدة عائشة كانت اصغر من الرسول عليه الصلاة و السلام باكتر من خمسين سنة مش اكبر منه و لا حاجه ....

فى ناس بتقول ع الراجل " عينه فارغة " .. أو " ما صدق خلص منها " .. أو أيا كان اللى بيتقال لما يروح يتجوز واحدة و ف نفس سنة وفاة مراته .. " لا حول و لا قوة إلا بالله " .. و تناسوا .. أو نسوا .. إن الرسول عليه الصلاة و السلام زوج أحد الصحابة فى جنازة زوجته !! ..

و كتير برضه على فكرة من زوجات الصحابة بمجرد ما كانت بتنتهى فترة عدة اى واحدة فيهم كان خيرة الرجال بيتسابقوا علشان يتجوزهم .....

مشكور يا دكتور على مرورك و تقبل تحياتى ....

[~*nourel3en*~]

وجهة نظرى ان المراة لو كانت صغيرة فى السن وقت وفاة زوجها لازم تتجوز عصمة لها من اى شىء فى الدنيا
لكن لو وصلت لان عندهاابن عنده عشرين سنة زى ما بتقولوووا يعنى سنها كبر وحسب برده زى ما زكرت زوجها ستين تبقى هيا فى حدود خمسين مثلااا
تربى اولادها وتعيش على زكرى زوجها ولها الجنة اكرم لها متين مرة من اى شىء (مع العلم ان الزواج شرع ربنا ومن حقهاا)