هو الاتحاد ده مبيعملش رحلات علميه ولا ايه؟
السلام عليكم............
كل سنه كان الاتحاد المعين ورعاية الطلاب بيعملوا رحلات علميه
صحيح كانت بتبقي كوسة ومش بيطلع الا اللي الاتحاد عاوزه يطلع بس عالاقل كان في اسم ان طالع رحلة
فين بقي الاتحاد العظيم بتاعنا واللجنة الاجتماعية والرحلات؟
والله نفسي اطلع رحلات قبل ما اتخرج......
آه ياااا ريت بدل الرحلات اللي الواحد زهق من اسمها بتاعت دريم بارك واسكندرية نشوف رحلات جديدة..
كنت لسا قارئة إعلان في علوم عن رحلة لوادي الحيتان في الفيوم بس وقتها فات.. يا ريت تكون فيه رحلات علمية أو ثقافية لأماكن مميزة زي كدا.
وبصراحة انا لسا مشفتش أي حاجة قيِّمة من أول السنة الاتحاد عملها.
للامانه انا شفت ندوة الدكتور حازم شومان ومساهمتهم في كل مشكلة كتاب الابلايد(في دفعتنا يعني) لكن كرحلات ما شاء الله زيرو الا بقي لو هايحسبوا معسكر جمصة اليتيم ده رحلةالمشاركة الأصلية كتبت بواسطة Mouri Ran
السلام عليكم
زملائي الاعزائي
بداية كل سنة وانتو طيبين
انا زميلكم محمد الالفي عضو اللجنة الاجتماعية والرحلات
احنا للاسف النشاط واقف عندنا ف اللجنه ويسال عن هذا الموضوع امين اللجنه
بالنسبه للرحلات العلميه فدي من اختصاص اللجنه العلميه بتيجي تقترح الرحله ع اللجنه الاجتماعية والرحلات
وتطلب الدعم واحنا نحسب التكلفه ونقدر الدعم كما تكفله اللائحة الطلابيه
اللي بندعي ربنا انو ينتعها بالسلامه ان شاء الله
في رحله ان شاء الله بتتحضر الآن
بس للاسف نفس الاماكن اللي حضراتكم بتكلمو عنها الاسكندريه او القاهرة
كان فيه رحلة مقترحه للاقصر واسوان والغردقه
بس تكلفتها ضخمه جدا وهتاخد تقريبا تلت ميزانية الاتحاد
وده طبعا ما حدش فينا يرضاه
وان شاء الله فيه ندوه برضو بعد العيد عن العلاقات العاطفيه ومشاكل فترة الخطوبه
وكله لحد الان بيخلص وهيكون ع مكتب العميدة
ان شاء الله يوم السبت اللي بعد العيد
انتو بس لو خلينا الموضوع دا ونفتحه للاقتراحات واحنا تحت امركم
هو بس كإقتراح .. الرحلات بتاعت اسكندرية والقاهرة دي بقت مملة جدًا وأعتقد مفيش طالب جامعة لسا مرحش المكانين دول ..
والرحلة كمان يوم واحد فمش هيكون فيها أي جديد
ليه ميبقاش فيه رحلة لمكان محمية طبيعية زي اللي في الفيوم دي ؟
ولا فيها أي تكلفة وأعتقد مش محتاجة لجنة علمية ولا حاجة رحلة خفيفة ومش مكلفة ..
وفيه أماكن كتير تانية زي دي محدش راحها قبل كدا وتكلفتها بسيطة.
السلام عليكم
ع فكره يا دكتوره كان فيه رحلة للطالبات فقط السنه اللي فاتت
لو حضرتك كنتى سمعتي عنها
وكانت ضمن فقراتها محميه طبيعية " افريكانو بارك "
لول حضراتكم عاوزين تطلهو الفيوم وتقضوا يوم هناك ما قيش اي مشكله
نخلي رحلة كمان للفيوم غي بتاعت اسكندريه
اهم حاجه زمايلنا يتفسحوا اخر يومين ليهم ف الكليه
عشان بعد كدا ...............................................
طبعا انتو عارفين التكمله
ياااااااريت و الله ياااااااارب بابا و ماما يوافقوا محسسني ان البلطجية مستنيني أما أطلع الرحلة عشان يخطفوني
كانت احسن رحلة طلعتها .. والناس اللى مطلعتش وسمعوا من الناس بعد ما رجعنا من الرحلة ... ندموا كتير انهم مطلعوش ...
انا مطلعتش اي رحلة من ساعة ما دخلت الكليه ومرحتش الاماكن دي خالص لحد النهارده ..............
انا مطلعتش اي رحلة من ساعة ما دخلت الكليه ومرحتش الاماكن دي خالص لحد النهارده ..............
نادر يا دكتور اللي مطلعش رحلة أو راح القاهرة واسكندرية مع أهله.
وبردو فيه أماكن تانية جميلة مش دول بس خصوصا ان الرحلة بيكون فيها أماكن كتير ومش بتلحق تستمتع بكل حاجة.
ضوابط المشاركة
رد مع اقتباس