نداء عاجل لفريق إعداد المجلة .. أرجو الاتنباه ..

[M.Hegazy]

بسم الله الرحمن الرحيم

سلام الله عليكم و رحمته و بركاته ..

أما بعد ،،،

نبارك لجميع رواد المنتدى الأدبي على صدور العدد الأول من مجلة إشراقة ..

و ندعوهم للمشاركة معنا في العدد الثاني من المجلة ( عدد العيد ) ..

و أوعدكم بعدد مميز و مفاجئة لحضراتكم بإذن الله ..

سنناقش في هذا الاجتماع النقاط التالية :

1. إحصائيات العدد الأول من مجلة إشراقة .

2. أخطاء العدد الأول من المجلة .

3. مقترحات لتطوير المجلة قلبا و قالبا .

4. تنظيم هيكل المجلة .

5. مناقشة فكرة جعل المجلة مطبوعة و إلكترونية .

6. الإعداد لعدد العيد ..

عايزين ننزل بمجلة تليق بينا و و بيكم ..

يا ريت جميع أعضاء الهيكل الإداري للمجلة يردو على النقاط دي في أسرع وقت ممكن ..


خالص التحية ..



Dr.M.Hegazy

[E.Raafat]

السلام عليكم ورحمة الله وبركاته
هوه الموضوع وقف ولاّ مفيش حد رد يعني ؟؟؟؟؟؟؟؟؟؟؟
1) أنا بتفق مع دكتور محمد فهمي إن العنوان واسم الكاتب يكونوا فوق الموضوع وليس أسفله
2) خلفيات الصفحات في القسم الأدبي كانت في وجهة نظري أقل من مستوى خلفيات الأقسام الأخرى ,,,, لذا أطلب استخدام خلفيات وصور تساعد العمل الأدبي على الوصول لعقل القارئ
3) أنا مع إصدار عدد مطبوع وبعتبر دي الخطوة الأهم
دا اللي عندي لحد دلوقتي

[محمد فهمي]

بسم الله الرحمن الرحيم

تقريباً كلنا ناقشنا الإقتراحات كلها في الصفحة الخاصة بالعدد الأول...بس احب أكد تاني علي بعض النقاط
1) بالنسبة للتصميم الداخلي للمجلة:
* وضع أسماء الأعضاء المشاركين أعلي الصفحة ولس أسفلها
* كتابة أسماء الأعضاء الحقيقية ولو حتي تكون ثنائية وليست بأسماء مستعارة أو إرفاق الإسم المستعار بجانب الإسم الحقيقي..(وفيه حاجة شكلية بسيطة كده وهي: لو هنذكر لقب دكتوريبقي يسري علي جميع الاعضاء والعكس لأن في العدد الأول كان فيه كده وكده وأفضل أن تكون الأسماء مجردة تماماً...)
* إرفاق الصور الموضحة للعمل لإعطاء المزيد من الجذب والجمال..(كما أشار د.إبراهيم أيضاً)
* خلفيات الصفحات تكون مُعبرة عن العمل (كما ذكرد.إبراهيم)

2) بالنسبة للمشاركات

* ألا تكون قصيرة لحد ما..أي تكون المشاركات كثيرة وقصيرة وليس العكس.
* أقسام المجلة الأخري غير الأدبية تكون جذابة ومفيدة أيضاً وغير طويلة حتي لاتعطي مللاً...وهذه نقطة مهمة جداً.
* ضبط عدد صفحات المجلة إذا أصبحت مطبوعة لتتلائم مع التمويل اللازم...يعني لاتُترك مفتوحة.

لوجو المجلة كويس ومعبر الحقيقة...بس التغيير هيكون في باقي الغلاف للتنويع فقط...

ياريت نعرض ملاحظاتنا يادكاترة في أسرع وقت

[M.Hegazy]

تم فتح باب استقبال الأعمال الجديدة للبدأ في الإعداد للعد الثاني من المجلة ..

شروط الأعمال المرسلة :
1. أن يكون العمل حصري و لم ينشر من قبل .
2. اسم صاحب العمل ثلاثي ( و وظيفته ) .
3. أن ترسل الأعمال على هيئة ملف وورد مرفق بها صورة تعبر عن الموضوع ، الخط المستخدم Arial حجم ( 14 ) Bold و العنوان يكون بخط حجمه ( 20 ) Bold .

3. ألا يزيد العمل عن صفحة واحدة فقط .

4. يتم استقبال أكثر من عمل لنفس الشخص ، و لكن يتم نشر عمل واحد فقط له .

5. المواضيع التي يمكن الاشتراك فيها : الشعر / النثر / الخاطرة / القصة القصيرة / المقال / الكاريكاتير / الرسم


في فترة أقصاها 10 أيام من بداية الإعلان ( آخر موعد 10 - 11 - 2011 )

يمكنكم مراسلة أعضاء إدارة المجلة من خلال الروابط التالية :
1. نائب رئيس تحرير المجلة ( محمد فهمي )
http://www.pharma-board.com/board/member.php?u=3725

و هوا هيبلغ حضراتكم بالجديد دوما ..

أنا هتغيب لفترة بس هتابع من بعيد لبعيد و هينوبني محمد فهمي ..

أي تساؤل أو استفسار هو هيكون موجود و هيرد عليكم إن شاء الله لحين عودتي ..

[Aya Farouk]

ربنا يوفقكم ان شاء الله
بس لعدم توافر شرط "عمل حصرى لم ينشر من قبل"
فأظن مش هشارك معاكم العدد دا
او حسب تساهيل ربنا بقا
الله الموفق ,,,

[محمد فهمي]

نرجو من رؤساء أقسام المجلة البدء في تجهيز الأعمال الخاصة بقسمهم من الآن..
وأي استفسار إن شاء الله موجود معاكم..

[صاحبة القلم الحائر]

السلام عليكم ورحمة الله وبركاته

كل عام وحضراتكم بخير ويارب يكون عيد سعيد علينا جميعا

لو سمحتم يا دكاترة اللى هيشارك معانا فى قسم الشعر ياريت

يبعتلى العمل اللى هيشارك بيه وياريت يكون عملين مختلفين

فى انتظار مشاركتكم

----------------------------------
دوك محمد فهمى احنا مش عارفين نوصل لحضرتك عن طريق الرسايل فياريت حضرتك تقولنا هنبعت الاعمال ازاى لما تجهز

جزاكم ربى كل الخير

[محمد فهمي]

الرسايل الخاصة فتحتها...ممكن حضرتك تبعتي عليها..

[صاحبة القلم الحائر]

السلام عليكم ورحمة الله وبركاته

ياريت يا دكاترة اللى هيشارك معانا فى قسم الشعر
يبعتلى العمل اللى هيشارك بيه فى أسرع وقت
ولو فى مشكلة فى اى حاجة بلغونى

جزاكم ربى كل الخير

[M.Hegazy]

أرجو الهمة شوية يا شباب .. و اللي مش هيقدر يكمل معانا يعتذر دلوقتي عشان نقدر نمشي المركب ..