(( عصفور فى غابة )) .. بقلمى ..

**Dr_Cinderellaaaaa** · 15-07-2011, 04:25 PM

بسم الله الرحمن الرحيم
.....................................
بعتذر عن غيابى الفترة اللى فاتت وعدم تعليقى على القصائد الرائعة اللى كتبتوها يا رواد المنتدى الأدبى ..
وعاجبنى جدا جو المنافسه اللى فى المنتدى الأدبى ..
وان شاء الله من تقدم الى تقدم ..

أنا رجعت تانى ب (شعر حزين) ..
أتمنى من الدكاترة النقد لو سمحتم ..
ولكم خالص الشكر والتقدير ..

عصفور يعزف أنغام
على أوتار الآلام
عصفور ذهبى اللون
يحيا بمكان فى الكون

بمكان سماه الغابه
مع مخلوقات كذابه

عصفور أسمعنى نداءه
اتخذ من الحزن رداءه

استبدل تغريدا ببكاء
ودموع ذرفت بسماء

عصفور يشبه ذاتى
بدأ يحكى الآتى ؛؛

أبصرت أول ما أبصرت
وحوشا فى دنيا الغابه

وقلوبا سوداءا فيها
الحب كمثقال ذبابه

ألسنة تنطق بكلام
كالسم ذقت أنا عذابه

فى طريق الدنيا قابلت
وحوشه..أسوده وذئابه

رأيت نظرات الغدر
والكل يخفى أنيابه

الكل أتقن علم الشر
و لكل علم طلابه

قالوا هذى هى الدنيا
و لكل منا أسبابه
...........................
حقد ونفاق ونميمة
حسد و رياء و كذب

وقلوب يسكنها ضغينة
من قسوتكم عصفورى شرب

ياابن الدنيا كغاك ظلما
كفاك لهوا ولعب

يا ابن الدنيا كفاك .. كفاك
اسمعنى وعلى أسئلتى أجب
.........................................
ألا تسبح داخل أعماقك
وفى قلبك تبحث وتجوب!

ألا تحدث نفسك أحيانا
فتجعلها تبكى و تذوب!

ألا تفكر فى حالك
وتنقى قلبك وتتوب!

لن آخذ حقى منك اليوم
فعملك بكتابك مكتوب!!
..............

**snowyellow** · 15-07-2011, 04:40 PM

كلمات رائعة جدا
واسلوب أكثر من رائع
سلمت يمناكِ يا دكتورة
ودمتى فى تألق وتميز دائما

**Dr_Cinderellaaaaa** · 16-07-2011, 03:23 PM

المشاركة الأصلية كتبت بواسطة snowyellow

كلمات رائعة جدا
واسلوب أكثر من رائع
سلمت يمناكِ يا دكتورة
ودمتى فى تألق وتميز دائما

جزاكى الله خيرا على المرور العطر والرد الرائع dr_snowyellow
نورتينى يا قمر ..

-----

المشاركة الأصلية كتبت بواسطة AbU ElKhAiR-Let`s Go

عجبتنى جدا بصراحه

منتظر مزيدك

وبالتوفيق

شكرا دكتور محمود .. جزاك الله خيرا على المرور و الرد ..

-----

المشاركة الأصلية كتبت بواسطة dr corundom

راااااااااااائعة

شكراااااااااااااااااااااااااااا ..

-----

المشاركة الأصلية كتبت بواسطة كليوباترا

بجد رائعة يادكتورة
حضرتك متميزه فعلا
تحياتى لكى وبالتوفيق ان شاء الله

منورانى دايما والله دكتورة كليوباترا ..
جزاكى الله خيرا .. رافعة معنوياتى كده علطول ..

شكرا على المرور العطر يا قمر ..

**AbU ElKhAiR-Let`s Go** · 15-07-2011, 04:46 PM

عجبتنى جدا بصراحه

منتظر مزيدك

وبالتوفيق

**dr corundom** · 15-07-2011, 04:58 PM

راااااااااااائعة

**M.Hegazy** · 15-07-2011, 06:06 PM

أنا قسما بالله .. نفسي اتاخد طول ما أنا بقرأ القصيدة الأكثر من رائعة دي ..

لما قلت عليكي " حاملة اللواء " .. مكنش ده من فراغ و الله .. إنتي فعلا حاملة اللواء .. هتفضلي متميزة عن الكل هنا ..

بشِعْرِك و كلامك اللي فيه طابع ديني .. ربنا يبارك فيكي و يثبتك و يوفقك كمان و كمان ..

أبدعت فأمتعتِ .. و بدون مناقشة لو فيه أكتر من خمس نجوم .. فإنتي تستاهليهم ..

تقبلي فائق الاحترام و التحية ..

Dr.M.Hegazy

**كليوباترا** · 15-07-2011, 06:15 PM

بجد رائعة يادكتورة
حضرتك متميزه فعلا
تحياتى لكى وبالتوفيق ان شاء الله

*** lovely heart *** · 15-07-2011, 06:30 PM

اخص على

معلشى ياقلبى على ردى المتاخر عليكى
بس بصراحة ياسوسو بجد وحشتى المنتدى بتاعنا
وقعدنا نقول راحت فين خافت تدخل المسابقة كدة مش تساندى عبير وسايباها لوحدها

بس غيابك طال ورجعتلنا لتكملى معانا المشوار
بقصايدك وخواطرك الاكتر من رائعة ياقلبى
طبعا الدكاترة حيوكى حبيبتى ومهما قولت
مش هتتقارن ابدا بجمال كلماتك

بس ليه رجعتى تانى للاحزان ياقلبى مش احنا اتفقنا بقى ليه ده ؟؟؟؟
يارب تكونى دايما بخير حبيبتى وطمنينى عليكى
تقبلى المرور واسفة كتير للاطالة

**Dr_Cinderellaaaaa** · 16-07-2011, 03:13 AM

المشاركة الأصلية كتبت بواسطة * lovely heart *

اخص على

معلشى ياقلبى على ردى المتاخر عليكى
بس بصراحة ياسوسو بجد وحشتى المنتدى بتاعنا

المنتدى وحشنى جدا والله .. وانتى وحشتينى أكتر يا لولو ..

وقعدنا نقول راحت فين خافت تدخل المسابقة كدة مش تساندى عبير وسايباها لوحدها

بلاش أنا .. أنا مش قد الناس دى يا لولو .. سيبونى فى حالى

كفاية علينا عبير .. رافعة راسنا ..

بس غيابك طال ورجعتلنا لتكملى معانا المشوار
بقصايدك وخواطرك الاكتر من رائعة ياقلبى
طبعا الدكاترة حيوكى حبيبتى ومهما قولت
مش هتتقارن ابدا بجمال كلماتك

بس ليه رجعتى تانى للاحزان ياقلبى مش احنا اتفقنا بقى ليه ده ؟؟؟؟
يارب تكونى دايما بخير حبيبتى وطمنينى عليكى
تقبلى المرور واسفة كتير للاطالة

جزاكى الله خيرا يا لولو على كلامك السكر ده

التوبيك بتاعك طبعا .. مش محتاجة عزومة .. طولى براحتك ..
ربنا يخليكى ليا يا حبيبة قلبى ..

-----

المشاركة الأصلية كتبت بواسطة الملاك الضاحك

ايه الغيبه الطويله دى يا حبيبه هارتى
زوزووووووووووووووووو ..
وحشتينى موووووووووووت والله .. وحشتنى ابتسامتك الحلوة ..

بس قصيده فى غايه الروعه والجمال
كعادتك طبعا فى الحزينى
ماشى ماشى .. حزينى ؟؟

وفعلا أجمل واحسن ما بيزين قصايدك
هى النزعه الدينيه اللى متعودنها منك
ربنا يبارك فيكى ومتغبيش علينا تانى
مع كل التحيه والتقدير

جزاكى الله كل خير يا زوزو يا حبيبتى ..
ردك هو الأجمل و الأروع .. كفاية عليا وجودك فى التوبيك يا قمراية ..سعيدة جدا ان القصيدة عجبتك ..

**A.Elrayes** · 15-07-2011, 07:28 PM

بصراحة انا قررت ابطل شعر
ايه ده

دا اللي انا بكتبه بقي تخاريف مش شعر
بجد بجد مش قادر اوصف مدي اعجابي بالتشبيهات والتصوير انا متخيلتش ابدا ابدا حاجه بالجمال ده
كل حرف وقع علي شبكية عيني قلبي حسه قبل ما عقلي يترجمه
اتمني من الله ان يوفقك ويفك كربك ويتوب علي حضرتك وعليا وعلي جميع المسلمين

الموضوع: (( عصفور فى غابة )) .. بقلمى ..

أدوات الموضوع

عرض

العرض المتطور

(( عصفور فى غابة )) .. بقلمى ..

ضوابط المشاركة