ياطلبة اعدادى

[dr.shaimaa]

اولا
السلام عليكم ورحمة الله وبركاته
ثانيا
كل سنة وانتو طيبين
المهم بقى ياريت حد يرفع البروجكتور الخاص بالاناتومى وياحبذا لودكتور عامر عشان نفهم الشرح زى مابيقولو لومافيش يبقى اى حد بس يكون كويس واللى عرف يذاكرها يقول ويتفضل بالنصائح ووسائل المساعدة
الحاجة التانية بالنسبة للكيميا هنعمل فيها ايه خاصة بتاعة دكتور منال لا نافع كتاب ولا برجكتور ولا ورق ولا الدكتورة واللغة انتو عارفين فياريت اللى عندوا اى نصيحة فكرة يتفضل لان بجد الوضع صعب
ولكم منى جزيل الشكر

[chemist girl]

واللى عرف يذاكرها يقول ويتفضل بالنصائح ووسائل المساعدة

انا فالأناتومي والمورفولوجي بقرأ واترجم وافتح القاموس وافهم... والموضوع ماشي
بس بصراحه الحفظ ده بقى مشكله بالنسبالي وخصوصا بالانجليزي
فانا بكتفي بالفهم
والحفظ ان شاء الله هيجي بالتكرار

أما الكيميا وخصوصا الثرموكمستري

النسبة للكيميا هنعمل فيها ايه خاصة بتاعة دكتور منال لا نافع كتاب ولا برجكتور ولا ورق ولا الدكتورة واللغة انتو عارفين فياريت اللى عندوا اى نصيحة فكرة يتفضل لان بجد الوضع صعب

فانا بضم صوتي لصوتك

[Mohamed7755]

يا صباح التشاؤم

ده أنا قلت من العنوان إن فى خبر كويس زى السنادى مافيش امتحانات وكله هيعدى وينجح


أنا كل ما ادخل على المنتدى بحس إنى هاعيد السنة هاعيدها

بالنسبة للكيميا هنعمل فيها ايه خاصة بتاعة دكتور منال لا نافع كتاب ولا برجكتور ولا ورق ولا الدكتورة واللغة انتو عارفين فياريت اللى عندوا اى نصيحة فكرة يتفضل لان بجد الوضع صعب

أنا فى رأى اننا نعمل مظاهرة ونعمل اعتصام ونطالب إن الجزء ده من الكيميا يتحذف
ماهى البلد دى لو اى حد عاوز حاجة فيها الوقتى يطلع يعمل مظاهرة واعتصام وبتتنفذ له مطالبه

[Mouri Ran]

[CENTER]يا صباح التشاؤم

ده أنا قلت من العنوان إن فى خبر كويس زى السنادى مافيش امتحانات وكله هيعدى وينجح


أنا كل ما ادخل على المنتدى بحس إنى هاعيد السنة هاعيدها

لا أنا مسمحش بكدا

الموضوع والله والله أبسط من الزعل والتعقيد دا كله .. وعشان أثبت لك أنا هذاكر النهاردة الكيميا الفيزيائية وهخلصها يعني هخلصها بأي شكل بقى إن شاء الله

وهبقى أقولكم وصلت إزاي ..


أهم حاجة يكون عندنا إرادة وتفاؤل (تفاءلوا بالخير تجدوه) وبعد كدا والله أي مادة هتتذاكر شاءت أم أبت

[ملكة الخيال]

أوكي يا جماعة بشرة خير
أنا خلصت الكيمياء الفيزيائية
وكمان شفت الشيت بتاع د/ناهد
يعني حليت شوية والباقي مش عارفة عايز إيه بس المهم حليت
هههههههههههههههههههههههههههههههه

بس اللي معقدني النبات
لو حد عنده حل يقول

[Mouri Ran]

أوكي يا جماعة بشرة خير
أنا خلصت الكيمياء الفيزيائية
وكمان شفت الشيت بتاع د/ناهد
يعني حليت شوية والباقي مش عارفة عايز إيه بس المهم حليت
هههههههههههههههههههههههههههههههه

بس اللي معقدني النبات
لو حد عنده حل يقول

شفتوا .. شطورة يا ملكة الخيال

والشيت حلو بردو أنا حليت فيه شوية بس مخلصتوش

النبات حله الوحيد بيتهيألي التكرار .. وعشان متزهقيش شوفي من كذا مصدر ..

في الموروفولوجي مثلا فيه 3 بوربوينت أو 4 حتى وفيهم كل اللي أخدناه بأشكال مختلفة.

غير الورق والكتاب في الأناتومي معقول.

[*asmaa*]

بصراحة الموضوع ممكن يكون منعب في الاول بس بالتكرار هيكون احسن احنا علينا في البداية الفهم وبعدين نوقف مذاكرة كل فترة كدا نراجع فيها كل مادة من الاول او حتى يوم الرست نظبط كدا كل سبوع مادة بيتهايلي هيبقى سهل يمكن الي مدوخ شويه امتحان الميد تيرم بس ان شاء لله كله بالتوفيق
انا بصراحة مفتحتش النبات المورفولوجي بس كله على الله توكلوا على الله حق توكله وربنا هيعينا
وليا طلب عايزة اعرف احنا واقفين في اللغة لاني معرفش فيها حاجة
-----
اه نسيت ايه حكاية الشيت ده انا سالت قالوا بعد العيد هو نظامه ازاي وهو المقصود بالشيت ورق المسائل ولا حاجة تانية

[Mouri Ran]

صح يا أسماء وإن شاء الله الميد تيرم يكون خفيف وسهل ..

احنا في اللغة أخدنا لحد صفحة 17 وصفحة 18 و19 شيت .. وطبعًا شوية الاختصارات اللي بناخدها ومش فاكرة منها ولا كلمة دي ..

لو مش كاتباها ممكن أكتبها هنا إن شاء الله

د هيثم مفيش حاجة معينة بناخدها .. بس بردو طلب شيت للسؤال صفحة 81 .. وابقي تابعي الإعلانات

والشيت بتاع د ناهد والله أنا معرفش نظامه ايه هي أصلا مقالتش كلمة شيت خالص .. قالت حلوه ونشوف ايه اللي واقف عليكم

بس أنا هحاول أحل المسائل في ورقة وأخدها معايا الأسبوع الجاي وخلاص

[MyYTh]

انا عندي حل جربته للأناتومي بتاع النبات ...
حضرتك ممكن تحفظي او تفهمي اللي يريحك وبعد ما تحفظي جزئية تكتبيها في ورقة فاضية برة خالص وتكتبي اللي فهمتيه بالظبط .. بس من غير ما تبصي في الورق وكدة ده هيثبتها عندك شوية وتكتبي الملخص اللي تفهمي بيه الجزئية دي وتفتكري بيها الباقي
ولما تيجي تراجعي تاني تبدأي الأول تقري الورقة اللي انتي كتبتيها دي وبعد كدة تذاكري عادي
وان شاء الله
هتلاقي نفسك فاكرة كل حاجة
انا جربت الحل ونفع معايا ويارب ينفع معاكم

[Mohamed7755]

لا أنا مسمحش بكدا

الموضوع والله والله أبسط من الزعل والتعقيد دا كله .. وعشان أثبت لك أنا هذاكر النهاردة الكيميا الفيزيائية وهخلصها يعني هخلصها بأي شكل بقى إن شاء الله

وهبقى أقولكم وصلت إزاي ..


أهم حاجة يكون عندنا إرادة وتفاؤل (تفاءلوا بالخير تجدوه) وبعد كدا والله أي مادة هتتذاكر شاءت أم أبت

أنا عن نفسى مافيش تشاؤم

بس المشكلة إنى كل ما أقول هذاكر الجزء بتاع الدكتورة منال بشوف إن كل الناس ما حدش ذاكره وكله متعقد منه

علشان كده مش بيتذاكر

وعلى فكرة انا حليت معظم مسائل الدكتورة ناهد بس اللى كان بيوقفنى ال MW علشان مكنتش لاقى الجدول

وفى بعض المسائل مكنتش فاهم هو عاوز ايه

بس الحمد لله حليت معظمهم

وبالنسبالى الجزء بتاع الدكتورة ناهد سهل

وربنا يوفقك الجميع

-----

انا عندي حل جربته للأناتومي بتاع النبات ...
حضرتك ممكن تحفظي او تفهمي اللي يريحك وبعد ما تحفظي جزئية تكتبيها في ورقة فاضية برة خالص وتكتبي اللي فهمتيه بالظبط .. بس من غير ما تبصي في الورق وكدة ده هيثبتها عندك شوية وتكتبي الملخص اللي تفهمي بيه الجزئية دي وتفتكري بيها الباقي
ولما تيجي تراجعي تاني تبدأي الأول تقري الورقة اللي انتي كتبتيها دي وبعد كدة تذاكري عادي
وان شاء الله
هتلاقي نفسك فاكرة كل حاجة

فكره كويسة انا بعملها
والحمد لله فى الكويز بتاع د محمد عامر الأول أنا حليته كله وكنت متأكد منه


بس المشكلة فى المورفولوجى



والأسماء والأشكال الكثيرة الغريبة ومطلوب حفظها