قبل ان اتجوز صينيه
اعضاء المنتدي الكرام اخباركم ايه وانشالله يارب تكونوا جميعا بخير
حبيت اطرح موضوع للنقاش واخد رايكم في موضوع يعاني منه الكثير وذلك قبل ان اخد قرار فعلي
بعد البحث والتمحيص واللف كتير هنا وهناك ومابين المهور العاليه والطلبات الغريبه وسحب الرجل في بادئ الامر وبعدين عينك ما تشوف الا النور
وجدت في منتديات كتيره وكمان الفيس بوك فكره لو نظرت لها بعين العقل تجدها ليست سيئه بل ممتازه للبعض
وهي الجواز من صينيه
طبعا هي صينيه ولسيت صنيه من بتوع المطبخانسانه مسلمه من لحم ودم مخلوق زينا عادي جدا ولكن من الصين الشعبيه
هل كونها من الصين دي جريمه ؟
طب اشمعنا عايزين نتجوز من لبنان مثلا هما لبنان بشر والصين حيوانات
واشمعنا عايزين نتجوز من دول تانيه واللي يقولك ايطاليا والنمسا واليونان
محدش يستغرب انا عارف ناس متجوزين من المناطق دي
بس ليه الاستهزاء بالصينييين ؟
طب بص كده معايه للصينين
اولا هي انسانه مسلمه ودا المهم علي فكره انا مش بعمل دعايه لموضوع الجواز من الصينيات او غيرهم بس المصريات عملولنا ايه ؟
من خلال تجارب شخصيه والغير من اصدقائي وجدت الاتي ( الا من رحم ربي ) مش عايز اظلم
عايزه تتجوز ومش عايزه بمعني لازم سيادتك تلف وتدور علي مليون علشان توافق واول مطب سواء في الخطوبه او الجواز تقولك انت نسيت نفسك انا عصرت علي نفسي لمونه وقبلت اتجوزك
المرحله الاولي جذب العريس ليدخل المصيده كما يسمسها البعض عن طريق تسهيل الامور وتشغل بال الزبون لحد ما يتعلق المسكين بيها
ساعتها يبدا الجد تعال زورنا في البيت واول مما تروح انسا ياريس
تدخل لمرحله التانيه وهي انك بمجرد دخولك البيت يقولك بس لازم يتربط هنا باي حاجه شبكه او غيره علشان لو سيادتك حاولت تخع يضيع عليك شبكتك
( والدهب غالي ) والف مين هيغلطتك
خليك بلعت الموضوع ووافقت والامور ماشيه تدخل في الغويط اللي هو
شقه و ومهر وفرح في قاعه .و.................................الخ
انا ذهلت لما سمعت شبكه لواحده ب 30 الف جنيه وعايزه شقه تمليك وعايزه فرح
في داون تاون في اسكندريه
موووووووووووووووووووووووووووووووووووووووووولد وما فيش فلوس
وبعد دا كله البنات زعلانه لو المصري بص بره واتجوز من واحده اجنبيه سواء عربيه او اوروبيه
ونقلا عن كلام واحد بيقول اشمعنا بتزعلوا لما احنا بتجوز من بره وانتوا اول ناس لو لقت فرصه ( بكرر مش الكل ) لو لقت فرصه غير مصريه معاها فلوس توافق عليه
ولو مصري حتي بس معاه فلوس هتوافق عليه انا اعرف واحد في الخارج شغال في اطاليا وبصراحه معاه ملايين واتقدم لواحده واتقدم ليها في نفس الوقت دكتور
وكان متخرج من 3 سنين لسه علي اده يعني الدكتور اترفض واتجوزت بتاع الخارج
ليه علشان معاه فلوس
علشان مااطولش عليكم بالنسبه لموضوع الصينيه دا
الموضوع كله محتاج ورقه تثبت ان ليك دخل وسكن حتي لو مع الاهل و1500 جنيه تدفعهم والجواز في الازهر ولا هتكلفك اي حاجه من الكلام اللي فات دا كله
اسف للاطاله واتمني بجد ان بنات المنتدي كلامي ما يزعجهمش وما يدايقهومش لكن
لو احنا لقينا فعلا بنت الحلال اللي تكافح مع الواحد لحد ما يقف علي رجليه لاني شخصيا معنديش استعداد اتجوز وانا عندي 30 او 40 سنه
وياريت الكل يشارك برايه دون سخريه او استهزاء او تجريح ولو البنات شايفه اننا ظالمين او غلطانين يدلونا علي الصح اللي ممكن من خلاله نمنع الغزو الصيني اللي البنات بتسميه كده
ولكم شكري واعتزازي
رد مع اقتباس
المشاركة الأصلية كتبت بواسطة N00R EL _SHAMS
.gif "Fop (18)")
.gif "Fop (29)")
